داعش په باجوړ کې ټاکنو ته د نوماند رېحان زېب د وژنې مسوولیت واخیست

AP ۱۴۰۲ سلواغه ۱۱

د اسلامي دولت - خراسان (داعش) ډلې په یوې خپرې شوې خبر پاڼه کې د خېبر پښتونخوا په باجوړ کې ټاکنو ته د نوماند ریحان زېب د وژنې مسوولیت پر غاړه واخیست.

ریحان زېب نن د پښتونخوا باجوړ ته د خپل ټاکنیز کمپاین لپاره روان و، چې وسلوالو د صدیق اباد پاټک کې پرې برید وکړ.

ځايي رسنۍ د پولیسو په حواله وايي، په برید کې ریحان او درې ملګري یې ټپیان شوي وو، خو ریحان وروسته روغتون کې مړ شو.

ریحان زېب پخوا د پاکستان تحریک انصاف ګوند غړی و؛ خو د ګوندي ټاکنیز کارت د نه تر لاسه کولو له امله له اتمې ټاکنیزې حوزې څخه قومي اسمبلۍ (جرګه) او له ۲۲مې څخه صوبایي اسمبلۍ ته خپلواک نوماند و.

په وروستیو کې په باجوړ کې یو شمېر قومي مشران، دیني علماء او سیاستوال په نښه شوي، چې د ځینو پېښو مسوولیت د داعش وسلوالې ډلې پر غاړه اخیستی دی.

نور خبرونه

رادیو

ستاسو د غږ لپاره کور

خپل فلمونه او غږونه را ولېږئ