د ترکیې پولیسو په اغري ښار کې ۸۲ افغان کډوال نیولي دي

دغه یمني وسلوال چې د ایران په ملاتړ یې په سره سمندرګي کې د سمندري ترافیکو د ستانې لپاره د امریکا د متحده ایالاتو د نړۍوال ایتلاف پر جوړولو اعتراض کړی ویلي، چې دوی به هېڅ کوم هېواد ته ګواښ پېښ نه کړي؛ خو یوازې د اسراییلي کښتۍ او د اسراییل پر طرف تلونکې بېړۍ په په نښه کوي.

څلور ورځې وړاندې د سپینې ماڼۍ د ملي امنیت سلاکار منځني ختیځ ته د سفر پر مهال ویلي وو، چې د ایران حکومت اړ دی، چې پر بېړیو د یمن د حوثي وسلوالو د بریدونو مخه ونیسي.

د اسراییل او حماس تر منځ د جګړې له پیلېدو راهیسې حوثيانو په سور سمندرګي کې پر سوداګریزو کښتیو بریدونه پیل کړي دي.

د سپینې ماڼۍ دغه لوړ پوړي امنیتي چارواکي زیاته کړه، چې متحده ایالات په یمن کې د حوثيانو له ګواښ سره د مقابلې لپاره له نړۍوالې ټولنې سره همکاري کوي.

د روسیې د بهرنیو چارو وزارت ویاندې ماریا زاخارووا په یوه بیان کې لیکلي، چې مسکو به د فنلنډ او په ناټو کې د هغوی د ملګرو د سختو پرېکړو د مخنیوي لپاره اړین ګامونه پورته کړي.

د ۲۰۲۲ کال په لومړیو کې پر اوکراین د روسیې له پوځي یرغل وروسته فنلنډ سږ کال د ناټو د نوي غړي په توګه د امریکا په مشرۍ پوځي اتحاد ته داخل شو.

دغه دفاعي تړون فنلنډ د امريکا سره لاسلیک کړ، هدف يې دا دی، چې د جګړې د پېښېدو پر مهال واشنګټن وکولی شي له دغه هېواد سره بېړنۍ مرستې وکړي.

په تړون کې په فنلنډ کې ۱۵ اډې او سیمې شاملې دي، چې متحده ایالات کولی شي ورته لاسرسی ولري.

د دې ترڅنګ امریکا کولی شي د فنلنډ په سرحدي سیمو کې د څلورو هوايي اډو او یو پوځي بندر په ګډون پوځي تجهیزات او مهمات ولري.

امریکا د ختیځې اروپا له ډېرو هیوادونو سره ورته تړون لري.

کرملین د جمعې په ورځ وویل، چې دا تړون به د روسیې لپاره "څرګند ګواښ" وي او له هلسينکي سره به د کړکیچ لامل شي.

سنګر چې نن سې شنبې د (لیندۍ ۲۸مه) د طالبانو له بند څخه خوشې شو، د افغانستان د خبریالانو مرکز د نوموړي له خوشې کېدو هر کلی وکړ او زیاته یې کړه، چې د سنګر نیول کېدل غیر قانوني وو.

په پروان ولایت کې د طلوع نیوز سیمه ییز خبریال روح الله سنګر د یکشنبې په ورځ د راپور جوړولو پرمهال د دغه ولایت له مرکز چاریکار ښار څخه د طالبانو استخباراتو نیولی و.

د پروان ولایت د اطلاعاتو او فرهنګ رییس شمس الرحمن صدیقي د افغانستان د خبریالانو مرکز ته د سنګر د خوشې کېدو خبر تایید کړی؛ خو د هغه د نیولو د علت او د ازادۍ د شرایطو په اړه څه نه دي ویلي.

د یاد مرکز په خبره؛ اوسمهال دوه نور خبریالان د طالبانو په بند کې دي.

د افغانستان د خبريالانو مرکز د روان کال په لومړيو شپږو مياشتو کې د خبريالانو او رسنيو له ازادۍ څخه د سرغړونې لږ تر لږه ٧٥ پېښې ثبت کړي، چې ٣٣ نيول شوي او ٤٢ یې ګواښونه دي.

