د سویس څارنوالۍ د ازبکستان د پخواني ولسمشر لور ګلنارا کریموا د یوې نړیوالې جنایي شبکې په اداره کولو تورنه کړې او ویلي یې دي، چې د هغې ۸۵۷ میلیونه ډالرو په ارزښت شتمني یې ضبط کړې ده.
د افغانستان لپاره د ملګرو ملتونو ځانکړي راپور ورکوونکي ریجارد بېنت نن جمعه د (وږي ۷مه) په خپل اېکس پاڼه لیکلي،«د بشري حقونو د مدافعینو ژولیا پارسي او ندا پرواني او د هغوی د کورنۍ د غړیو په نیول کېدو او په خپل سري توقیف سخت اندېښمن یم.»
د پاکستان د پېښور ښار په یوه کوچني روزنیز مرکز کې ۱۲ افغان مېرمنې خیاطي زده کوي. ماهرې بشیر د حرفوي زدهکړو دغه مرکز هغه وخت جوړ کړ، چې پاکستان ته د افغانانو د پراخې کډوالۍ او له ګڼو اقتصادي ستونزو سره د هغوی د مخامخ کېدو شاهده وه.
د طالبانو د لوړو زدهکړو د وزیر څرګندونو ته په غبرګون کې د بشري حقونو د څار ادارې چارواکې هېدربار د افغان ښځو پر وړاندې د طالبانو د تګلارو د بدلون لپاره د فشارونو دفاع وکړه او ویې ویل، چې طالبانو د ښځو پر وړاندې جګړه پیل کړې ده.
افغانستان کې د جمهوریت تر ړنګېدو وروسته د مېرمنو او پيغلو نجونو رواني ستونزې له هغه مهاله چې په افغانستان کې د ۲۰۲۱کال د اګست له میاشتې وروسته یو ځلې بیا طالبان واک ته رسېدلي د دغه هېواد د نیمايي برخې حقونه په بشپړ ډول تر پښو لاندې شوي.
طالبانو په کابل کې د افغانستان د معترضو ښځو د غورځنګ یوه مشره ژولیا پارسي نیولې ده. سرچینو افغانستان انټرنشنل ته ویلي، چې وسله والو طالبانو مېرمن پارسي او د هغې ماشوم د چهارشنبې په ورځ (د تلې ۵ مه) په کابل کې له خپل کور څخه نیولي دي.
د بخښنې نړۍوال سازمان د "معترضو مېرمنو د خود جوشه غورځنګ"غړې ندا پرواني د خپل سرې نیونې په تړاو اندېښنه څرګنده کړه او له طالبانو یې غوښتي، چې هغه، خاوند او ماشوم یې ژر تر ژره له بنده خوشې کړي.
د ملګرو ملتونو پخوانۍ راپور ورکوونکې کریمه بنون د سې شنبې په ورځ د امنیت شورا په غونډه کې وویل، طالبانو د جنسیتي توپیر په پلي کولو سره په دغه سازمان کې د خپل حضور امکان له منځه وړی دی. دغې حقوق پوهې په دې ناسته کې وویل، چې طالبان به په دې شان سیاست سره په رسمیت ونه پیژندل شي.
امریکا، بریتانیا، فرانسې، جاپان او ځینې نورو هېوادونو په یوه ګډه اعلامیه کې له افغان مېرمنو سره د طالبانو چلند «جنسیتي ځورونه» بللې ده. دغو هېوادونو «په افغانستان کې سیستماتیک تبعیض، د جنسیت تفکیک او پر ښځو او نجونو بندیز» غندلی دی.
د خوړو نړۍوال پروګرام (ډبلیو اېف پي) ویلي، که په افغانستان کې اړمنو کسانو ته د اړتیا وړ مرستې ور نه کړل شي، دا به د طالبانو تر واک لاندې افغانستان کې د ښځو د ژغورنې د وروستۍ لارې له لاسه ورکول وي.
د افغانستان د ښځو والیبال لوبډله په هانګژو سیالیو کې د تمریني اسانتیاوو د نشتوالي له امله ناهیلې ده. دوی د طالب واکمنو له حکم په سرغړونه دې سیالیو ته له بهر تللې دي، خو اندېښمنې دي چې سیالیو ته به هغسې تیاری ونه لري لکه څنګه چې پکار ده.
د ملګرو ملتونو د عمومي اسمبلۍ په ۷۸ مه غونډه کې د اندونیزیا د بهرنیو چارو وزیرې په افغانستان کې د نجونو او ښځو پر زدکړو د بندیز د لیرې کېدو غوښتنه وکړه. رتنو مارسودي وویل، د اندونیزیا چارواکي په افغانستان کې د ښځو او نجونو د حقونو د تامین لپاره هر څه کوي.
د مالیزیا لومړي وزیر له طالبانو غوښتي، چې د ښځو او نجونو پر وړاندې دې له توپیري چلند سیاستونو لاس واخلي. انور ابراهیم د جمعې په ورځ د (وږي په ۳۱مه) په خپلې وینا کې وویل، د تعليم له حقه انکار د اسلامي لارښوونو خلاف عمل دى.
خپل فلمونه او غږونه را ولېږئ