ملګري ملتونه: د طالبانو لهخوا د ښځو د خپلسرو نیونو د څېړلو په حال کې یو
د ملګرو ملتونو د سرمنشي ویاند سټیفن دوجاریک وایي، چې د ملګرو ملتونو پلاوی د طالبانو لهخوا د افغان ښځو خپلسرې نیونې او د هغوی پر وړاندې د دغه ډلې ناوړه چلند څېړي.
د ملګرو ملتونو د سرمنشي ویاند سټیفن دوجاریک وایي، چې د ملګرو ملتونو پلاوی د طالبانو لهخوا د افغان ښځو خپلسرې نیونې او د هغوی پر وړاندې د دغه ډلې ناوړه چلند څېړي.
د ملګرو ملتونو دغه ویاند وایي، چې ملګري ملتونه په افغانستان کې د طالبانو لهخوا په تېرو وروستیو کې د «اسلامي حجاب» په نامه د ښځو خپلسرو نیونو په تړاو اندېښمن دي.
هغه زیاته کړې:« داسې ښکاري، چې مذهبي او قومي لږکۍ په نا متناسبه توګه په دې برخه کې د طالبانو د دغو ځپلو تر اغېز لاندې راغلي.»
هغه وایي، ملګري ملتونه له دې وېره لري چې دغه ځپنه ښځې د خپلسرو نیونو له وېرې څنډې ته نه کړي او داسې وېره هم شته چې په کورنیو کې به د ښځو پر وړاندې د نارینهو تاوتربخوالی هم زیات شي.
هغه ویلي، یوناما د طالبانو د امربالمعروف له وزارته غوښتي چې ټولې نیول شوې مېرمنې دې بېرته خوشې کړي.
همدا تېره ورځ د طالبانو محتسبینو د کابل په مکروریانو کې یوه ښځه په پارک کې د قدم وهلو پرمهال سخته وهلې وه.
دغې مېرمنې افغانستان افغانستان انټرنشنل ته داسې انځورونه لېږلي، چې په وهلو ټکولو یې د بدن ځینې برخې ټپي شوې دي.
تر دې وړاندې د شنبههای ارغواني غورځنګ هم ویلي و، چې اوسنی وضعیت ډېر خراب دی ښځې د بې حجابۍ په تور د طالبانو لهخوا نیول کېږي، بندیانېږي، په زور ودېږي او ان په زندانونو کې جنسي تېري پرې کېږي.
دغه غورځنګ زیاته کړه وه:« دا کړنې د بشریت په وړاندې سخت جنایتونه دي او وضعیت په چټکۍ سره د خرابېدو په حال کې دی.»
