د ټرمپ مرستیال ته د برېټانیا لومړی وزیر: افغانستان او عراق کې مو ګډه جګړه کړې، مه یې هیروئ

ټرمپ د چهارشنبې په ورځ (د مارچ ۵مه) د خپلې اېکس‌پاڼې له لارې په یوه بیان کې ټینګار کړی، چې په خپله قبضه کې د قربانیانو د جسدونو ساتل ناسمه کړنه ده او په وینا یې، که هر څوک دغه لار تعقیبوي پایلې به یې ناوړه وي.

د ټرمپ په وینا،متحده‌ایالات د دغه کړکېچ په ختمېدو کې له اسراییل بشپړ ملاتړ کوي او د حماس د نه‌همکارۍ په صورت کې به د دغې ډلې مشران خوندي پاتې نه‌شي.

د امریکا ولسمشر څرګنده کړې ده: «دا تاسو ته وروستی خبرداری دی. د حماس مشرانو، دا مهال له غزې څخه د وتلو وخت دی، په داسې حال کې چې تاسو نور هم وخت لرئ.»

ورته مهال، هغه د غزې خلکو ته په خطاب کې زیاته کړې، چې یو ښایسته او هیله‌من راتلونکی یې ورته په تمه دی، په دې شرط چې یرغمل شوي کسان خوشې شي او د دغه ناورین دوام پای ته ورسېږي.

باور دا دی، چې د امریکا ولسمشر ډونالډ ټرمپ دا توندې څرګندونې حماس ته د وروستي خبرداري په توګه مطرح کوي او که د غزې وضعیت همداسې دوام ولري، ښايي د پخوا په پرتله نور هم ناوړه او پراخ شي.

دا په داسې حال کې ده، چې له دې مخکې د ملګرو ملتونو سرمنشي انتونیو ګوتېرېش ویلي و، د فلسطین خلک باید د حکومت کولو، د خپل راتلونکې د ټاکلو او په خپله خاوره کې له بشپړې ازادۍ او امنیت سره د ژوند کولو حق ولري.

نوموړي همداراز د کوم ځنډ او خنډ پرته د اوربند او یرغمل‌شویو د خلاصون په تړاو د مذاکراتو د بیا پیل غوښتنه کړې وه.

د یادونې ده، چې د اسراییل او حماس ترمنځ د یوې اوږدې او خونړۍ جګړې په پایله کې له ۴۵زرو ډېر فلسطینيان وژل شوي، د غزې شاوخوا ۹۰ سلنه اوسېدونکي له خپلو ودانیو بې‌ځایه شوي او همداراز دا سیمه په بشپړ ډول پر یوې کنډوالې بدله شوې ده.

د امریکا د نوي حکومت دریځ:

د امریکا ولسمشر ډونالډ ټرمپ د محمد شریف الله د نیولو په اړه په خپل وینا کې د امریکا د پخواني ولسمشر جو بایډن پر حکومت سختې نیوکې کړې دي.

هغه ویلي چې د بایډن اداره د افغانستان د "ناکامې او بې کفایته وتنې" مسووله ده، چې له امله یې داسې ترهګر ځواکمن شول.

ټرمپ په ځانګړي ډول پاکستان ته مننه ویلې چې د شریف الله د نیولو په برخه کې یې مرسته کړې.

د امریکا متحده ایالاتو پر محمد شریف الله تور لګولی چې "داعش ترهګرې ډلې ته د مادي ملاتړ او سرچینو برابرولو او په کابل هوايي ډګر د برید طراح و" چې له امله یې د کابل په هوايي ډګر کې ۱۳ امریکايي سرتېري وژل شوي دي.

د امریکا د عدلیې وزارت د چهارشنبې په ورځ وویل چې نوموړي د فدرالي تحقیقاتو ادارې (FBI) ځانګړو اجنټانو ته منلې چې د برید د چمتووالي په برخه کې یې مرسته کړې: "په ځانګړي ډول د بریدګر لپاره هوایي ډګر ته نږدې د تګ لارې په ارزونه او اسانتیا برابرولو کې یې مرسته کړې."

د امریکا لویې څارنوالې پام بانډي په یوه بیان کې وویل: "دا ظالم د داعش- خراسان ترهګر د ۱۳ اتلو سمندري سرتېرو د بې رحمه وژنې پلان جوړونکی و."

