د طالبانو تر واک لاندې ارګ څخه په خپره شوې خبرپاڼه کې ویل شوي، د افغانستان لپاره د بریتانیا ځانګړي استازي، پاکستان ته په نږدې راتلونکې کې د سفر خبر ورکړی او ویلي یې دي چې غواړي له پاکستاني چارواکو سره د طالبانو او اسلاماباد ترمنځ د خبرو او تفاهم د رامنځته کولو په اړه خبرې وکړي.
په پاکستان کې د روغتیايي چارو کارپوهانو د شکرې ناروغۍ د نړۍوالې ورځې په مناسبت جوړ شوي یوه سیمینار کې خبرداری ورکړی، چې دغه هېواد په نړۍ کې د شکرې ناروغۍ د لوړې کچې لرونکو هېوادونو په ډله کې دی او د ناروغانو شمېر یې په پرلهپسې توګه زیاتېږي.
د پاکستان پوځ ویلي، چې تېرو دوو ورځو کې په خیبر پښتونخوا او بلوچستان کې د استخباراتي معلوماتو پر بنسټ د پوځي عملیاتو پرمهال لږترلږه ۲۴ وسلهوال او د یوه جګپوړي افسر په ګډون څلور پاکستاني پوځیان وژل شوي دي.
د افغانستان لپاره د برېتانیا ځانګړي استازي د طالبانو د رییسالوزراد دفتر له رییس سره په ویډیويي خبرو کې ویلي، لندن هڅه کوي د طالبانو او پاکستان ترمنځ اختلافونه حل او د دواړو لورو اړیکې عادي کړي.
د خیبر پښتونخوا والي فیصل کریم کنډي په یو خبري کنفرانس کې د افغانستان انټرنشنل – پښتو خبریال جواد شینواري د یوې پوښتنې په ځواب کې ویلي چې د ترهګریزو ګواښونو له امله پر ډیورنډ کرښه له افغانستان سره سوداګریزې لارې اوس مهال نهشي پرانېستلی.
د پاکستان پوځ د عامه اړیکو څانګې (ایاېسپيار) اعلان کړی چې په شمالي وزیرستان کې د استخباراتي معلوماتو پر بنسټ عملیاتو کې یې د دوو افغانانو په ګډون ۱۶ وسلهوال وژلي دي. د پاکستان د پوځ په وینا، دا نښتې په تېرو ۱۲ ساعتونو کې د میرعلي، دته خېل او علي خېل په سیمو کې شوې دي.
د پاکستان بهرنیو چارو وزارت وايي، د اقتصادي همکاریو سازمان(ایکو) د بهرنیو چارو وزیرانو شورا ۳۰مه دوه ورځنۍ غونډه د محمد اسحاق ډار په مشرۍ سبا (یکشنبه) په اسلاماباد کې پیلېږي. تر دې مخکې د دغه وزارت ویاند افغانستان انټرنشنل ته ویلي وو، چې دغې غونډې ته یې طالبان نهدي بللي.
د پاکستان لومړي وزیر شهباز شریف د کانونو د پانګونې په نړیوال فورم کې ویلي، چې هېواد یې د اقتصادي ودې او پانګونې د پراختیا له لارې هڅه کوي تر ۲۰۵۰ کال مخکې د نړۍ د سترو اقتصادي هېوادونو په کتار کې ځای ونیسي.
هغه افغانان چې د بېکارۍ او بېکورۍ له امله بېرته د پاکستان کراچۍ ښار ته د مزدورۍ لپاره تللي، وايي د ویزې د نشتوالي له امله په پټه کار کوي او د پولیسو له دوامداره نیولو وېره لري. دوی له پاکستاني چارواکو غواړي چې د کار او اوسېدو قانوني ویزې ورکړي.
د خیبر پښتونخوا په کوز سویلي وزیرستان، ټانک او ډېره اسماعیل خان کې د ناامنۍ بېلابېلو پېښو د خلکو اندېښنې زیاتې کړې دي. په سویلي وزیرستان کې د توپونو او ډرون په مبینه بریدونو کې د یوه پولیس سرتېري په ګډون دوه کسان وژل شوي په ټانک او ډېره اسماعیل خان کې اووه کسان لا هم نادرکه دي.
پښتون ژغورنې غورځنګ (پيټيایم) د پاکستان د کانونو د پانګونې فورم په کلکه رد کړی او دا یې د پښتون وطن د طبعي سرچینو د لوټلو هڅه بللې ده.
