د هند پر وړاندې د افغانستان د شل اوریزو لوبو لړۍ نن پیلیږي
د هند پر وړاندې د افغانستان د کرېکټ ملي لوبډلې د شل اوریزو لوبو لړۍ نن پیلیږي. دغه لوبې د کابل په وخت نن ماښام شپږ بجې د هند په موهالي کې پیلېږي.
د هند پر وړاندې د افغانستان د کرېکټ ملي لوبډلې د شل اوریزو لوبو لړۍ نن پیلیږي. دغه لوبې د کابل په وخت نن ماښام شپږ بجې د هند په موهالي کې پیلېږي.
په دغو لوبو کې ابراهیم ځدراڼ د افغانستان د کرېکټ ملي لوبډلې لوبډلمشري پر غاړه لري.
نوموړي له هندي رسنیو سره په خبرو کې ویلي، چې په هند کې د دغې ډلې پر وړاندې د لوبې ګټل ورته خورا ستونزمن دي؛ خو د هغه په وینا د بریا او ګټلو لپاره له بشپړ چمتوالي سره ورغلي دي.له بلې خوا په دغو لوبو کې راشد خان نه لوبېږي.هغه ته د ملا له عملیاته وروسته په دغو لوبو کې د لوبېدو اجازه نه ده ورکړل شوې، ځکه چې په بشپړه توګه نه دی رغېدلی.د هند له لوبډلې هم ویراټ کوهلي په لومړنۍ لوبه د شخصي بوختیاوو له امله نه شي لوبېدلی؛ خو پاتې دوو نورو کې به ګډون وکړي.افغانستان تر دې وړاندې هم له هند سره څلور شل اوریزې لوبې کړې دي؛ خو هغه څلور لوبې هند ترې ګټلې وې.