د عدلیې وزارت زیاته کړې، چې شریف الله د نورو بریدونو په اړه هم اعتراف کړی، چې پکې د ۲۰۲۴ کال د مارچ په میاشت کې د مسکو کروکس ښار د یو تالار برید هم شامل دی.

هغه ویلي: "هغه بریدګرو ته د AK ډوله ټوپکو او نورو وسلو د کارولو لارښوونې ورکړې وې."

محمد شریف الله څوک دی؟

افغانستان انټرنشنل - پښتو ته د پخواني جمهوري دولت د ملي امنیت یوه لوړپوړي چارواکي وویل، چې محمد شریف چې په ۲۰۱۴ کال کې په باجوړ کې د ټي ټي پي سرګروپ و، له هماغه ځایه په ۲۰۱۸ کال کې د داعش - خراسان ډلې سره یو ځای شو او د ننګرهار هسکې مېنې ولسوالۍ ته د جګړې لپاره لاړ.

د سرچینې په خبره، چې محمد شریف چې په قاري محمد، قاري شریف غرنی، جعفر محمد، جعفر شریف او شریف الحلاج نومونو د افغانستان د جمهوري دولت له ملي امنیت سره ثبت و، په کونړ، نورستان، د ننګرهار په هسکه مېنه، باجوړ او تیرا کې اوسېدلی دی.

یاد سرچینه زیاتوي، چې د محمد شریف یو بل ورور نقیب الله الخراساني په ۲۰۱۹ کال کې په اچین ولسوالۍ کې د افغان امنیتي ځواکونو سره په مخامخ جګړه کې وژل شوی دی.

نوموړی د داعش - خراسان ډلې د پخواني ویاند سلطان عزیز عزام اوښی دی.

د افغانستان د پخواني جمهوري دولت د ملي امنیت دغه لوړ پوړی چارواکی وايي، چې نقیب الله درې مېرمنې درلودې چې درېیمه مېرمن یې په هسکه مېنه ولسوالۍ کې د امریکا په ډرون حمله کې وژل شوې ده.

محمد شریف الله د افغانستان د پخواني جمهوري دولت له خوا په ۲۰۱۹ ز کال کې نیول شوی و، چې د جمهوري دولت له سقوط سره یو ځای له زندانه وتښتېد او باجوړ ته لاړ.

هغه د داعش خراسان ډلې د پخواني مشر مولوي عبدالله/ اسلم فاروقي له نېږدې دوستانو څخه دی.

اسلم فاروقي د خېبر پښتونخوا د اورکزیو اوسېدونکی او په قام اورکزی و. نوموړی د لشکرطبیه پخوانی غړی او له ټي ټي پي سره یې نېږدې اړیکې لرلې. هغه په ۲۰۱۹ ز کال اپریل کې د اسلامي دولت د خراسان د څانګې د مشر په توګه وټاکل شو او د محمد شریف الله ورور نقیب الله یې د سرې قطعې قوماندان په توګه وټاکه.

محمد شریف الله د اسلم فاروقي د مشرۍ پر مهال د اکمالاتو او هدفي بریدونو مسوول او د مولوي عبدالله اسلام فاروقي ځانګړی سلاکار بلل کېده.

د محمد شریف په نیولو کې د پاکستان ونډه:

تازه د پاکستان لومړي وزیر شهباز شریف ویلي، چې د کابل هوایي ډګر د ځانمرګي برید مسوول «شریف الله» یو افغان وګړی دی چې په یو لړ بریالیو عملیاتو کې پر ډېورنډ کرښه نیول شوی دی.

هغه پر اېکس پاڼه کاږلي، «شریف الله» چې د داعش خراسان څانګې یو لوړپوړی عملیاتي قوماندان و او د افغانستان اوسېدونکی دی؛ د پاکستان امنیتي ځواکونو له‌خوا نیول شوی.
هغه دارنګه په سیمه کې د ترهګرۍ ضد هڅو کې د پاکستان د رول او ملاتړ په برخه کې د ټرمپ له ستاینې مننه وکړه.
هغه کاږي:« لکه څنګه چې پوهېږئ پاکستان تل د ترهګرۍ ضد هڅو کې مهم رول لوبولی دی، چې موخه یې د ترهګرو او وسله‌والو ډلو له‌خوا د بل هېواد پر ضد د فعالیتونو مخنیوی دی.»
هغه زیاته کړې، چې د ترهګرۍ سره په مبارزه کې پاکستان تر ۸۰،۰۰۰ د زیاتو کسانو د وژل کېدو په ګډون لویې قربانۍ ورکړې دي.
دغه څرګندونې له هغه وروسته شوې، چې نن د امریکا ولسمشر ډونالډ ټرمپ په کانګرس کې اعلان وکړ چې هېواد یې له افغانستاته د وتنې پرمهال د کابل هوایي ډګر د ځانمرګي برید طراح نیولی دی.
ټرمپ ویلي، د دغې برید مسوول امریکا ته د لېږد په حال کې دی.
نوموړي د دغه کس د نیونې په برخه کې د پاکستان له همکارۍ مننه کړې ده.

