د پاکستان حکومت وايي ۴ لکه ۳۵ زره افغان کډوال هېواد ته ستانه شول

د امریکا متحده ایالتونو په واشنګټن کې دا شبکه په خپل بیان کې وايي، چې دا بلاعوضه مرسته به له افغان نجونو او هلکانو سره د بهتر تعلیم په ترلاسه کولو کې مرسته وکړي.

په بیان کې د دې ادارې د مشرې لیورا فریګنټي په دې خوښي ښودلې، چې په افغانستان کې د زدکړو ملاتړ جاري ساتي.

دا پیسې پر نورو چارو سربېره د ښوونځیو پر ودانیو او د اوبو سهولتونو پر برابرولو او هم د نجونو د لومړنیو ښوونځیو لپاره د ښوونکو په توګه د ځوانو ښځو پر روزلو لګول کېږي.

د ښوونکو روزلو ته د دې مرستې ځانګړې کول په داسې مهال دي، چې طالبانو د ښځو پر کار بندیز لګولی او له شپږم ټولګي پورته یې د نجونو زدکړې هم بندې کړې دي.

طالبانو د زدکړو سیستم او په دې برخه کې په نړۍواله مرسته کې پر لاسوهنه هم ښوونیز نظام زیانمن کړی دی.

د افغانستان د بیارغونې لپاره د ا مریکا ځانګړې اداره یا سیګار تېر اکټوبر کې وویل؛ د طالبانو د پالیسیو له امله زدکړو ته لاسرسی محدود او کیفیت یې خراب شوی دی.

سیګار د افغانستان د تعلیم په هکله په دغه راپور کې وايي، چې د طالبانو په واکمنېدو سره د ځینې عصري علومو ځای هم دیني مضامینو نیولی دی.

سیګار ویلي وو، چې د طالبانو له دې مخنیوونکو پالیسو سره - سره نړۍوالې مرستندویه ادارې د زدکړو په برخه کې مرسته کوي او هڅه کوي چې زدکړو ته لاسرسی ډېر او هم یې کیفت لوړ شي.

مېرمن بار په اېکس ټولنیزه پاڼه کې لیکلي، چې طالبانو تېر کال د ډسمبر په شلمه په دولتي او شخصي پوهنتونونو کې د نجونو په شتون او همدارنګه د ډسمبر په څلرویشتمه په غیر دولتي موسسو کې د ښځو په کار بندیز ولګاوه او دغه ډله باید را روان کال دا پروسه تکرار نه کړي.

دغه غوښتنه په داسې حال کې کیږي، چې طالبانو د نجونو د روزنیزو بنسټونو د بیا پرانېستلو لپاره هېڅ اقدام نه دی کړی.

که څه هم طالبانو په پیل کې ویلي وو، چې د نجونو پر زدکړو بندیز تر امر ثاني پورې دی؛ خو اوس له شپږم ټولګي پورته د نجونو پر زدکړو له بنديز د دوو کلونو په تېرېدو سره د دې بهیر د بیا پیلېدو څرک نه لیدل کیږي.

دغه طالب چارواکي ویلي، چې د امریکا او متحدینو په ګډون د نړۍ هېوادونه نه غواړي چې په افغانستان کې جګړه دوام وکړي.

د طالبانو د بهرنیو چارو وزیر دا څرګندونې په داسې حال کې کوي، چې د ملګرو ملتونو سرمنشي انټونیو ګویتریش په دې وروستیو کې امنیت شورا ته په یوه راپور کې ویلي، چې په جلاوطنۍ کې سیاسي اپوزیسیون له منظم کېدو سره په کورنیو او بهرنیو مسایلو کې د طالبانو په ننګولو کې زیات فعال شوی دی.

د افغانستان د ملي مقاومت جبهې مشر احمد مسعود ویلي وو، چې د وسله والو طالبانو د فعالیتونو زیاتوالي د دغې ډلې مشران اندېښمن کړي دي.

د طالبانو د دفاع وزیر ملا یعقوب د روان لمریز کال په پیل کې د طالبانو پر ضد د چریکي بریدونو او سیمه ییزو غونډو له زیاتېدو وروسته د دغې ډلې مخالفینو ته خبرداری ورکړ: «بې ځایه تبلیغات به تاسو ته زیان ورسوي».

