د پاکستان د ترهګرۍ ضد ادارې (سيټيډي) د بلوچستان د مستونګ ولسوالۍ په دشت سیمه کې ۵ وسلهوال وژلي دي. د یادې ادارې ویاند ویلي، دغو وسلهوالو د کویټې – سبۍ ترمنځ لویه لاره تړلې وه، چې دوی یې پر شاه د تنبولو عملیاتو کې دغه وسلهوال وژلي او ځینې له سیمې نه په وتو بریالي شوي دي.
د پاکستان د اوسني ملکي حکومت خلاف د اپوزېسیون د مشر په توګه د محمود خان اڅکزي تر ټاکل کېدو وروسته اېمل ولي خان رسنیو ته ویلي، چې اڅکزي اوس ځان د خځلو ډېران ته ډېر نږدې کړی او ځان به پرې ککړ کړي. هغه وایي، محمود خان اڅکزي د پښتنو د یووالي او حقونو نارې هیرې کړې دي.
د افغانستان لپاره د پاکستان ځانګړي استازي محمد صادق خان ویلي چې د افغانستان لپاره د چین له ځانګړي استازي یو شیاویونګ سره یې په افغانستان کې د امنیتي وضعیت په تړاو انلاین ناسته کړې ده.
د پاکستان د پلازمېنې اسلاماباد پولیسو د غلو هغه ۱۶ کسیزه ډله نیولې، چې غلا شوي موبایلونه یې افغانستان ته قاچاق کول. پولیس وایي، له غلو سره ګران بیه موبایلونه او موټرسایکلونه هم نیول شوي دي.
د پاکستان ډان ورځپاڼې راپور ورکړی، چې په دغه هېواد کې د تازه مېوو سوداګر له ګڼو ستونزو سره مخ دي او پر ډیورنډ تړلو لارو او پر تهران د بندیزونو ګواښ د کینو صادرات په ټپه درولي دي. راپور زیاتوي، د افغانستان له لارې دغه مېوه روسیې ته په ۹ورځو او د ایران له لارې په ۲۵ورځو کې رسېده.
د پاکستان د کراچۍ ښار په ګل پلازه کې اورلګېدنه له ۳۳ ساعتونو وروسته مهار شوې، چې د ژغورنې عملیاتو پر مهال ۸ نور مړي هم موندل شوي دي. امنیتي چارواکو ویلي، چې په دې پېښه کې ۱۴ کسان مړه او ۲۲ نور ټپيان شوي دي.
د پاکستان په کراچۍ کې د مرګونې اورلګېدنې په دوام، اور وژونکو لا هم د یکشنبې په ورځ د لسګونو کسانو د لټون عملیاتو ته دوام ورکړی. په دغه اورلګېدنه کې چې د شپږو کسانو مړینه تایید شوې، تر ۶۵ ډېر کسان لا هم لادرکه دي.
د پښتون ژغورنې غورځنګ مشر وايي، د دغه غورځنګ له لوري د نومبر د دولسمې له جرګې وروسته یو شمېر کسان د پاکستان پوځ له لوري بندیان او له شاوخوا ۷۰ ورځو وروسته ۵ کسان خوشې شول. په همدې نېټه د پښتون ژغورنې دوه نور غړي نورالله ترین او حنیف پښتین هم نیول شوي او لا هم بندیان دي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، تېره ورځ (د مرغومي ۲۷مه) ۴۹۱ کډوالې کورنۍ چې ټول ۲۷۱۸ کسان کېږي، له ایران او پاکستان نه افغانستان ته ستنې شوې دي. د دغه کمېسیون د معلوماتو پر بنسټ، راستنو شویو کورنیو سره د اړتیا وړ مرسته هم شوې ده.
د ملي ډيموکراټيک غورځنګ مشر مُحسن داوړ په تیراه کې عملیاتو ته په غبرګون ویلي، چې په پښتونخوا کې حکومتولي د عمران خان د راخوشې کېدو لپاره قرباني شوې او په وینا یې، ایالتي مشران د ناامنیو پړه د تړلو دروازو تر شا پر پریکړو اړوي.
د پښتون ژغورنې غورځنګ مشر منظور احمد پښتین پر اروپامېشتو پښتنو غړ کړی، چې په سویس زیرلینډ کې د نړۍوال اقتصادي فورم کلنۍ غونډې پر مهال د پښتنو د حقونو لپاره د غږ پورته کولو په موخه لاریونونه وکړي.