دا اقدام تر هغه وروسته مطرح شو، چې د سې شنبې په ورځ د مالیاتو زیاتوالي د سټاک بازار ته زیان واړاوه، مصرف کوونکي یې اندېښمن کړل او سوداګریزه جګړه یې پیل کړه.

د ټرمپ تعرفو لوړولو د متحدینو ترمنځ ناخوښي راپارولې.

کاناډا ویلي، چې د یوه ورځینیو تعرفو د نرمولو هر وړاندیز به رد کړي.

د سوداګریزې جګړې اوږدوالی هم نه دی څرګند، ځکه سپینه ماڼۍ ادعا کوي چې د وارداتو پر مالیاتو باندې سختې زیاتونې په اپریل کې راتلونکې دي، سره له دې چې سوداګر او مصرف کوونکي اندېښمن دي، چې د مالیاتو لګښت به اقتصادي وده کمه، انفلاسیون زیات او د بیکارۍ لامل به شي.

لوټینیګ له بلومبرګ ټلویزیون سره د چهارشنبې په ورځ مرکه کې وویل، چې ټرمپ په خپل وروستي اعلان کې د تعرفو پلانونه تازه کړي، په احتمالي توګه د وارداتو مالیاتو څخه د موټرو په څېر سکتورونه خوندي کړي.

د امریکا ولسمشر ډونالډ ټرمپ د سې شنبې په ورځ ګواښ وکړ، چې له کاناډا سره به سوداګریزه جګړه نوره هم پراخه کړي.

نوموړي له دې څرګندونو څو ساعته وروسته پر ټولو کاناډایي توکو د وارداتو مالیه ولګوله.

د کاناډا لومړي وزیر جسټن ټروډو د ټرمپ له‌خوا کاناډایي انرژۍ باندې ۱۰ سلنه مالیه او پر نورو توکو ۲۵ سلنه مالیه «ستره تېروتنه» بللې او ویلي یې دي، چې کاناډا به یې ځواب ورکړي.

ټروډو اوتاوا کې یوه خبري کنفرانس کې د ټرمپ نوم په اخیستو سره وویل: «که څه هم ته ډېر هوښیار سړی یې، مګر دا دې لویه تېروتنه کړې.»

هغه وايي، چې کاناډا به سمدستي پر ۳۰ میلیارده ډالرو امریکایي توکو ۲۵ سلنه مالیه ولګوي او په ۲۱ ورځو کې به یې پر نورو ۱۲۵ میلیارده ډالرو امریکایي توکو هم پراخ کړي.

ټرمپ د ټروډو د څرګندونو په ځواب کې خپل ټروټ ټولنیزې شبکې باندې پر کاناډا د نورې مالیې لګولو ګواښ وکړ.

هغه لیکلي: «مهرباني وکړئ د کاناډا والي ته ووایاست چې کله هغه پر امریکا ځوابي مالیه ولګوله، زموږ مالیه به سمدستي دوه برابره شي. هغه یو ځل بیا خپله ادعا تکرار کړه، چې ښه به وي چې کاناډا د امریکا یو ایالت شي.»

ټروډو هم وویل، چې کاناډا به د نړۍوالې سوداګرۍ سازمان او د کاناډا-امریکا-مکسیکو ازادې سوداګرۍ تړون له لارې د امریکا د مالیې پر وړاندې شکایتونه ثبت کړي.

په اعلامیه کې راغلي: «موږ د اسراییل له حکومت څخه غوښتنه کوو چې خپلې نړۍوالې ژمنې پوره کړي، ترڅو د غزې خلکو ته چټکې، خوندي او پر وخت بشري مرستې چمتو شي.»

