د خیبر پښتونخوا د اېبټ آباد ولسوالۍ په ترهیړي کلي کې په یوه کور کې د برېښنا د شارټۍ له امله د اور لګېدو په پېښه کې د یوې کورنۍ نهه تنه مړه شوي دي. په کوټه کې تر اور لګېدو وروسته د کوټې چت راپرېوتی او ټول بند پاتې کسان تر خاورو لاندې شوي.
د پاکستاني رسنیو د راپور له مخې په دغه کور کې اور هغه مهال لګېدلی چې د برېښنا یوه ساکټ شارټي کړې او له اور لګېدو وروسته په یوې مور او اتو تنو ماشومانو یې د کوټې چت راپرېوتی چې له امله ټول مړه شوي.
سیمه ییزو چارواکو ویلي سیمه ته د بیړنیو مرستو ډلې رسېدلې دي خو وايي د اور د ژورو ټپونو او د خارو له انبار لاندې د دغې کورنۍ غړي نه دي ژغورل شوي.
عیني شاهدان وايي، د اور د تېزو لمبو له امله کوټې اور اخیستی و او د چت راپرېوتو له امله هغوی تر خارو لاندې و چې ځینې یې له وړاندې مړه او ځینو له خارو او اېرو تر را ایستل کېدو وروسته ساه ورکړه.
