د افغانستان لپاره د ملګرو ملتونو ځانګړی راپور ورکوونکی وايي، د امریکا په مشرۍ پر افغانستان د برید له پیل څخه ۲۵ کاله وروسته هم د جګړو او د بشري حقونو د جدي سرغړونو پایلې افغانان اغېزمنوي، په داسې حال کې چې تر اوسه د دغو سرغړونو په تړاو ډېر لږ حساب ورکول شوی دی.
د جرمونو نړیوالې محکمې د طالبانو د مشر هبت الله اخوندزاده، د سترې محکمې رییس عبدالحکیم حقاني، د پوهنې وزیر حبیب الله اغا او د لوړو زده کړو وزیر ندا محمد ندیم د نیولو پټ حکمونه علني کړل. دا کسان د افغان ښځو او نجونو پر وړاندې په پراخ جنسیتي تبعیض او بشري ضد جرمونو تورن شوي دي.
د ایران د بهرنیو چارو وزیر عباس عراقچي له خپل ارمنستاني سیال ارارات میرزویان سره د قفقاز او لوېدیځې اسیا پر تحولاتو خبرې کړې دي. عراقچي ویلي، چې امریکا او اسراییل په هرمز تنګي کې د سوداګریزو بېړیو د ناامنۍ اصلي عوامل دي.
په لندن کې یو کویټی وګړی د اسراییل پر سفارت د ترهګریز برید د پلانولو په تور په ۲۰ کاله بند محکوم شوی. ۳۴ کلن عبدالله البدري په ۲۰۲۵ کال کې له دوو چړو سره د سفارت ودانۍ ته د ننوتلو د هڅې پرمهال نیول شوی و.
امریکايي کارل ډایسرورت او جرمني ساینسپوهانو پیټر هېګمن او جورج ناګل د ۲۰۲۶ کال د طب نوبل جایزه ګټلې ده. دوی د «اپتوژنتیکس» تخنیک رامنځته کړی چې د رڼا په وسیله د مغز د انفرادي عصبي حجرو فعالول او غیرفعالول شوني کوي.
د مسکو په غونډه کې د طالبانو د بهرنیو چارو وزیر او د افغانستان لپاره د پاکستان ځانګړي استازي ترمنځ د ترهګرۍ د موضوع پر سر لفظي ناندرۍ شوې دي. متقي پاکستان د ترهګرو مرکز بللی، خو صادق خان په ځواب کې ویلي، چې نړیوالو هم هغه مهال چې طالبان هلته اوسېدل، پاکستان د ترهګرو مرکز باله.
د بښنې نړیوال سازمان د افغانستان په اړه د ملګرو ملتونو د بشري حقونو شورا د وروستي پرېکړه لیک هرکلی کړی او د ښځو او نجونو د حقونو په تړاو یې د بحثونو پر دوام ټینګار کړی. سازمان وايي، طالبان باید حساب ورکولو ته اړ کړل شي څو د بشري حقونو سرغړونې پای ته ورسوي.
د ننګرهار د دره نور د تلکي ډاک اوسېدونکو افغانستان انټرنشنل ته په غږیزو پیغامونو کې ویلي، چې له ۵۰ کلونو مېشتېدو وروسته یې کورونه طالبانو ړنګ کړي دي. یادو اوسېدونکو د انصاف غوښتنه کړې ده.
په تاجکستان کې د افغانستان سفارت د ښوونکي د نړیوالې ورځې په مناسبت غونډه وکړه. په غونډه کې افغان سفیر محمد ظاهر اغبر د ښوونکو ونډه د ټولنې د پرمختګ لپاره بنسټیزه وبلله او د هغوی خدمتونه یې وستایل.
د افغانستان لپاره د پاکستان ځانګړي استازي محمد صادق د مسکو فارمټ په ناسته کې ویلي، چې طالبانو له ټيټيپي او نورو وسله والو ډلو سره اړیکې نه دي پرې کړي او په خپله خاوره کې یې پناه ور کړې ده. هغه ددفاعي اقداماتو په توګه په افغانستان کې پر وسله والو د بریدونو د دوام خبر ور کړی.
