افغانستان انټرنشنل ته باخبره سرچینو ویلي، چې ټاکل شوې د افغانستان لپاره د ملګرو ملتونو د سرمنشي نوې ځانګړې استازې او د ملګرو ملتونو د مرستندوی ماموریت (یوناما) مشره رباب فاطمې روانه اونۍ افغانستان ته لاړه شي او خپله دنده په رسمي ډول پیل کړي.
د افغانستان د امریکايي پوهنتون د شل کلن مزل او فعالیتونو د ملاتړ په مناسبت، د قطر سفارت په کوربهتوب د امریکا په پلازمېنه واشنګټن کې یوه غونډه شوې او د امریکا یو شمېر پخوانیو او برحاله چارواکو، د پوهنتونونو استادانو او د دغه پوهنتون افغان فارغانو پکې ګډون کړی.
هند او روسیې د افغانستان او پاکستان په اړه د ځانګړي میکانیزم په اووم پړاو ناسته کې د چارشنبې په ورځ په نوي ډیلي کې خبرې کړې دي. د هند د بهرنیو چارو وزارت په اعلامیه کې د افغانستان او پاکستان په اړه د بحثونو نور مشخص جزئیات نه دي خپاره شوي.
د طالبانو د ادارې ویاند ذبیحالله مجاهد د افغانستان لپاره د ملګرو ملتونو د مرستندویه ماموریت (یوناما) پر وروستي راپور نیوکه کړې او تور یې لګولی، چې دغه دفتر په افغانستان کې د دوی پر ضد په «پروپاګند» بوخت دی.
د ملګرو ملتونو د خوړو او کرنې سازمان او د خوړو نړیوال پروګرام خبرداری ورکړی چې د بې کارۍ، د توکو د بیو لوړیدو او بشري مرستو د کمېدو له امله به د افغانستان نږدې ۴۰ سلنه وګړي د ژمي په موسم کې له سختې خوراکي ناامنۍ او په ۲۰۲۷ کال کې د ماشومانو له سختې خوارځواکۍ سره مخ شي.
په کابل کې له امید سبز ښارګوټي نه په را رسېدلو ویډیوګانو او انځورونو کې لیدل کیږي، چې د کورونو یو شمېر مالکان د خپلو کورونو پرېښودو ته اړ ایستل شوي. د ښارګوټي اوسېدونکو ویلي چې طالبانو د ښارګوټي ګڼو اوسېدونکو ته د کورونو د تخلیې امر کړی.
د جرمني د هامبورګ لوړې محکمې دوه افغانان علي حسن سروري او تواب محسني د «جاسوسۍ او په جرمني کې د ترهګریزو عملیاتو د پلانولو» په تور مجرم پېژندلي او په بند یې محکوم کړي دي.
سرچینو افغانستان انټرنشنل ته ویلي چې د هلمند په بهرامچه ولسوالۍ کې د هبت الله اخوندزاده د ځانګړې قطعې او په هلمند کې د مخالفانو د ځپلو لپاره جوړې شوې قطعې ترمنځ دوه ورځې وړاندې خپلمنځي شخړه شوې، چې له امله یې ۱۱ کسان وژل شوي او یو شمېر نور ټپیان دي.
د خیبر پښتونخوا په مرکز پېښور کې د یوه درې پوړیز خصوصي ښوونځي د چت نړېدو له امله د مړو شویو زده کوونکو شمېر ۳۴ تنو ته لوړ شوی او تر ۵۰ ډېر نور ټپیان دي. د پېښور لېډي ریډینګ روغتون ویاند محمد عاصم افغانستان انټرنشنل-پښتو ته وويل، چې دغه روغتون ته د ۳۳ ماشومانو جسدونه لېږدول شوي.
د افغانستان لپاره د اروپايي ټولنې ځانګړي استازي توماس فریلېسن کابل ته د خپل سفر پر مهال له طالب چارواکو سره د لیدنو پرمهال په افغانستان کې د وسله والو ډلو د حضور په اړه اندېښنه ښودلې ده. نوموړي د سیمهییز ثبات لپاره د طالبانو او پاکستان ترمنځ د خبرو اترو پر بیا پیل ټینګار کړی.
د افغانستان د سوداګرۍ او پانګونې خونې چارواکو په کابل کې د قرغیزستان له سفیر تورداکان سیدیکوف سره د سوداګرۍ او ټرانزیټي همکاریو پر پراختیا، د دواړو هېوادونو ترمنځ د مستقیمې سوداګریزې لارې پر جوړولو او د پنځو هېوادونو د رېل پټلۍ دهلېز د پروژې پر بیا فعالولو خبرې کړې دي.
