یوه خیریه موسسه وايي، افغانستان او عراق کې د جنګېدلو پوځیانو په ډله کې د هغو سرتېرو شمېر په تېرو ۳ کلونو کې تر ۴۰ سلنې ډېر شوی چې د رواني روغتیا ملاتړ غواړي. له سټرس سره د مبارزې په نوم د سرتېرو د رواني روغتیا خیریه موسسه وايي، له ۲۰۲۰ کال راهیسې کال په کال دا شمېر ډېرېږي.
ټلګراف ورځپڼه له سټرس سره د مبارې په نوم د سرتېرو د رواني روغتیا د خیریه موسسې له قوله وايي چې له ۲۰۲۰ کال راهیسې کال په کال دا شمېر ډېرېږي.
ټلګراف ورځپاڼه د دې موسسې له قوله وايي چې دې موسسې ته د رواني روغتیا د ملاتړ په هیله له ۲۰۲۳ کال ۷۷۶ نويو سرتېرو مراجعه کړې، خو د ۲۰۲۲ او ۲۰۲۳ کال ترمنځ دا شمېر ۶۷۷ و.
دا موسسه وايي، د رواني روغتیا ملاتړ ته د اړمنو شمېر په ۲۰۲۱ او ۲۰۲۲ کې ۶۷۲ او ۲۰۲۰ او ۲۰۲۱ کې ۵۳۹ کسان و.
په نویو موندو پسې د بریتانیا د پوځ پخواني مشر او نورو قومندانانو یوه پرانیستي لیک کې ویلي، دا د بریتانیا مسوولیت دی چې دغو اغېزمنو پوځیانو ته د رواني روغتیا ملاتړ برابر کړي.
پر بریتانیا سربېره د امریکا او جرمني ځینې هغه سرتېري هم له رواني ستونزو کړېږي چې په افغانستان یا عراق کې یې په جګړه کې برخه اخیستې ده.
