پر هغو دوو کسانو چې طالبانو په غزني ولایت کې د قصاص حکم عملي کړی، یو یې د میدان وردک او بل یې د غزني ولایت د اندړو ولسوالۍ اوسېدونکی و. طالبان وايي، پر یادو کسانو یې د ملا هبت الله په امر د قصاص حکم عملي کړ.
له دې سره پر افغانستان د طالبانو د واکمنۍ وروسته د دویم ځل لپاره د قصاص حکم عملي شو.
د طالبانو سترې محکمې د پنج شنبې په ورځ د (کب ۳مه) د یوې خبرپاڼې په خپرولو سره ویلي، چې نن له غرمې مخکې یې د غزني ولایت د مرکز د علي لالا کلي د فوټبال په لوبغالي کې د سلګونو کسانو په حضور کې پر دوو کسانو د قصاص حکم عملي کړ.
عیني شاهدان افغانستان انټر نشنل ـ پښتو ته وايي، یاد دوه کسان د مقتولانو د کورنیو له لوري نه دي بخښل شوي او دواړه قاتلان په ډزو ووژل شول.
په خبرپاڼه کې ویل شوي، چې د میدان وردګ ولایت د سید اباد ولسوالۍ اوسېدونکی سید جمال او ګل خان د غزني ولایت د اندړو ولسوالۍ اوسېدونکی په جلا، جلا پېښو کې د قتل په تور نیول شوي وو.
په دغه خبر پاڼه کې ویل شوي، چې پر یادو دوو کسانو د طالبانو د مشر ملا هبت الله په امر د قصاص حکم عملي شو.
طالبان په داسې حال کې په افغانستان کې د قصاص او درو حدود عملي کوي، چې پر دغه ډله د بې ګناه وژنو ادعاوې ښې ډېرې دي.
که څه هم په عام محضر کې قصاص او په درو وهل له بشري حقونو سرغړونه بلل کېږي؛ خو طالبان وایي چې شرعي حکم عملي کوي.
ځیني کتونکي دا هم وايي، چې له دغو کسانو په څه وړ شرایطو کې اعتراف اخیستل شوی او د محکمې حکم تر کومه بریده بې پرې و، دا هم مالومه نه ده هغو قاضیانو چې دغه پرېکړه یې کړې په قضایي څانګو کې یې څومره زدهکړې کړې دي او که یوازې د طالبي مدرسو فارغان دي.
د هغه په وينا؛ د طالبانو د ماليې وزارت د تېر حکومت په پرتله شفاف او حساب ورکوونکی نه دی.
ښاغلی زاخیلوال چې د تېر حکومت له ړنګیدو وروسته له کابله نه دی وتلی، وایي: « موږ پارلمان ته ځواب ورکوونکی وو، [طالبان] نه دي. موږ نړۍ ته ځواب ورکوونکي وو، دوی نه دي. موږ نورو ادارو ته حساب ورکوونکي وو، دوی نه دي. نو، دلته پریکړه نیول اسانه دي. د مثال په توګه، یو فرد پریکړه کوي او تطبیق کوي یې، چې موثریت لري خو شفافیت نه لري. زموږ بودیجه ډېره شفافه وه.»
د مالیې پخواني وزیر وویل، چې د طالبانو په حکومت کې فساد شته. هغه د افغانستان انټرنشنل خبریال تاج الدین سروش د پوښتنې په ځواب کې چې د طالبانو په حکومت کې فساد ډېر شوې یا کم شوی، وویل : «ډېر شوی دی.»
هغه وويل، چې د اوونۍ څلوېښت ميليونه ډالر طالبانو ته نه ورکول کېږي، بلکې دا پيسې د ملګرو ملتونو سازمان ته ورکول کېږي او د دغه سازمان له خوښې سره سم مصرف کیږي.
ښاغلي زاخېلوال د دې مرکې په یوه برخه کې د طالبانو پر وړاندې د وسله والو ډلو جګړه او مبارزه «استخباراتي جګړه» بللې او وې ویل چې د یوه افغان په توګه باید د دې جګړې خلاف ووسوو.
ښاغلي زاخېلوال زیاته کړه: «هره جګړه چې موږ تر اوسه په افغانستان کې لیدلې، په پای کې یې رېښې د تمویل هغه ځای ته رسیږي چې د افغانستان دننه نه دي. یو ګاونډ هېواد یا هم یو لېرې هېواد یې باید تمویل کړي. دا هېوادونه ولې او د کومې لیوالتیا له مخکې په افغانستان کې جګړې ته لمن وهي؟ له کومې جګړې مو ګټه پورته کړې چې راتلونکې جګړې ته هیله من اوسوو؟»
په پاکستان کې د افغانستان پخواني سفیر وویل: «د یوه افغان په توګه باید د استخباراتي جګړو خلاف ووسوو.»
ښاغلي زاخېلوال د طالبانو او پاکستان د اړیکو په اړه وویل، چې واک ته د رسېدو لپاره پاکستان طالبانو سره مرسته وکړه؛ خو بیا هم له هغو ستونزو سره مخ شو، چې له تېرو حکومتونو سره یې درلودې. د مالیې پخواني وزیر زیاته کړه، چې د د پاکستان موخه د افغانستان بې ثباته کول وو او طالبانو د خپلې جګړې لپاره دلایل لرل؛ خو دغه ډله د واک په ترلاسه کولو سره د افغانستان د حکومت او ثبات مسووله شوه.
دغه پخواني حکومتي چارواکي د طالبانو او امریکا د اړیکو په اړه وویل: «امریکا طالبان د داعش په مقابل کې یو اغیزمن ځواک ګڼي. زه فکر کوم چې کمک او همکاري هم کوي. زه فکر کوم چې طالبان او متحده ایالات د داعش په اړه یو ګډ تفاهم او ښايي ګډه همغږي لري او د القاعدې په اړه هم امریکا څخه څه نه ویل کیږي.»
د حامد کرزي او اشرف غني د کابینې دغه غړي د طالبانو حکومت ملي نه بولي او وايي، چې په افغانستان کې حکومت باید ولسي مشروعیت ولري.
زاخېلوال وویل: «موږ نه شو کولای چې طالبانو ته ملي نظام ووایو؛ هغوی پوځي ځواک لري، خو ولسي استحکام نه لري.» هغه زیاته کړه: "موږ د یوې داسې سیاسي پروسې پلوي یوو چې له دې لارې مشروعیت ترلاسه کړي او په هغه کې د ټولو قومونو خلک، ځوانان، زاړه، روڼ اندي او ښځې پکې ګډون وکړي."
ښاغلي زاخېلوال زیاته کړه، پرون توپ د اشرف غني په میدان کې و، چې تېروتنه یې وکړه او فرصتونه یې ضایع کړل؛ خو نن توپ د طالبانو په میدان کې دی، چې باید تېر نه وځي او د خبرو او تفاهم فرصتونه ضایع نه کړي.
