په تهران کې د جاپان سفیر د ایران د کډوالۍ ملي سازمان سره په لیدنه کې ویلي، چې د افغان کډوالو د کوربه توب په موخه ددغه هېواد ملاتړ کوي. د جاپان سفیر ویلي، چې له ایران میشتو افغان کډوالو سره د زده کړو او روغتیا په برخه کې د ملګرو ملتونو د کډوالو عالي کمېشنرۍ له لارې مرستې کوي.
د ایران ټایمز د راپور له مخې، په تهران کې د جاپان سفیر تڅوکادا د ایران د کډوالۍ د ملي سازمان له مشر نادریار احمدي سره په کتنه کې په ایران کې د میشتو افغان کډوالو د زده کړو او روغتیا په برخو کې د ملاتړ ژمنه کړې ده.
دغه جاپاني چارواکي د کډوالو د کوربه توب په برخه کې د ایران د هڅو ستاینه او د دواړو هېوادونو ترمنځ د همکارۍ د هڅو د پیاوړتیا پر اهمیت ټینګار کړی دی.
په ایران کې د جاپان سفیر تڅوکادا وايي، «د یوه مسوول نړیوال لوبغاړي په توګه جاپان پر کوربه ټولنو د بار کمولو به خاطر د مسوولیت شریکولو ته لومړیتوب ورکوي.»
په دې لیدنه کې نادریار احمدي په ایران کې د جاپان له سفیر څخه په دغه هېواد کې د میشتو افغان کډوالو لپاره د بشري مرستو غوښتنه کړې ده. نوموړي ویلي، «موږ تمه لرو چې جاپان له نورو هیوادونو سره یوځای کډوالو ته ډیر بشري خدمتونه وړاندې کړي، په ځانګړې توګه د روغتیا او تعلیم په څیر زیربنایي برخو کې».
د ایران ټایمز د راپور له مخې، په ایران کې د ملګرو ملتونو د کډوالو له عالي کمیشنرۍ سره د جاپان مرستې افغان کډوالو ته د زده کړو او روغتیايي خدماتو اړوند پالیسي پیاوړې کوي.
د ملګرو ملتونو د کډوالو عالي کمېشنرۍ د معلوماتو له مخې، جاپان په تېره یوه لسیزه کې له یاد سازمان سره د زده کړو او روغتیا په برخه کې تر ټولو مخکښ مرستندوی هېواد دی.
ایراني چارواکو په داسې حال کې په تهران کې د جاپان له سفیر څخه د افغان کډوالو د ملاتړ په موخه د بشري مرستو د همکارۍ غوښتنه کړې، چې نږدې هره ورځ دغه هېواد سلګونه افغان کډوال په زور او خپله خوښه بېرته افغانستان ته استوي.
په دې ناسته کې هند د افغانستان د خلکو لپاره د بشري مرستو، پراختیايي پروژو، او سیمهییزې همکارۍ د پیاوړتیا په برخه کې پر خپلې ژمنتیا ټینګار کړی.
د هند د بهرنیو چارو سکرتر مسري له افغانستان سره د اوږدمهاله دوستۍ او د دواړو هېوادونو د خلکو ترمنځ د نږدې اړیکو یادونه کړې. هغه دغه راز ډاډ ورکړی چې هند د افغانستان د بیړنیو پراختیايي اړتیاوو د پوره کولو لپاره چمتو دی او په دې حساس وخت کې د افغانستان د خلکو ترڅنګ ولاړ دی.
د اعلامیې له مخې، دواړو خواوو د هند روانې بشري مرستې وڅیړلې، چې په هغې کې د ۵۰ زره متریک ټنه غنمو، ۳۰۰ ټنه درملو، زلزله ځپلو لپاره مرستې، د پولیو او کوویډ واکسینونه، ژمنۍ جامې، د حفظ الصحې توکي او نور شامل دي.
اعلامیه وايي، چې د طالبانو استازو د هند له دوامداره ملاتړه مننه کړې او د نویو پراختیايي پروژو د پیل لپاره یې خپل ملاتړ څرګند کړی.
هند ژمنه کړې، چې د افغانستان د روغتیا سکتور او د کډوالو د بیا ځای پر ځای کولو لپاره اضافي مرستې وکړي. دواړو خواوو د کرکټ په برخه کې د همکارۍ پر پیاوړتیا هم خبرې کړې دي.
د هند د بهرنیو چارو وزارت اعلامیه وايي، پرېکړه وشوه چې د بشري مرستو او سوداګریزو فعالیتونو د ملاتړ لپاره د چابهار بندر کارول زیات شي.
دا ګام د سیمهییز اقتصادي ثبات او اړیکو پیاوړتیا لپاره مهم ګڼل شوی دی.
اعلامیه دغه راز وايي، چې د طالبانو پلاوي د هند امنیتي اندېښنو ته د رسیدګۍ ژمنه کړې ده.
دواړو خواوو ټینګار کړی چې باید د اړیکو لارې پرانیستې پاتې شي او په بېلابېلو کچو د منظمې سلا مشورې لپاره کار وشي
د طالبانو مرستیال ویاند حمدالله فطرت نن چهار شنبه د امریکا د منتخب ولسمشر ډونالډ ټرمپ د وروستیو څرګندونو په غبرګون کې وویل چې د مرستو په تړاو ادعاوې ناسمې دي.
نوموړي په دې اړه خپره کړې اعلامیه کې لیکلي و، « موږ هم غواړو چې امریکا دې د مرستو په نوم دغه ډول لګښتونه قطع کړي، ځکه دغه پیسې د افغانستان د خلکو په هیڅ درد نه خوري.»
خو له څو د قیقو تېریدو وروسته فطرت له خپرې شوې اعلامیې څخه یادې جملې پاکې کړې.
هغه وړاندې لیکلي: «هغه پیسې چې امریکا یې یادونه کوي، د امریکا هغه لګښتونه دي چې ډېره برخه یې له افغانستان نه د امریکايي ځواکونو پر تېښته او وتلو مصرف شوې او یا د هغو افغانانو په وتلو او ځای پر ځای کولو لګول شوې، چې له دوی سره یو ځای له افغانستان نه وتښتېدل.»
هغه وایي، کېدای شي د دغو مرستو یوه اندازه د نړیوالو موسسو له لارې د بشري مرستو په نوم هم لګېدلې وي.
د طالبانو له لوري خپره شوې اعلامیه کې له بدلون راوستلو داسې برېښي چې دغه ډله د امریکا له نوې ادارې سره په چلند کې محتاطه ده.
