تېره شپه د طالبانو مشر د کندهار ښار د بېلابيلو حوزو له مسولینو سره د مخابرې له لارې خبرې کړې او د امنيتي وضعت پوښتنه او څارنه یې کړې. هبت الله اخوندزاده په دغو خبر کې د حوزو مسولینو ته وايي: «خدای دي خیر درکړي، چې متوجه ياست، تاسې ماته او زه به تاسو ته دعاو کوم، خدای مو وساته.»
د دغو خبرو د ثبت یوه برخه افغانستان انټرنشنل ته هم رسېدلې، چې هبت الله د حوزو له مسولينو سره لنډې خبري کوې او کارونو ته یې متوجه کوي.
هبت الله د مخابرې له لارې د کندهار د حوزو له مشرانو او د طالبانو د روزنيز مرکز له مشر سره دغه خبرې د پنجشنبې په شپه ناوخته کړې او د هغوې د پرسونل، ملګرو او ګزمو پوښتنه يې کړې.
د فاتح په نوم د طالبانو د پنځمي حوزې مسول هبت الله ته وايي: «شېخ صاحب، د الله څخه راضي يو او ټول ګزمې ته راوتلي يو، ټول ملګري ښه دي او دعاوي راته کوه.»
طالب مشر هم له خپلو جنګاليو د دعا غوښتنه کوي.
د سرچينو په خبره، د طالبانو مشر لا له وړاندي هڅه کوي، چې د خطر په وخت کې د کندهار امنيتي مسولينو له ملاتړه ځان ډاډه کړي.
سرچينو د همدې ږغ په لیږولو سره ويلي، چې طالب مشر دا هم غواړي وښیي، چې د دوی په منځ کې «همږغي، امر منل او یوالۍ» شته.
د تېرې جمعې په ورځ ماښام هم هبت الله اخوندزاده د کندهار د امنیتي وضعیت په اړه د دغه ولایت د امنيت امر محمدولي شاه اغا او د امنيه قوماندانۍ د قرارګاه د ټولي قوماندان ذوالفقار سره د مخابرې له لارې د امنیتي وضعیت څارنه کړې وه.
په دغو تبلیغاتو کې ځینو طالب پلوو پر اېکس د دغو کرېکټ لوبغاړو ځیني شخصي انځورونه خپاره کړي او توهین کوونکي کلمات یې ورسره کارولي دي.
د طالبانو د تبلیغاتي ډلې یو کس پر اېکس په توهیني ډول لیکلي، چې اوس دوی موږ ته د قران او حدیث تشریحات راکوي او اخطار یې ورکړی چې له دې کارونو لاس واخلي کنه سبا به بیا ژاړي.
بل طالب لیکلي: «کرېکټران دې د کرېکټ په چوکاټ کې ووسي، کنه نو د کرېکټ د بستر د ټولولو انتظار دې وباسي.»
د افغانستان د کرېکټ پیاوړي لوبغاړي او لوبډلمشر راشد خان پرون د چارشنبې په ورځ پر خپله فېسبوک پاڼه ليکلي و، چې د نجونو پر مخ د تعليم او طبي څانګو د تړل کېدو خبرونو خواشینی او مایوسه کړی دی.
افغان مخکښه کرېکټ لوبغاړي محمد نبي پرون پر خپله فېسبوک پاڼه لیکلي و، چې د نجونو پر مخ د طبي زده کړو د مرکزونو تړل د ټول هېواد او ملت په زيان دي. نوموړي ویلي و: «دا پرېکړه یوازې ددې نجونو راتلونکي ته زیان نه رسوي، بلکې ټول هېواد او ملت ته یې تاوان رسېږي.»
محمد نبي د طالبانو دغه پرېکړه بې انصافي بللې او غوښتنه يې کړې، چې طالب چارواکي دې پر دې پرېکړه جدي غور وکړي.
د طالبانو د تبلیغاتي ډلې بل غړي د راشد خان او محمد نبي د عکسونو پر خپرولو سره لیکلي: «عجیبه زمانه شوه مولویان، مفتیان او شیخان بر ځای ناست دي، د احادیثو تشریحات د وخت د فحاش خلکو څخه اورو.»
د کرېکټ ځوان او پیژندل شوی لوبغاړي رحمان الله ګربز پر خپلې فېسبوک پاڼې پرون د قران یو ایت او حدیث چې پر زده کړې ټېنګار کوي له پښتو ژباړې سره خپاره کړي وو.
ګربز د ایت او حدیث ترجمه په دې توګه لیکلې وه: «اې بنده ولوله د خپل هغه رب په نوم چې تاسو یې پیدا کړي یاست.
تعليم پر ټولو مسلمانانو (نر او ښځې )فرض دی.»
دې ته ورته د طالبانو د تبلیغاتي ډلې له خوا پر کرېکټ لوبغاړو ډېرې نیوکې شوي چې وايي، دوی دې خپل کرېکټ کوي او نورو مسایلو کې دې لاسوهنه نه کوي.
د طالبانو مشر ملا هبت الله اخوندزاده د دوشنبې په ورځ په رسمي توګه په طبي انسټیټوټونو کې د نجونو زده کړې منع کړې.
په دغه سېمپوزیم کې چې د افغان او جلاوطنه رسنيو د وضعيت د ارزونې په تړاو جوړ شوی و، په افغانستان کې رسنيو او د ازادۍ اوسني بحران ته د نړۍوالې پاملرنې د جلبولو پر ارزښت، په افغانستان او درېيمو هېوادونو کې د افغان خبريالانو پر وړاندې د پرتو ننګونو او په کور د ننه د اوسنيو حاکمانو تر حاکميت لاندې د رسنيو پر وضعيت خبرې او بحثونه وشول.
د افغانستان د خبریالانو د سازمان بنسټ ایښودونکي حامد عبیدي وایي، چې دغه سېمپوزیم په دوو پنلونو کې د افغانستان د وضعیت په هکله، له هېواده بهر د رسنیو د رول په تړاو، دا چې څنګه د افغان ولس غږ په نړۍوالو رسنیو کې خپور کړو او په بهر کې د افغاني رسنیو او نړۍوالو رسنیو تر منځ د همغږي په اړه بحث وشو.
ښاغلي عبیدي زیاته کړه: «په دې سېمپوزیم کې د ژورنالیزم په اخلاقو هم بحث وشو او یوه کمېټه جوړه شوه چې له هېواده بهر پر اخلاقي کوډونو کار وکړي.»
دا سېمپوزيم د افغانستان رسنيو او جلاوطنه خبريالانو پر وړاندې د پرتو ننګونو پر څيړلو، د بيان پر ازادۍ د هېواد د اوسنيو شرایطو د اغېز او اطلاعاتو ته په لاسرسي متمرکز و.
تېر کال د تلې په ۹مه نېټه د افغانستان د خبریالانو سازمان د په جرمني کې د بیان ازادۍ په اړه لومړنی سمپوزیم جوړ کړی و.