د ایران د تسنیم خبري اژانس د راپور له مخې، په عراق کې د ترافیکي پېښې له امله څلور افغان، ۱۲ ایراني او درې عراقي زیارت کوونکي وژل شوي دي. دا پېښه د عراق د کاظمین – سامرا د لارې په اوږدو کې د دوو موټرو د ټکر له امله شوې او ۱۱ کسان پکې ټپیان دي.
د عراق د سرې میاشتې د مرستې او ژغورنې د عملیاتو د کنټرول د مرکز مشر حسین درخشان وايي، دغه پېښه تېره شپه د بلاد په څنډه کې له کاظمین څخه سامرا ته په لاره کې د زیارت کوونکو د دوو موټرو د ټکر له امله شوې، چې دېرش تنو ته په کې مرګژوبله واوښته.
د نوموړي په وینا، په دغې پېښه کې د وژل شويو ١٩ کسانو له ډلې ۴ یې افغانان، ١٢ يې ايرانيان، او درې نور یې عراقي وګړي دي.
د راپورونو له مخې، د پېښې ټپیان روغتون ته لېږدول شوي؛ خو د یوشمېر کسانو وضعیت د اندېښنې وړ دی.
تر دې وړاندې د طالبانو د امر بالمعروف او نهی عن المنکر وزارت د اسلامي احکامو له مخې موسیقي منعه اعلان کړې.
تېره اونۍ هم د لغمان ولایت په اړونده یوه سیمه کې کله چې د واده د موټرو په کاروان د موسیقۍ غږولو په غبرګون طالبانو ډزې کړې وې، له امله یو تن لاروی وژل شوی و.
څو اونۍ مخکې په بېلابېلو عملیاتو کې د طالبانو د امر بالمعروف وزارت محتسبینو د افغانستان په بېلابېلو سیمو کې د موسیقۍ الې سوځولې او له منځه وړې وې، چې د افغان هنرمندانو سختې نیوکې یې راپارولې وې.
له دې سره تېره میاشت د کابل ځینو اوسېدونکو ادعا کړې وه، چې د دغه وزارت محتسبین په ښار کې د خلکو ګرځنده ټلیفونونه ګوري چې سندرې په کې نه وي او مېموري کارټونه یې هم اخلي.