د بشري حقونو ۳۱ نړیوالو سازمانونو د یوې ګډې اعلامیې په خپرولو سره د پاکستان له حکومت څخه غوښتنه کړې، چې پښتون فعال او د بشري حقونو مدافع ادریس خټک سمدستي او بېشرطه له بنده خوشی کړي.
د پاکستان د پوځ مشر جنرال عاصم منیر په اسلام اباد کې د کانونو د پانګونې په غونډه کې نړیوالو پانګوالو ته د بشپړ امنیت ډاډ ورکړی او زیاته کړې یې ده چې هېواد یې د خپلو کانې زېرمو د راایستلو او اقتصادي ودې لپاره اوږدمهاله بهرنۍ پانګونې ته اړتیا لري.
د پاکستان د بلوچستان چارواکو ویلي چې د دغه ایالت په کیچ او خاران ولسوالیو کې یې د غیرقانوني تګ راتګ په تور ۱۱۰ افغانان نیولي دي. ځايي چارواکو ویلي، په نیول شویو کسانو کې ښځې او ماشومان هم شامل دي.
په خیبرپښتونخوا کې د افغان سوداګرو استازي سید نقیب باچا له افغانستان انټرنشنل- پښتو سره مرکه کې ویلي، چې د کابل او اسلاماباد ترمنځ سوداګري د سیاست قرباني شوې او دواړو لورو ته یې میلیارډونه ډالره تاوان اړولی دی. د هغه په وینا، د لارو بندېدو له امله زرګونه کسان هم بېکاره شوي دي.
د پاکستان د پنجاب په فتحجنګ سیمه کې د ماشومانو ترمنځ یوه کوچنۍ شخړه د لویانو ترمنځ په خونړۍ نښته اوښتې او له امله یې د ډزو په پایله کې درې کسان وژل شوي دي.
د پاکستان د کراچۍ په اردو پوهنتون کې د پښتنو زدهکړیالانو د کلتوري ورځې پر مهال نجونو زدهکړیالانو په افغانستان او پاکستان کې د نجونو د زدهکړو پر حق ټینګار کړی او ویلي یې دي، چې زدهکړه د نجونو ژوند ته «وزرونه» ورکوي او ټولنه باید د لوستو نجونو ملاتړ وکړي.
د پاکستان د نشهيي توکو پر ضد مبارزې ادارې په اسلاماباد او راولپنډۍ کې د نشهيي توکو د قاچاق د یوه نړیوالې شبکې پر ضد عملیات کړي او ۲۰ نایجریايي وګړي یې نیولي دي. د دغې ادارې په وینا، له نیول شویو کسانو څخه څه باندې څلور کیلوګرامه نشهيي توکي هم ترلاسه شوي دي.
د خیبر ولسوالۍ په باړه سیمه کې د پولیسو په عملیاتو کې د سیف الله په نوم یو مهم وسلهوال قوماندان وژل شوی دی. د خیبر د پولیسو مشر وقار احمد ویلي سیف الله د سیمې په څو بمي چاودنو او د پولیسو پر امنیتي پوستو د بریدونو په قضیو کې تورن و.
د پاکستان د ژغورنې ادارې ویلي چې ګلګت بلتستان په غذر ولسوالۍ او د سند ایالت په میرپورخاص کې په دوو جلا ټرافیکي پېښو کې ۱۵ کسان مړه شوي او دوه نور ټپیان دي.
د پښتون ژغورنې غورځنګ مشر منظور پښتین وايي، د پاکستان حکومت د پښتونخوا طبیعي زېرمې د سیمې د خلکو له ګډون او مشورې پرته پر بهرنیو کانکېندونکو شرکتونو پلوري. هغه ټینګار کړی، دغه طبیعي زېرمې د سیمې د خلکو حق دی او اسلاماباد د دې حق په اړه د هغوی له رضایت پرته د پرېکړې واک نه لري.
د عوامي نشنل ګوند مشر ایمل ولي خان په کوهاټ او صوابۍ کې پر پولیسو بریدونه غندلي او د ۱۲ پولیسو وژل کېدل یې د اندېښنې وړ بللي دي. نوموړي پر ایالتي ادارې نیوکه کړې چې د والي تر واکمنۍ لاندې یې په تېره یوه میاشت کې د ترهګرۍ د مخنیوي لپاره کوم عملي ګامونه نه دي اخیستي.