د ایران د کرنې وزیر غلام رضا نوري قزلجه د چهارشنبې په ورځ (د زمري ۲۱مه) د یو پلاوي په مشرۍ کابل ته ورسېده. په کابل کې د ایران سفارت پر اېکس پاڼه په یوه یادښت کې کابل ته د ایران د کرنې وزیر د سفر موخه له طالب چارواکو سره د نوموړي ناسته او د کرنې له نندارتون څخه لیدنه ښودلې ده.
د افغانستان د ښځو د تاریخ بدلون غورځنګ د طالبانو د واکمنۍ پنځمې کلیزې په مناسبت په یوې اعلامیه کې ویلي، چې تېرو پنځو کلونو افغانستان د خپل معاصر تاریخ له تر ټولو ژورو بشري، سیاسي او اقتصادي ناورینونو سره مخ کړی دی.
د تهران د والي ویاند علي رزازي ویلي، چې په تېرو پنځو میاشتو کې تر ۴۴زره ډېر بېاسناده افغان کډوال په خپله خوښه یا جبري توګه افغانستان ته ستانه شوي دي. هغه ویلي، چې د بېاسناده افغان کډوالو د اېستلو لړۍ په چټکۍ سره روانه ده.
افغان څپې وهونکي افریدون امو چې تېرکال یې په هند کې د اسیا د سرفېنګ سیالیو پرمهال د افغانستان بېرغ ورپاوه وايي، چې په افغانستان کې د سرفېنګ د ودې لپاره یې هڅې د طالبانو له بیا واکمنېدو وروسته په ټپه ودرېدې.
افغان سندرغاړي صابرشاه له افغانستان انټرنشنل پښتو سره په خبرو کې ویلي، موسیقي د خلکو ترمنځ د مینې او خوښۍ وسیله ده؛ خو په افغانستان کې پر موسیقۍ تر بندیز وروسته د هنرمندانو ژوند له سختو ستونزو سره مخ شوی دی.
فایننشل ټایمز راپور ورکړی، د طالبانو تر بیا واکمنۍ وروسته په افغانستان کې د ښځو او نجونو پر حقونو محدودیتونه پراخ شوي او افغان ښځې د تګراتګ له محدودیتونو، کاري بندیزونو او د زدهکړو له محرومیت سره مخ دي او د کورني تاوتریخوالي پر وړاندې یې د قانوني خوندیتوب لارې هم محدودې شوې دي.
د فوټبال د نړۍ ۴۱کلن ستوري کریسټیانو رونالډو او د هغه د ژوند څو کلنې ملګرې جورجینا رودریګز د سېشنبې په ورځ د پرتګال په کاسکاییس ساحلي ښار کې د ځانګړو مراسمو پرمهال واده وکړ.
د پاکستان د پنجاب ایالت په مظفرګړ ولسوالۍ کې د واده له مراسمو د راستنېدونکو کسانو یوه رېکشا په کانال کې لوېدلې، چې له امله یې لږترلږه ۱۲ کسان مړه او ۱۱ نور ژغورل شوي دي. د ژغورنې ډلو په وینا؛ په رېکشا کې ۲۶ کسان سپاره وو چې ښځې، نارینه او ماشومان پهکې شامل وو.
د ۱۴۰۰کال (د زمري ۲۱مه) غزني، هرات او د بادغیس مرکز قلعه نو د طالبانو لاس ته ولوېدل. په همدې ورځ طالبانو د یوشمېر ولایتونو زندانونه هم مات کړل او په زرګونه بندیان یې خوشې کړل. د زمري ۲۱مه د افغانستان د جمهوري نظام د سقوط پر لور د چټکو پوځي بدلونونو له مهمو ورځو څخه وه.
د ملګرو ملتونو د وګړو صندوق (UNFPA ) وايي، د سېلابونو له امله شاوخوا زر کورنۍ د څښاک پاکو اوبو او روغتیايي خدمتونو له ستونزو سره مخ شوې دي. د یاد صندوق په وینا؛ نورستان تر ټولو ډېر اغېزمن شوی ولایت دی.
