د طالبانو د دفاع وزارت په خپره کړې یوه ویډیو کې ښکاري چې طالبانو د پخواني شوروي د «اوراګان» توغندیز سیستم د بياېمپي زغروال موټر پر چوکات نصب کړی او یو نوی پوځي موټر یې جوړ کړی دی.
ملګري ملتونه وايي، په افغانستان کې پرلهپسې وچکالۍ، د اوبو کمښت او سختې هواوې د خلکو پر ژوند فشار زیاتوي، د اوبو او ځمکې پر سر ستونزې رامنځته کوي او د خلکو د بېځایه کېدو لامل کېږي، چې د سولې او ثبات پر وړاندې هم نوې ننګونې رامنځته کوي.
د سویلي کوریا له هغې ادعا یوه ورځ وروسته چې شمالي کوریا یې په ګډه پوله کې پر خپلو ځواکونو شوې چاودنه کې مسووله وګڼله؛ دغه هېواد او جاپان شمالي کوریا د یوه بالستیک توغندي په توغولو تورن کړ. شمالي کوریا، په یاده چاودنه کې ښکېلتیا رد کړې وه.
د بریتانیا امنیتي بنسټونو دوه ایرانيان پر یهودي ټولنې د ترهګریز برید د چمتووالي او پلانولو په تور رسماً تورن کړي دي. د دغې قضیې په افشا کېدو سره په اروپا کې د بهرنیو نیابتي شبکو د تحرکاتو په اړه اندېښنې زیاتې شوې دي.
په پېښور کې مېشتې یوې افغان نرښځې ارزو د پېښور له عالي محکمې غوښتي، چې له جبري ستنولو یې مخنیوی وکړي او وضعیت یې باید د بشري حقونو له اړخه وڅېړل شي. هغې افغانستان ته په جبري توګه ستنېدل د «ژوند او مرګ مسئله» بللې ده.
د نورستان په کامدېش کې د وسلهوالو مخالفینو له بریدونو وروسته، په نورستان کې د طالبانو امنیه قومندان دغه ولایت ته د اضافي ځواکونو د ور استولو غوښتنه وکړه. پر نورستان د وروستیو بریدونو مسوولیت ازادۍ جبهې منلی، خو یاد طالب قومندان یادو بریدونو کې د «مقاومت جبهې» د ګډون ادعا هم لري.
سرچینو افغانستان انټرنشنل ته ویلي، چې طالبانو په تخار کې د «مژده اوزبېک» په نوم یوه ښوونکې د انتقادي شعرونو د ویلو او له راحلې دوستم سره د اړیکو لرلو له امله نیولې ده. د سرچینو په وینا، مژده د خواجه غار ولسوالۍ په «هزارباغ» کلي کې نیول شوې او بیا د تخار مرکز ته لېږدول شوې ده.
د پاکستان دفاع وزیر خواجه اصف په خیبرپښتونخوا کې د روانې یکشنبې ورځې پر اعلان شوي لوی لاریون (لانګ مارچ) سخت تورونه لګولي او د ځپلو ګواښ یې کړی دی. دا لاریون، په پښتونخوا کې د عمران خان د ګوند سیمهییز حکومت پلان کړی او د را روانې یکشنبې په ورځ به له لکي مروت څخه پیل شي.
د پاکستان د څېړنو او امنیتي مطالعاتو مرکز د یوه نوي راپور په خپرولو سره ویلي، د ۲۰۲۶ کال په درېیمه ربع کې دغه هېواد کې د وسلهوالو فعالیتونو او نظامي عملیاتو له امله د تلفاتو کچه د دویمې ربعې پرتله ۸۳ سلنه لوړه شوې ده.دې موده کې تر ټولو ډېره مرګژوبله بلوچستان کې رامنځته شوې ده.
د ملګرو ملتونو د ښځو څانګې خبرداری ورکړی، چې په افغانستان کې ښځې او نجونې د غذایي ناامنۍ تر ګواښ لاندې نفوس ۶۰ سلنه جوړوي. دغه بنسټ وایي، په منځني ختیځ کې د نښتو په زیاتېدو سره د روان کال تر پایه به په ۲۸ هېوادونو کې د ۱۱،۷ میلیونه ښځو او نجونو غذایي امنیت له ګواښ سره مخ شي.
د خیبر پښتونخوا لپاره د عوامي نېشنل ګوند ایالتي مشر میا افتخار حسین ویلي، په ایالت کې نا امنۍ ډېرې شوي او مرکزي او ایالتي حکومتونه د ولس د امنیت، روزګار او اقتصادي ستونزو په هوارولو کې ناکام شوي دي. نوموړي ټینګار وکړ، د هېواد د واکمنانو د ناکامو پالیسیو تاوان یوازې پښتانه ورکوي.
