د خیبرپښتونخوا په مردان کې چاودنې ۳ کسان وژلي او ۸ نور یې ټپیان کړي دي
په خیبر پښتونخوا کې پولیس چارواکي وايي، چې د مردان ولسوالۍ په تخت بهایي سيمه کې د جلاله پل سره نږدې په ننۍ چاودنه کې درې کسه وژل شوي او اته نور ژوبلېدلي دي.
په خیبر پښتونخوا کې پولیس چارواکي وايي، چې د مردان ولسوالۍ په تخت بهایي سيمه کې د جلاله پل سره نږدې په ننۍ چاودنه کې درې کسه وژل شوي او اته نور ژوبلېدلي دي.
پولیس وايي، چې مړه شوي او ژوبلیدلي کسان یې په بېړه روغتون ته لېږدولي دي چې د ځینو ژوبلو شویو کسانو حالت د اندېښنې وړ ښودل شوی.
تر اوسه د دغې چاودنې په اړه زیات جزییات نه دي ورکړل شوي؛ خو ځايي چارواکي وايي چې په اړه یې پلټنې پیل شوې دي.تر دې مهاله کومې ډلې د دغې پېښې پړه چا نه ده منلې.په خیبر پښتونخوا او په نورو سیمو کې د محرم په رارسېدو سره کلک امنیتي ګامونه اخیستل شوي؛ خو بیا هم له ځینو سیمو د ورته پېښو رپوټونه رارسېږي.
