د تېر جمهوري نظام د عدلیې پخوانی وزیر فضل احمد معنوي کابل او کندهار ته د ترکیې د استخباراتو د مشر، د قطر د یوه لوړپوړي امنیتي چارواکي او د روسیې د بهرنيو استخباراتو د مشر سفرونو ته په اشارې لیکلي، چې افغانستان یو ځل بیا د سیمې او نړۍ په استخباراتي او امنیتي مرکز بدل شوی.
د ملګرو ملتونو د مرستندوی ماموریت (یوناما) د بشري حقونو څانګې په خپل تازه درې میاشتني راپور کې ویلي، چې د ۲۰۲۶ کال د جولای له لومړۍ نېټې څخه د سپټمبر تر ۳۰مې پورې د طالبانو د امربالمعروف مامورانو ۴۴۳کسان په خپلسرې توګه نیولي دي.
په پروان کې د طالبانو د امنیه قومندانۍ ویاند فضل الرحیم مسکین یار وايي، په دغه ولایت کې سیند ته د یوه سراچه موټر د لوېدو په پېښه کې ۶ کسان مړه شوي. نوموړي ویلي، پېښه نن سهار د دغه ولایت د شینوارو ولسوالۍ د باغ افغان په سیمه کې شوې ده.
د قزاقستان د غلو دانو د پروسس کوونکو ټولنو د بنسټګرو د بورډ مشر یوګین ګان ویلي، ازبکستان د افغانستان د اوړو په بازار کې خپل حضور پیاوړی کړی او د قزاقستان او روسیې د صادرونکو ونډه یې راکمه کړې ده.
د سپېس اېکس شرکت اجرايوي رییس اېلان ماسک ویلي، د اوکرایني ډرونونو د سرعت وروستي محدودیتونه او د سپوږمکۍ له شبکې سره یې د اړیکو پرې کېدل ښايي د امریکا د حکومت کار وي.
د خیبر پښتونخوا په مرکز پېښور ښار کې د یوه خصوصي ښوونځي د چت پرېوتو له امله یوه ښوونکې او ۱۸ ماشومان مړه او لسګونه نور ټپیان شوي دي. د ژغورنې ادارې چارواکو ویلي، پېښه د پېښور د دېر کالونۍ په سیمه کې شوې چې له امله یې ګڼ زدهکوونکي د ودانۍ تر ملبې لاندې بند پاتې شوي وو.
د طالبانو تر واک لاندې د افغانستان د سوداګرۍ او پانګونې خونې د ټولنیزو او فرهنګي چارو د مرستیال حبیبالله عمر په مشرۍ د سوداګرو او پانګهوالو ۵۰ کسیز پلاوی په یوه نړۍوال نندارتون کې د ګډون په موخه د اندونیزیا پلازمېنې جارکارتا ښار ته رسېدلی دی.
درېیو افغان مېرمنو د خپلو کوچنیو کاروبارونو له لارې ۳۰ نورو ښځو ته د کار زمینه برابره کړې ده. نفیسه، لیلا او زهرا څو کاله وړاندې له سختو اقتصادي ستونزو سره مخ وې؛ خو اوس یې د خپلو کوچنیو کاروبارونو له لارې نورو ښځو ته د کار زمینه برابره کړې ده.
د بښنې نړۍوال سازمان فعالانو پرون د بلجیم په پلازمېنه بروکسل کې په یوه سمبولیک اقدام کې د «ښځو د ننوتلو اجازه نهشته» تر سرلیک لاندې ۲۵ متره اوږد ټوکر د فورېسټ پارک په سیمه کې وغوړاوه او په افغانستان کې یې د ښځو او نجونو پر وړاندې د طالبانو محدودیتونه وغندل.
د کابل - کندهار پر لویه لار د یوه ۵۸۰ ډوله مساپر وړونکي بس او ټېلر ترمنځ د ټکر له کبله ۵ کسان مړه او ۱۵ نور ټپیان شوي دي. پېښه نن پنج شنبه سهار وختي د کندهار ولایت د دامان ولسوالۍ د اعظمکلا په سیمه کې شوې ده.
په افغانستان کې پرلهپسې وچکالۍ، پراخې بېوزلۍ او د نړۍوالو مرستو کمښت ګڼې کورنۍ دې ته اړ اېستې، چې خپلې کمعمره لوڼې د پورونو د ادا کولو، د خوړو برابرولو او د ناروغانو د درملنې لګښتونو لپاره په نکاح ورکړي.
