د ایران رسمي خبري اژانس ايرنا نن د سيستان بلوچيستان په زاهدان زندان کې اسرايیل ته د جاسوسۍ په تور د یو کس د اعدام خبر ورکړ. دا اعدام یوه ورځ وروسته له هغه شوی، چې بلوڅ وسلوالو په دغه ښار کې د پولیسو پر یوه مرکز په برید کې ۱۱ پولیس ووژل.
ایرنا د حکومتياعلامیې خپرولو سره وايي: «دغه کس له بهرنیو استخباراتو په تېره موساد سره اړيکه درلوده او دوی ته يې منظم شوي محرم اسناد راټولو او برابرول.»
دا معلومه نه ده، چې دا سړی کله نیول شوی> خو ایرنا راپور ورکړی، چې د هغه استیناف غوښتنه رد شوې وه.
په ورته وخت کې د ایران دولتي تلویزیون په راسک ښار کې د ۱۱ ایراني پولیسو د جنازې مراسمو د اعلان خبر ورکړی.
په راسک ښار کې د جمعې د سهار د حملې مسوولیت جیش العدل ډلې په غاړه اخيستی.
سيستان بلوچستان ولایت له افغانستان او پاکستان سره ګډه پوله لري،
دا پوله له ډېر وخت د امنيتي ځواکونو او سني وسلوالو ترمنځ د نښتو او مرګ ژوبلې شاهده وي.
د دې ښار نفوس له سني مسلمانانو جوړ دی او د ایراني حکومت پر چلن نیوکې کوي.
