د اوکراین ولسمشر ولادیمیر زېلنسکي اعلان کړی چې له روسیې سره د جګړې د پای ته رسولو په موخه یې د امریکا له استازو سټیو ویتکوف او جرد کوشنر سره په راتلونکو ورځو کې د نویو خبرو اترو وړاندیز کړی دی. واشنګټن په دې وروستیو کې هڅې ګړندۍ کړې دي څو مسکو او کییف بېرته د خبرو میز ته راولي.
د کډوالۍ نړیوال سازمان(اياوایم)وايي، له ۲۰۲۵ کال راهیسې یې په ټول افغانستان کې د طبیعي پېښو د ګواښونو کمولو لپاره ۱۱۲ پروژې پلې کړې دي.
د افغانستان د عدلیې پخواني وزیر فضل احمد معنوي، طالبانو سره د اسلامي همکاریو سازمان پر تعامل نیوکه کړې او خبرداری یې ورکړی، چې له دې ډلې سره په لیدنو کې باید د دغه سازمان نړیوال باور او ارزښتونه زیانمن نهشي.
د طالبانو مخالفې وسلهوالې ډلې، متحدې جبهې ادعا کړې چې جنګیالیو یې د کندهار په ارغنداب ولسوالۍ کې دوه طالبان وژلي دي. د دغې ډلې په وینا، دا برید د سې شنبې په ورځ( د تلې ۲۱مه) په دلاور سیمه کې ترسره شوی دی.
د خیبر پښتونخوا د ډیره اسماعیل خان په ګومل پوهنتون سیمه کې د ناپېژاندو وسلهوالو په ډزو کې پنځه کسان وژل شوي او دوه نور ټپیان دي. د پولیسو په وینا، دغه برید د پخوانۍ دښمنۍ پایله ښکاري.
د طالبانو د ارشاد، حج او اوقافو وزارت مرستیال، جوزجان کې له خپلو ملاتړو ملایانو سره د غونډې پر مهال ادعا کړې، چې طالب واکمني د بهرنیو پر ځای د دوی مشورې او ملاتړ غواړي. هغه له دغو ملایانو غوښتي، چې له منبرونو د طالب واکمنۍ په ملاتړ خبرې وکړي.
د طالبانو مرستیال ویاند حمدالله فطرت وایي، د دوی مشر هبتالله اخوندزاده د پکتیا او پکتیکا والیان په دندو کې بدل کړي دي. دا بدلونونه په داسې حال کې دي چې پر طالبانو د واک د انحصار، د نورو افغانانو د سیاسي محرومیت او د چارواکو د نه حساب ورکونې له امله نیوکې کېږي.
د طالبانو تر ادارې لاندې د افغانستان برېښنا شرکت اجراییوي رییس عبدالحق همکار د ازبکستان د انرژۍ وزارت له مرستیال او تخنیکي مسوولینو سره ګډه ناسته کې د سرخان–پلخمري ۵۰۰ کیلوولټ برېښنا لېږد پروژې د چارو پر چټکتیا، پرمختګونو او د شته ننګونو پر هواري خبرې کړې دي.
د طالبانو تر چتر لاندې د سوداګرۍ خونه وایي چې د یونیسف استازو ته یې په یوه انلاین ناسته کې د افغان مېرمنو، ځوانانو او له ګاونډیو هېوادونو راستنو شویو لپاره د کار موندنې ځینې طرحې سپارلې دي.
د ملا هبت الله د فرمانونو د څارونکې ادارې مشر امیرمحمد هلال، د طالبانو په دفاع وزارت کې د یوې غونډې پر مهال خبرداری ورکړی، چې اداري فساد د خلکو د بېباورۍ او د نظام د بدنامۍ سبب کېږي. هغه، د هبتالله اخوندزاده د ټولو فرمانونو په بشپړ تطبیق هم ټینګار کړی.
افغانستان په تېرو پنځو کلونو کې له یو لړ طبیعي او بشري ناورینونو سره مخ شوی چې د میلیونونو خلکو ورځنی ژوند یې د بقا پر دوامداره ازموینه بدل کړی دی. دغه هېواد د نړۍ د اقلیمي بدلونونو پر وړاندې د لوړ زیانمنېدو، پېچلې ځمکپوهنې، پراخې بېوزلۍ او نړیوالې سیاسي انزوا تر اغېز لاندې دی.