هند او روسیې د چهارشنبې په ورځ (د تلې ۲۲مه) په نوي ډیلي کې د افغانستان او پاکستان په اړه د ځانګړي میکانېزم په چوکاټ کې د خبرو اووم پړاو ترسره کړ او د خپلې ځانګړې او ستراتیژیکې ملګرتیا په چوکاټ کې یې د دوهاړخیزې همکارۍ پر پیاوړتیا ټینګار وکړ.
اېکس خواله رسنۍ خبر ورکړی، چې له ایران، روسیې او چین سره اړوند د درېیو بهرنیو نفوذي عملیاتو په تړاو یې تر ۱۳زره ډېر حسابونه ځنډولي دي. د یادې شبکې په وینا، دغه جعلي حسابونو د منځمهاله ټاکنو په درشل کې د امریکا سیاسي خبرې په نښه کړې وې.
د فرانس۲۴ په یوه راپور کې راغلي، د طالبانو او پاکستان ترمنځ د روان کړکېچ له پیل راهیسې ډرونونه د دواړو خواوو د تقابل یوه نوې وسیله ګرځېدلې او اسلاماباد ادعا کوي چې یوازې د ۲۰۲۶کال په سپټمبر میاشت کې یې له افغانستان نه توغول شوي ۲۳ ځانمرګي ډرونونه شنډ کړي دي.
د هرات پوهنتون محصلان وايي، له تېرو دوو میاشتو راهیسې په پوهنتون کې د ځیرکو ټېلیفونونو کارول منع شوي او محصلان په خپلو لیلیو کې هم د یادو ټېلیفونونو د کارولو له محدودیت سره مخ دي. د دوی په خبره، نږدې هره ورځ یې لیلیې تالاشي کېږي.
د روغتیا نړۍوال سازمان د روغتیايي خدمتونو د همغږۍ څانګې په کلني راپور کې راغلي، چې په ۲۰۲۵کال کې ۲۲.۹ مېلیونه افغانانو بشري مرستو ته اړتیا لرله؛ په داسې حال کې چې له ایران او پاکستان نه د څه باندې ۲.۲۳ مېلیونه افغانانو ستنېدو د افغانستان پر روغتیايي سیستم بېساری فشار راوستی و.
د کابل ښار یوشمېر هټۍوالو افغانستان انټرنشنل ته ویلي، د شپې تر لسو بجو وروسته د هټیو تړل یې پر کاروبار منفي اغېز کوي. دوی وايي، د فعالیت قانوني جوازونه لري او په اړوندو ناحیو کې ثبت دي؛ خو بیا هم اړ اېستل کېږي چې د شپې په لسو بجو خپلې هټۍ وتړي.
د روغتیا نړۍوال سازمان د روغتیايي خدمتونو د همغږۍ څانګه وايي، د ۲۰۲۶کال له جنورۍ څخه تر اګست میاشتې پورې په افغانستان کې شاوخوا څلور مېلیونه کسانو روغتیايي خدمتونه ترلاسه کړي دي.
د کډوالو په چارو کې د ملګرو ملتونو عالي کمېشنرۍ (UNHCR) وايي، چې د روان ۲۰۲۶کال په لومړیو اتو میاشتو کې ۲۵۷زره او ۶۳۰ افغان کډوال له پاکستان، ایران، تاجکستان، ترکمنستان او ازبکستان نه افغانستان ته ستانه شوي دي.
د غزني لپاره د طالبانو د امنیه قومندانۍ د جنايي جرمونو پر وړاندې د مبارزې مدیریت وايي، چې په تېرو پنځو میاشتو کې د دغه ولایت په مرکز او ولسوالیو کې د ۲۳ ښځو په ګډون ۲۰۴ کسان د جنايي جرمونو او په ځانګړې توګه د غلاوو په تړاو نیول شوي دي.
خپلواک روسی خبریال او د منځني ختیځ د چارو څېړونکي روسلان سلیمانوف په هالنډ کې د «هاګ عدالت د خبرو اترو» دویم پړاو غونډه کې وویل، افغانستان د نړۍ د پاملرنې له مرکز څخه بیخي لرې شوی دی. هغه زیاته کړې چې نړۍ باید افغانستان هېر نه کړي.