د افغانستان په چارو کې د روسیې د ولسمشر ځانګړی استازی ضمیر کابلوف وايي، روسیه خواشینې ده چې د افغان او پاکستاني استازو ترمنځ د اختلاف له امله د مسکو فارمټ د مشورتي ناستې په پای کې د ګډې اعلامیې پر سر هوکړه ونه شوه.
د ایران او طالبانو اړیکې د افغانستان د معاصر سیاست له تر ټولو پېچلو او له تناقضونو ډکو اړیکو څخه دي.
د طالبانو د کار او ټولنیزو چارو وزارت تر چتر لاندې د کارموندنې ګډې تخنیکي کمېټې د بیکارۍ کمولو او کاري فرصتونو د رامنځته کولو په تړاو ناسته کړې ده. یاد وزارت ویلي، چې په ناسته کې د کار بازار د اړتیاوو د ارزونې او د ادارو ترمنځ د لا زیاتې همغږۍ په اړه پر نویو پلانونو خبرې شوې دي.
د طالبانو د بهرنیو چارو وزیر وايي، افغانستان له پاکستان سره د ستونزو د حل لپاره په خبرو او ډیپلوماسۍ باور لري، خو ټینګار کوي، چې د پاکستان پوځ د سیاسي تفاهم پر ځای په اړیکو کې له نظامي ژبې کار اخلي او ډیورنډ کرښې ته نږدې یې پخواني افغان سرتیري راټول کړي.
د طالبانو د ټرانسپورټ او هوايي چلند وزارت اعلان کړی، چې د لومړي ځل لپاره به په کلیوالي یا اطرافي ټکسي موټرو کې د جيپيایس الې ولګول شي. دغه وزارت له یوه خصوصي شرکت سره په دې اړه رسمي هوکړهلیک لاسلیک کړ.
د روسیې د بهرنیو چارو وزیر د مسکو فارمټ ناسته کې وویل، چې د طالبانو ادارې د افغانستان ټوله خاوره تر خپل کنټرول لاندې راوستې او د ترهګرو ډلو پر وړاندې مبارزه کوي.
د روسیې د بهرنیو چارو وزیر سرګي لاوروف وايي، په افغانستان او ګاونډیو هېوادونو کې د ناټو د پوځي اډو ځای پر ځای کول د منلو وړ نه دي. هغه ټینګار کړی چې د ناټو دا ډول حضور د بې ثباتۍ او شخړو د زیاتېدو لامل کېږي.
په ننګرهار ولایت کې د طالبانو د اطلاعاتو او کلتور ریاست د مولوي هبت الله د «اهل السنة والجماعة عقيده» کتاب او فرمانونو د نوي چاپ شوي کتاب د مخکتنې غونډه کړې ده. د طالبانو چارواکو ویلي چې دغه کتابونه د ناوړه دودونو د مخنیوي، د ټولنې د سمون او عقیدوي مسایلو په تړاو دي.
د دیني مدرسو او طالبانو ترمنځ اړیکه د ترادف او مساوات اړیکه نه ده، داسې چې د یوه موجودیت په قطعي ډول د بل د موجودیت لامل شي. د منطق په ژبه، د دوی ترمنځ اړیکه «عموم او خصوص مطلق» بلل کېدای شي؛ یعنې ټولې دیني مدرسې طالباني نه دي، خو ټول طالبان له دیني مدرسو څخه راوتلي دي.
د افغانستان او ایران د سوداګرۍ ګډه خونه وايي، د ډاکټر محسن رنګینه په مشرۍ د ایران د پارلمان یو پلاوی د اقتصادي او سوداګریزو اړیکو د پیاوړتیا، د طالبانو له چارواکو سره د لیدنې او د دواړو هېوادونو د خصوصي سکټورونو ترمنځ د همکاریو د پراختیا په موخه کابل ته تللی دی.
د کابل ښار د یوه دولتي ښوونځي ښوونکې وایي، نن ورځ له دې امله پرې ډېره سخته تېره شوه چې په نړۍ کې د ښوونکي ورځ نمانځل کېده؛ خو دوی اړ وو چې د نورو عادي ورځو په څېر تدریس وکړي.