د یادولو ده، چې ډېری نیونې د طالبانو د استخباراتو د ریاست له خوا کیږي او بېلابېلې څانګې په ځانګړې توګه د اطلاعاتو او کلتور ریاست او امربالمعروف بیا د خبریالانو او رسنیو ته د ګواښ په پېښو کې ښکېل دي.

د طالبانو د بهرنيو چارو وزارت مرستيال وياند حافظ ضياء احمد نن سې شنبه پر خپله اېکس پاڼه د اميرخان متقي او د افغانستان لپاره د برېتانيا د شارژدافېر رابرت ډکسن د ليدني خبر نشر کړی.

نوموړي ليکلي، چې رابرت ډکسن د ملګرو ملتونو د وروستي راپور ملاتړ کړی او هغه يې متوازن بللی دی.

د ملګرو ملتونو په راپور کې په نړۍ واله سطحه د بشري حقونو نقص کول، د بيان ازادي او د ښځو د حقونو تر پښو لاندې کول، نژادي، مذهبي او د توکم پالني د ستونزو زياتوالۍ او مخنيوي ته اشارې شوې ده.

د طالبانو د بهرنیو چارو وزارت مرستیال ویاند لیکلي، چې اميرخان متقي په دې ليدنه کې د راپور د ځينو برخو د مثبت بللو ترڅنګ هغه برخه نامناسبه بللې، چې د افغانستان لپاره دې نوی خاص استازی وټاکل شي.

ضياء احمد ليکلي، چې دواړو لوريو پر اقتصادي او سياسي برخو خبرې کړي او د سياسي موخو د تر لاسه کولو لپاره یې تاوتريخوالی رد کړی دی

د افغانستان لپاره د برېتانيا شارژدافېر مطبوعاتي دفتر د دې ليدني او دغه څرګندونو په اړه څه نه دي ویلي.

دواړو لورو په دې کتنې کې په بېلابېلو هېوادونو کې د افغان کډوالو د وضعيت، له پاکستان څخه د افغان کډوالو د جبري اېستنې، د قانوني کډوالۍ د اسانتیاو او نورو اړوندو موضوعاتو په اړه خبرې وکړې.

د بهرنیو چارو وزارت ویاند په اېکس پاڼه کې لیکلي، چې امیر خان متقي نن سې شنبې د (لیندۍ ۲۸مه) د کډوالو د نړۍوال سازمان له عمومي مشرې اميپوپ سره په کتنه کې همدا راز زیاته کړه، چې کوربه هېوادونه باید له کډوالو سیاسي استفاده ونه کړي.

متقي وویل: " کډوال نه يوازې دا چې پر کوربه هېوادونو بوج نه دي، بلکې د هغوی په پرمختيا او اقتصادي ودې کې د پام وړ ونډه لري."

د کډوالو د نړۍوال سازمان عمومي مشرې په خپلو خبرو کې وویل، چې افغانستان ته ځکه راغلې چې د کډوالو وضعیت له نېږدې وګوري او ستونزو ته یې مناسبه حل لاره وکتل شي.

نوموړې د کډوالو د موضوع په سياسي کېدو خواشيني څرګنده کړه او زیاته یې کړه، چې د کډوالو نړۍوال سازمان نه يوازې خپلو اصلي هېوادونو ته‏ د کډوالو د ستنېدو، بلکې د قانوني کډوالۍ د اسانولو له پاره هم کار کوي.

د افغان کډوالو موضوع تر هغه وروسته د نړۍوالو د پام وړ وګرځېده چې پاکستان د نوامبر له پیل څخه تر اوسه پورې په جبري توګه د زرګونو افغانانو د اېستلو لړۍ پیل کړې ده.

اوسمهال ډېر شمېر هغه کډوال د هېواد په بېلابېلو برخو کې په کمپونو کې د ژمي سختې شپې او ورځې تېروي، چې په دې وروستیو کې له ایران او پاکستان څخه اېستل شوي دي او د سرپنا له نه شتون سره مخامخ دي.