د روسیې دفاع وزارت د اوکراین پر هوايي ډګر د برید خبر ورکړی دی
د روسیې د دفاع وزارت ویاند جنرال ایګور کوناشینکوف اعلان وکړ، چې د دوی هوايي ځواکونو د کیف ښار په څنډو کې د اوکراین پر یوه هوايي ډګر برید کړی دی.
د روسیې د دفاع وزارت ویاند جنرال ایګور کوناشینکوف اعلان وکړ، چې د دوی هوايي ځواکونو د کیف ښار په څنډو کې د اوکراین پر یوه هوايي ډګر برید کړی دی.
د دغه پوځي چارواکي په وینا؛ د روسیې دغه برید د اوږد واټن ویشتونکو وسلو په مرسته په دقیق ډول تر سره شوی دی.
نوموړي د یکشنبې په ورځ (د وږي ۵مه) په یوه ویډیویي پیغام کې وویل: “د روسیې وسله والو ځواکونو د شپې پر مهال د کیف په څنډه کې پر یوه هوايي ډګر په خورا دقیقو وسلو برید کړی دی”.
جنرال ایګور کوناشینکوف زیاته کړه، چې په دې برید سره د روسیې د وسله والو ځواکونو هدف ترلاسه شوی دی.
په یاد هوايي ډګر کې د دغه برید د ځاني او مالي زیانونو په اړه تر اوسه کوم راپور نه دی خپور شوی.
دا برید د اوکراین د بې پیلوټه الوتکو له برید وروسته د روسیې له خوا شوی دی.
