ملګري ملتونه وايي، د طالبانو له خوا پر نشيه یي توکو له بندیز وروسته د هیرویینو قاچاق کم خو په افغانستان او سیمه کې د شیشې یا میتامفتامین قاچاق او تجارت ډېر شوی دی. د ملګرو ملتونو د جرمونو او له نشه يي توکو سره د مبارزې دفتر دا خبره د یکشنبې په ورځ په یوه راپور کې کړې ده.
د دې ادارې مشر غاده ویلي وايي: په افغانستان او سیمه کې د شیشې د قاچاق زیاتوالی د بې قانونه نشه يي توکو په بازار کې پام وړ بدلون ښيي او زموږ سملاسي پاملرنه غواړي.
طالبانو چې د ۲۰۲۱ کال په اګست میاشت کې واک ترلاسه کړ، د ۲۰۲۲ اپریلکې یې په افغانستان کې چې د نړۍ د تریاکو يي توکو اصلي تولیدوونکی دی، د نشه يي توکو پر تولید بندیز ولګاوه.
طالب چارواکي وايي امنیتي ځواکونه یې د کوکنارو د کر مخه نیسي او حاصلات یې له منځه وړي.
تر ۲۰۲۱ کال په پنځو کلونو کې په افغانستان کې د شیشې نیول ۱۲ برابره شوی دی.
د ۲۰۱۰ او ۲۰۲۲ کال په اوږدو کې د ایران او پاکستان په څېر هېوادونو کې هم دا نشه يي مواد ډېر ضبط شوي دي.
د فرانسې او اسټرالیا په څېر خورا لرې هېوادونو هم ویلي داسې شیشه یې نیولې چې ښايي سرچینه یې افغانستان وي.
ملګري ملتونه وايي، په افغانستان کې ډېری شیشه د زوکام او والګي په څېر دارو درملو له لومړنیو توکو جوړ شوي دي.
په افغانستان د داسې بوټي کور دی چې د شیشې یا میتامفتامین جوړولو کې کارېدلی شي، خو ملګري ملتونه وايي، چې د دې نشه يي توکي تولید یوازې پر دې بوټي هم ولاړ نه دی.