که څه هم د افغانستان د سینما عمر د ځینو هېوادونو له جوړېدو ډېر دی؛ خو په کور دننه د جګړو، ناخوالو او د طالبانو د پراخو محدودیتونو له امله یې دغه سفر له ستونزو، ستړیا او د لاسته راوړنو له لاسه ورکولو سره مل دی.
په افغانستان کې د ملګرو ملتونو د بشري مرستو د همغږۍ دفتر (اوچا) وايي، د مرستو د کمښت له امله په دغه هېواد کې د لوږې، بېوزلۍ، خوارځواکۍ، طبیعي پېښو او بېځایه کېدو ستونزې لاپسې پراخې شوې دي.
د امریکا ولسمشر ډونالډ ټرمپ ویلي، چې امریکا د هرمز تنګي بشپړ کنټرول په لاس کې لري. هغه زیاته کړې، چې ایران نور په منځني ختیځ کې واکمن ځواک نهدی. هغه وویل: «زموږ سمندري ځواک فوقالعاده دی او زموږ د هېواد لپاره وضعیت ډېر ښه روان دی».
برتانوۍ ورځپاڼې ډیلي میل راپور ورکړی، چې د طالبانو له بیا واکمنېدو پنځه کاله وروسته د یادې ډلې چارواکي هڅه کوي له ګڼو هېوادونو سره کاري او دیپلوماتیکې اړیکې پراخې کړي؛ خو تراوسه یوازې روسیې د طالبانو حکومت په رسميت پېژندلی دی.
د طالبانو د واکمنۍ له پنځمې کلیزې سره هممهاله د اروپايي ټولنې له لوري له یادې ډلې سره د تعامل په اړه نیوکې زیاتې شوې دي.
د افغانستان نومیالی لیکوال، ډیپلومات او پخوانی وزیر عبدالغفار فراهي د امریکا په ویرجینیا ایالت کې د ورپېښې ناروغۍ له امله مړ شوی دی. ارواښاد فراهي د مشهور کتاب «افغانستان د دیموکراسۍ په لسیزه کې» لیکوال او د افغانستان د بهرنیو چارو وزارت په بېلابېلو برخو کې یې دنده ترسره کړې وې.
د ایران ولسمشر مسعود پزشکیان ويلي، ایران له پاکستان سره د اړیکو د لا پیاوړتیا لپاره چمتو دی او غواړي له دغه هېواد سره په سیاسي، اقتصادي، سوداګریزو، کلتوري او امنیتي برخو کې دوه اړخیزه همکاري پراخه کړي.
رویټرز اژانس راپور ورکړی چې د کولمبیا په لوېدیځو زلزلهځپلو سیمو کې د ژغورنې او لټون چارې د سېشنبې په ورځ هم روانې وې. دا په داسې حال کې ده چې د زورورې زلزلې له امله د مړو شمېر ۲۵۴ کسانو ته رسېدلی دی.
ګارډین ورځپاڼې په یوه ځانګړي راپور کې د ۱۲ افغانو ښځو او نجونو د ورځني ژوند کیسې خپرې کړې دي. دغو ښځو او نجونو د زدهکړو او کار پر وړاندې د بندیزونو، امنیتي وېرې، د ژوند د سختو شرایطو او په افغانستان کې د هیلو او خپلواکۍ د ساتلو لپاره د خپلو هڅو په اړه خبرې کړې دي.
د «مډل ایسټ ای» د یوه ځانګړي راپور له مخې، د جرمونو نړیوالې محکمې قاضیانو تېر کال د طالبانو د مشر، هبتالله اخوندزاده او د دې ډلې د سترې محکمې د رییس عبدالحکیم حقاني ترڅنګ، د طالبانو د دوو نورو لوړپوړو غړو د نیولو پټ حکمونه هم صادر کړي دي.
په کویټ کې د طالبانو سفیر مولوي محمد شفیق خطیب او د «الساير» سوداګریزې ډلې د اجراییه پلاوي مرستیال محمد ناصر السایر د افغانستان د امنیتي وضعیت او اقتصادي فرصتونو په اړه خبرې کړې دي.