د پاکستان حکومت د اپوزیسیون نوي مشر محمود خان اڅکزي، په خپل لومړي مطبوعاتي کنفرانس کې وویل چې د پاکستان او افغانستان ترمنځ شته کړکېچ باید د خبرو له لارې، د سیمې د هېوادونو په منځګړیتوب او د ملګرو ملتونو د امنیت شورا په ضمانت، پرته له تاوتریخوالي او جګړې حل شي.
د امریکا مرکزي قومندانۍ (سنټکام) اعلان کړی چې د امریکا او پاکستان ترمنځ د ترهګرۍ پر ضد ګډ پوځي تمرین پای ته رسېدلی دی. سنټکام ویلي، دا ډول تمرینونه د امریکا او پاکستان ترمنځ پخوانۍ دفاعي اړیکې لا پیاوړې کوي.
په پاکستان کې د امریکا سفارت اعلان کړی چې د ټرمپ ادارې د پرېکړې له مخې، د ویزو د غوښتونکو د سختې څېړنې او ارزونې په موخه، د ځینو هېوادونو د وګړو لپاره د کډوالۍ ویزو ورکول ځنډول شوي دي، چې د دې هېوادونو په ډله کې پاکستان هم شامل دی.
د ملګرو ملتونو د کډوالو عالي کمېشنرۍ (UNHCR) او د کډوالۍ نړیوال سازمان (IOM) په تازه ګډ راپور کې راغلي چې په پاکستان کې د افغانانو د نیولو او توقیف لړۍ د جنورۍ په میاشت کې ۱۸ سلنه لوړه شوې ده.
پاکستاني رسنیو راپور ورکړی، چې د پنجاب ایالت په سرګودې سیمه کې د د دوړو او ککړې هوا له امله یو ټرک موټر تشې ویالې ته لوېدلی، چې له امله یې ۱۴ کسان مړه شوي او څو نور ټپیان دي. د معلوماتو لهمخې، د پېښې پر مهال ۲۳ کسان په ټرک کې سپاره وو.
د پاکستان لومړي وزیر شهباز شریف ویلي، افغان طالبان د پاکستاني طالبانو تحریک «ټيټيپي» سره نږدې اړیکې لري او دې ډلې ته بېلابېلې اسانتیاوې برابروي. هغه ټینګار کړی، چې که څه هم طالبان دا تورونه ردوي، خو اسلاماباد په دې اړه کافي شواهد او اسناد په لاس کې لري.
د پاکستان پوځ رسنیو څانګې (ایاېسپيار) خبر ورکړی، چې د دوی ځواکونو د بلوچستان ایالت په خاران سیمه کې ۱۲تنه وسلهوال وژلي دي. د راپور لهمخې، دا وسلهوال یې هغه مهال وژلي چې په سیمه کې یې پر بانکونو برید کړی و او پیسې یې لوټلې.
د پاکستان لومړی وزیر شهباز شریف یو ځل بیا د افغان طالبانو او تحریک طالبان پاکستان ترمنځ د "همغږۍ او ایتلاف" په اړه اندېښنه څرګنده کړې ده. هغه ویلي، چې د افغان طالبانو له لارې د پاکستاني طالبانو ملاتړ کېږي.
د پاکستان د ملي اسمبلۍ مشر اياز صادق نن جمعه (د مرغومي۲۶مه) د یوې خبرپاڼې په خپرولو سره ویلي، چې د پښتونخوا د ملي عوامي ګوند مشر محمود خان اڅکزی د دغه هېواد د حکومت اپوزېسیون مشر په توګه ټاکل شوی.
د پاکستان «ډان» ورځپاڼې راپور ورکړی، د ایران له لارې افغانستان، مرکزي اسيا او نورو بازارونو ته د کچالو د صادراتو پرېکړه د لوړو ټرانسپورټي لګښتونو، لوژستېکي ستونزو او پر ايران د امريکا د ۲۵سلنه تعرفو له امله د بزګرانو او سوداګرو لپاره د پام وړ ګټه نهشي رسولای.
د پاکستان د لومړي وزیر سلاکار رانا ثناالله ویلي، چې د دغه هېواد په پارلمان کې د حکومت د اپوزېسیون مشرۍ لپاره د پښتونخوا د عوامي ګوند مشر محمود خان اڅکزي د ټاکل کېدو پرېکړه وروستۍ شوې ده. هغه وایي، نن جمعه (د مرغومي ۲۶مه) به نوموړی په رسمي توګه د اپوزېسیون مشر اعلان شي.