د ایران د اسلامي جمهوريت د وسله والو ځواکونو لوی درستیز محمد باقري د سپاه پاسدران د يوه جګپوړي غړي د وژل کېدو په غبرګون کې اسراييل ته اخطار ورکړی. نوموړي ويلي، چې دوی به د اسراييل پر وړاندې چوپ او بې ځوابه پاتې نه شي.
د ایران د وسله والو ځواکونو لوی درستيز په يوه پیغام کې د سپاه پاسدارانو د يوه مخکښ جنګي قومندان رضي موسوي وژل کېدل د اسراييل له لوري تېروتنه بللې او زياتوي: «دوی یوه ستراتیژیکه تېروتنه وکړه او د دوی جرمونه به بې ځوابه پاتې نه شي.»
د ایران دولتي رسنيو اعلان کړی، چې د سوريې په پلازمېنه دمشق کې د اسراييل په يوه هوایي بريد کې د ایران سپاه پاسداران يو جګپوړی سلاکار وژل شوی دی.
د رسنيو د معلوماتو له مخې؛ چې سید رضي موسوي د ایران او سوريې ترمنځ د پوځي همغږۍ مسوول و.
تېره ورځ د ایران ولسمشر ابراهیم رييسي هم دغه پېښه ناوړه او کمزورې کړنه بللې وه او اسراييل ته يې ګواښ کړی، چې د دې جنايت بيه په پرې کوي.
چارواکي لا هم سیمه پلټي؛ خو سیمه د عامو خلکو پرمخ پرانیستل شوې ده. د معلوماتو له مخې د سړک پر سر هم څوک زیانمن شوي نه دي.
په ډیلې کې د اسراییل د سفارت ویاند ګوای نير رویټرز ته تایید کړې، چې چاودنه د ماښام ۵:۲۰ بجو کې رامنځته شوه، ځايي پولیس او امنیتي ټیمونه د سیمې څېړنه کوي.
لا معلومه نه ده، چې دا چاودنه د چا له خوا شوې ده.
دوه کاله وړاندې په نوي ډیلي کې د اسراییل د سفارت مخې ته چاودنه وشوه، چې چاته پکې زیان نه و اوښتی یوازې یو موټر زیانمن شوی و.
هند ویلي وو، چې دا برید د ایران د سپاه پاسداران د قدس ځواک څانګې ترسره کړی و.