د ایران د سپاه پاسداران د قدس ځواک قوماندان اسماعیل قاآني افغانستان د خپل «دفاعي کمربند» یوه برخه وباله. د ځینو څارونکو په باور، دغه هېواد له طالبانو سره له اوږدو کلونو راهیسې په همدې موخه ژورې اړیکې ساتلې دي.
د خیبر پښتونخوا اعلی وزیر وایي، د پاکستان تحریک انصاف ګوند اوږد لاریون به د را روانې اونۍ د یکشنبې په ورځ د اکتوبر پر ۴مه د لکي مروت ولسوالۍ له ګنډي چوک څخه پیل او د اکتوبر پر ۶مه شپه به د پېښور متني سیمې ته ورسېږي. هغه زیاته کړه، چې دا «جګړه او مبارزه» پهخپله ولس باید وکړي.
د سعودي عربستان او د یمن یاغي وسلهوالو ترمنځ د شخړو له زیاتېدو وروسته، د پاکستان د بهرنیو چارو وزیر د مکې په دفاعي تړون کې د شاملېدو لپاره د شپږو هېوادونو له لېوالتیا خبر ورکړ. نوموړي وویل، د دې اېتلاف بېړنۍ غونډه به د سعودي د امنیتي وضعیت د څېړلو په موخه بله اونۍ ترسره شي.
د طالبانو د پوهنې وزارت ویاند د زدهکوونکو نجونو د برخلیک په اړه له څه ویلو پرته ویلي، چې هېواد ته د بېرته ستنو شویو کډوالو له ډلې یې ۴۴ زره زدهکوونکي په ښوونځیو کې جذب کړي دي. دا په داسې حال کې ده، چې طالبانو له پنځو کلونو راهیسې نجونې له شپړم ټولګي پورته له زدهکړو منع کړې دي.
د تېر جمهوري نظام د عدلیې پخوانی وزیر فضل احمد معنوي وایي، له پاکستان سره د طالبانو د «بشپړ لاسپوڅي توب» اړیکه په ختمیدو ده. د هغه په وینا، طالبان به یا دغې «ناشونې اړیکې» ته دوام ورکوي او یا به د « خپلواکۍ او متقابلو ګټو» اړیکې غواړي، چې پاکستان ته د منلو وړ نهدي.
د طالبانو د کډوالو ستونزو ته د رسېدنې عالي کمېسیون وايي، چې د پنجشنبې په ورځ (د تلې ۹مه) له ایران او پاکستان څخه ۷۱۷ افغان کډوال په جبري توګه هېواد ته راستانه کړای شوي دي.
د ډونالډ ټرمپ حکومت د ۲۰۲۷ مالي کال لپاره د امریکا د پناه غوښتونکو د منلو شمېر ۱۷ زره او ۵۰۰ ټاکلی دی. د رسمي سند پر بنسټ، د پناهغوښتونکو د منلو ډېره برخه یې هم «سویلي افریقا» ته ځانګړې شوې او د افغانانو لپاره پهکې روښانه ونډه په پام کې نهده نیول شوې.
د پاکستان د طبیعي پېښو او ژغورنې اداره وایي، چې د خیبر پښتونخوا په کرک ولسوالۍ کې په یوه کور کې د ګازو ډبې چاودنې له امله یوه ښځه او دوه ماشومان مړه شوي او ۱۰ نور ټپیان شوي دي. د ژغورنې ډلو ټپیان او مړي له کنډوالو را اېستلي او روغتون ته یې لېږدولي دي.
د خوړو نړیوال پروګرام ویلي چې په یمن کې د جګړو د زیاتېدو له امله په ځینو سیمو کې له هرو څلورو کورنیو درې یې کافي خواړه نه لري. یادې ادارې ویل چې جګړو لسګونه زره کسان بېځایه کړي او میلیونونو خلکو ته یې د توکو رسونه ګډوډه کړې ده.
په اروپا پارلمان کې د سوسیالیستانو او ډیموکراتانو ډلې، د جرمونو نړۍواله محکمه او د دې بنسټ چارواکي د فکر د ازادۍ لپاره د ۲۰۲۶ کال د ساخاروف جایزې ترلاسه کولو ته نوماند کړي. دا ډله وایي، چې دې محکمې د نسل وژنې، جنګي جنایتونو او د بشریت پر ضد جنایتونو عاملان له فشار سره مخ کړي.