د طالبانو د کور او ښار جوړونې وزارت په کابل او ولایتونو کې د ښارګوټو او استوګنځایونو له مالکانو غوښتي، چې د خپلو پروژو د حقوقي او تخنیکي وضعیت د څېړلو لپاره د تایید شویو اسنادو، مدارکو او نقشو کاپي په ۳۰ ورځو کې وړاندې کړي.
طالبانو په کندهار ښار کې نارینه خیاطان د ښځو د جامو له ګنډلو منع کړي دي. سرچینو افغانستان انټرنشنل ته ویلي چې له دغه بندیز نه د سرغړونې په تور د طالبانو امر بالمعروف د ځینو خیاطانو دوکانونه تړلي دي.
د افغانستان لپاره د اسلامي همکارۍ سازمان د عمومي منشي ځانګړي استازي په کابل کې د طالبانو له یو شمېر چارواکو سره په لیدنه کې د نجونو لپاره د زدهکړو د فرصتونو د برابرېدو پر اړتیا غږېدلی. طارق علي بخیت د طبي علومو په څانګو کې د افغان نجونو د زدهکړو پر دوام ټینکار کړی دی.
هندۍ خبریاله روچي کومار، چې تر شپږو کلونو ډیر وخت یې په افغانستان کې ژوند کړی، وايي، نوره د امنیتي ګواښونو له امله افغانستان ته د راپور جوړولو لپاره نه شي تللی. نوموړې وايي، د خبري سرچینو کمېدو د پېښو ثبتول او تاییدول هم ستونزمن کړي دي.
د غزني ولایت په جاغوري ولسوالۍ کې سیمهییزې سرچینې وايي، د یوې ځوانې نجلۍ د نڅا د ویډیو او انځورونو له خپرېدو وروسته د هغې پلار، د کورنۍ څو غړي او د سیمې یو شمېر سپینږیري طالبانو نیولي او لا هم په بند کې دي.
د افغانستان د هوا پوهنې ادارې د هېواد په ۱۴ ولایتونو کې د سختو بارانونو، تالندې، برېښنا او سېلابونو راوتلو خبرداری ورکړی. دا وړاندوینه د تلې تر ۲۲مې نېټې پورې په بدخشان، تخار، نورستان ،بغلان ،کونړ ،پروان ،کاپیسا، سمنګان ،پنجشېر ،لغمان، ننګرهار، لوګر، کندوز او خوست کې شوې.
د طالبانو د بهرنیو چارو وزیر امیرخان متقي په کابل کې د قطر له سفیر ډاکټر مردف القاشوطي سره لیدنه کې ويلي چې له نړیوالې ټولنې سره د طالبانو اړیکې مخ پر وده دي او د اړیکو د پیاوړتیا په برخه کې یې د قطر هڅې ستایلې دي.
په هلمند کې د یوه پخواني نظامي الله داد بادیزي کورنۍ افغانستان انټرنشنل ته وویل، چې طالبانو د هغه د جسد پاتې شونې تر شپږو میاشتو وروسته ورسپارلي دي. د یادې کورنۍ په وینا، طالبانو نوموړی له خپل یوه ملګري سره یوځای په ډزو وژلی و او جسدونه یې په شګو کې غورځولي وو.
ملي دیموکراتیک ګوند په خيبرپښتونخوا کې د بېړني حالت او والي واکمني د افغانستان او منځنۍ اسیا لور ته د نوې پوځي او استخباراتي لاسوهنې لپاره د یوې نوې «ممنوعه سیمې» او «تور سوري» جوړول بللي دي.
د طالبانو د اطلاعاتو او کلتور وزارت په افغانستان کې د بيبيسي د خپرونو ځنډول تاييد کړل او ویې ويل چې دا کار د «پرلهپسې سرغړونو» له امله شوی دی، خو دغه وزارت د سرغړونو جزئیات نه دي ویلي.