د طالبانو د بهرنيو چارو وزارت سیاسي مرستيال عباس ستانکزي هم د ١٤٠٢ کال د لیندۍ په ١٢مه په اتريش کې د دې ډلې د مخالفو څېرو غونډه په داسې حال کې "ناقانونه" بللې وه، چې دغه غونډې د طالبانو د کمزوري کولو او بدنامولو لپاره ترسره کېږي.

د طالبانو سیاسي مخالفین په وروستیو کې د افغانستان د حالاتو د څېړلو په موخه په بیلابیلو هېوادونو کې غونډې کوي او د افغانستان په یو شمېر ولایتونو کې د هغوی چریکي بریدونه دوام لري.
​

د لوبې په لومړۍ پاڼۍ کې د اسټرالیا لوبډلې د ډیویډ وارنر او میچل مارش د غوره توپ وهنې په مټ ۴۸۷ منډې جوړې کړې، چې پکې د ۱۶۴ منډو جوړیدو امتیاز د ډیویډ وارنر او د ۹۰ منډو جوړیدو امنتیاز د میچل مارش و.

پاکستان د اسټرالیا د ۴۷۸ منډو جوړیدو په تعقیب د ټولو لوبغاړو په سوځیدو سره ۲۷۱ منډې وکړې او د اسټرالیا د ۲۰۷ منډو قرضدار پاته شو.

د لوبې په دویم اېنینګ کې اسټرالیا د ۲۰۷ منډو په دوام ۲۳۳ منډې جوړې کړې، خو د پاکستان لوبډله د دغې موخې په پوره کولو کې پاتې راغله او ټوله لوبډله یې په ۸۹ منډو وسوځیدله.

پاکستان د یو ورځنیو لوبو تر نړیوال جام وروسته د ټیسټ لوبډلې په ګډون د یو ورځنیو او شل اوریزو لوبډلو لوبډلمشران هم نوي کړه.

پاکستان له اسټرالیا سره د ټیسټ لوبلړۍ لومړۍ ماتې د شان مسعود په لوبډلمشرۍ وخوړه.

د اسټرالیا او پاکستان تر منځ د درې ټیسټ لوبو لړۍ دویمه لوبه د ډیسمبر میاشتې په ۲۶ او دریمه لوبه د جنورۍ په دریمه نیټه کیږي.

د ریاست لوزرا افتصادي مرستیال نن په کابل نړیوال هوايي ډکر کې د یو شمیر پروژو د پرانیستې غونډې ته د وینا پر مهال له سوداګرو غوښتنه وکړه چې د ولس د اقتصادي ودې په برخه کې پانګونه وکړي.

ملا برادر په خپله وینا کې وویل، هغه افغان پانګوال چې په بهر کې دي، دوی دې د خپلو خلکو لپاره په افغانستان کې پانګونه وکړي ترڅو د خپل هیواد خلک ورڅخه ګټه واخلي.

دی زیاتوي، طالبان پوره هڅه کوي چې په هیواد کې سوداګرو ته دپانګونې لپاره زمینه برابره کړي.

په همدې حال کې ملا برادر وايي د صنعتګارنو او سوداګرو شکایت درلود چې په ۲۴ ساعتونو کې ۸ ساعته برېښنا لري خو د نوموړي د ورته ویلي چې د طالبانو دولتي ادارو څخه به دوه ساعته زیاته برېښنا دوی ته ورکول کیږي.

ملا برادر د طالبانو د نورو چارواکو په څېر وايي چې په ټول افغانستان کې امنیت تامین دی او سوداګرو ته کوم ګواښ نه دی متوجه او نه هم په دغه برخه کې ستونزې شته دي.

که څه هم طالب چارواکي د افغان سوداګرو ستونزې په مشخص ډول نه یادوي خو یو شمیر سوداګر شکایت لري چې د افغانستان په سوداګریزو بندرونو کې د طالبانو لخوا لوړه مالیه اخیستل، له اړتیا لاسوهنه او خپلسري د سوداګرۍ بهیر له ستونزو سره مخ کړی او فساد ته یې لاره هواره کړې ده.

یو شمیر افغان سوداګرو تېره ورځ افغانستان انټرنشنل ـ بښتو ته وویل چې طالب چارواکي یې غږ نه اوري نو دوی مجبور دي چې خپلې ستونزې تر کندهار ددې ډلې مشر ملا هبت الله ته ورسوي.