اروپايي ټولنې او خلیجي هېوادونو د پنجشنبې په ورځ اعلان وکړ چې د دواړو لوریو ګډه سرمشریزه، چې ټاکل شوې وه راتلونکې اونۍ په سعودي عربستان کې جوړه شي، ځنډول شوې ده. ټاکل شوې وه دغه سرمشریزه د اکتوبر په ۲۴مه په پلازمېنه ریاض کې جوړه شي.
په دوشنبه کې د افغانستان د پخواني حکومت سفیر محمد ظاهر اغبر وايي چې طالبانو روسیې ته د نږدې افغان سوداګر کمال نبيزاده له لارې هڅه کړې چې دی همکارۍ ته وهڅوي. اغبر افغانستان انټرنشنل ته په مرکه کې ویلي، چې کمال نبيزاده د طالبانو د ادارې پیغام ور وړی و.
د طالبانو دوو مخالفو ډلو ازادۍ او مقاومت جبهو په یوه ګډه اعلامیه کې نړیوالو ډیپلوماټیکو استازولیو، د ملګرو ملتونو دفترونو او بشري سازمانونو ته د «احتمالي بریدونو» په اړه خبرداری ورکړی. یادو جبهو ویلي چې ډیپلوماټیکې استازولۍ او بشري سازمانونه د دوی په بریدونو کې ځای نه لري.
مسکو سبا د افغانستان او منځنۍ اسیا د امنیتي وضعیت په اړه د دریو سیمهییزو او نړیوالو سازمانونو د کنفرانس کوربهتوب کوي. د روسیې د بهرنیو چارو وزارت ویلي، چې د کنفرانس موخه د منځنۍ اسیا او افغانستان د وضعیت څیړل دي.
سرچینو افغانستان انټرنشنل ته ویلي چې تېره ورځ ناوخته د کندهار په سپین بولدک ولسوالۍ کې له طالبانو سره په نښته کې د متحدې جبهې دوه جنګیالي وژل شوي دي. یادې جبهې ویلي، چې په دغه برید کې درې طالبان وژل شوي او درې نور ټپیان دي.
د کندهار د پنجوايي ولسوالۍ زرینه د ورځې کارونه هغه وخت پیلوي چې ددې په خپله وینا، «ملا لا اذان نه وي کړی». هغه د شپږو ماشومانو مور ده او د چرګانو له بانګونو سره یوځای له خوبه پاڅیږي. د کورنۍ د پالنې تر څنګ د څارویو ساتنه کوي، شیدې لوېشي، د غوا شیدې پلوري او خامک ګنډي.
په جېنوا کې د ملګرو ملتونو په دفتر کې د قطر استازولۍ د چهارشنبې په ورځ د راستنېدونکو افغان کډوالو په اړه د لوړې کچې خبرو اترو پرمهال وویل، د ګڼ شمېر افغانانو بېرته ستنېدو په افغانستان کې بشري، اقتصادي او پراختیايي ستونزې زیاتې کړې دي.
د روغتیا نړۍوال سازمان، یونېسف او د روغتیا او اوبو برخې ګډو بنسټونو په یوه راپور کې خبرداری ورکړی، چې افغانستان په ۲۰۲۶ او ۲۰۲۷ کلونو کې د نسناستې د خپرېدو له جدي ګواښ سره مخ دی.
د تېر جمهوري نظام د عدلیې پخوانی وزیر فضل احمد معنوي کابل او کندهار ته د ترکیې د استخباراتو د مشر، د قطر د یوه لوړپوړي امنیتي چارواکي او د روسیې د بهرنيو استخباراتو د مشر سفرونو ته په اشارې لیکلي، چې افغانستان یو ځل بیا د سیمې او نړۍ په استخباراتي او امنیتي مرکز بدل شوی.
د ملګرو ملتونو د مرستندوی ماموریت (یوناما) د بشري حقونو څانګې په خپل تازه درې میاشتني راپور کې ویلي، چې د ۲۰۲۶ کال د جولای له لومړۍ نېټې څخه د سپټمبر تر ۳۰مې پورې د طالبانو د امربالمعروف مامورانو ۴۴۳کسان په خپلسرې توګه نیولي دي.