اعلامیه زیاتوي: "بشري مرستې باید هېڅکله له اوربند سره تړلې نه وي او نه هم د سیاسي وسیلې په توګه وکارول شي." همداراز، له ټولو اړخونو غوښتل شوي چې اوربند ته درناوی وکړي.»

دا په داسې حال کې ده، چې د ملګرو ملتونو سرمنشي انتونیو ګوترېش له کوم ځنډ پرته د اوربند او یرغملو د خلاصون په اړه د خبرو اترو د بیا پیل غوښتنه وکړه.

نوموړي دغه څرګندونې په قاهره کې د غزې د بیارغونې په اړه د عربي سرمشریزې له ګډون وروسته کړې دي.

هغه پر اېکس پاڼې کاږلي: «په تېرو څو اونیو کې موږ د غزې د اوربند او د یرغملو د خلاصون په برخه کې د پام وړ پرمختګ لیدلی دی.»

د هغه په وینا، د دواړه خواوو له‌خوا باید شوې ژمنې په بشپړ ډول پلي شي.

هغه لیکلي، مخکې له دې چې ډېر ناوخته شي؛ د دواړو خواوو د شخړې د حل لپاره باید اړین ګامونه پورته شي.

هغه په یوه بل جلا پوسټ کې بیا ویلي، چې بشري مرستې د خبرو اترو وړ نه دي او باید پرته له کوم خنډه ترسره شي.

نوموړي د سې شنبې په ورځ په سرمشریزه کې هم ویلي و، چې غزه «باید د یو خپلواک، ډېموکراتیک او خپلواک فلسطیني دولت څخه نه جلا کېدونکې برخه پاتې شي، پرته له دې چې د خاورې کومه برخه یې ترې کمه شي او یا یې خلک په جبري توګه بل ځای ته ولېږدول شي.»

له بل پلوه، د اسراییل د بهرنیو چارو وزارت په اعلامیه کې د قاهرې په سرمشریزه کې د عربي مشرانو له‌خوا تصویب شوی پلان رد شوی دی.

رویټرز خبر ورکړی، چې ایال زمیر د زرهدار قوې پخوانی قوماندان و او د جنرالۍ په رتبه کې تقاعد شوی.

نوموړی بیا خدمت ته رابلل شوی او د ډګر جنرال رتبه ورکړل شوي.

د اسراییل د پوځ قوماندان د قوماندانۍ د ترلاسه کولو پر مهال وویل:«ماموریت لا بشپړ شوی نه دی. موږ به یې ونه بښو، موږ به یې هېر نه کړو. دا یوه وجودي جګړه ده. د یرغمل شویو کسانو تر لاسه کولو او دښمنانو ته تر ماتې ورکولو پورې به خپلو بریدونو ته دوام ورکړو.»

د اسراییل لومړي وزیر بنیامین نتنیاهو د ایال زمیر د معرفۍ په مراسمو کې وویل چې تل ابیب باید «د خپلې جګړې ټول اهداف» ترلاسه کړي.

هغه زیاته کړه چې اسراییل هوډ لري چې د ایران او د هغې نیابتي ډلې ماتې کړي.

دا څرګندونې یوه ورځ وروسته له دې کیږي، چې د امریکا یو شمېر متقاعدو لوړ پوړو نظامي قوماندانانو د ایران د اتومي وړتیاوو په اړه د اندېښنې له امله د امریکا له ولسمشر ډونالډ ټرمپ وغوښتل چې د اسراییل ملا وتړي.

په یوه لیک کې، چې د ۷۷ متقاعدو جنرالانو او سمندري افسرانو له خوا لاسلیک شوی، راغلي: «اوس یې وخت دی چې اسراییل د ایران د محور پر ضد د ګام اخستلو کار پای ته ورسوي».

نتانیاهو د خپلو خبرو په بله برخه کې د امریکا په ځانګړي ډول د ټرمپ له ملاتړه مننه وکړه او ویې ویل چې اسراییل د امریکا له خوا د ګڼو پوځي وسلو ترلاسه کولو په حال کې دی. هغه دغه وسلې د اسراییل د امنیت لپاره «حیاتي» وبللې.

امریکايي ورځپاڼې وال‌سټریټ ژورنال د سلواغې میاشتې په یوه رپوټ کې لیکلي چې د امریکا استخباراتي ادارې ارزونه کړې چې اسراییل د روان میلادي کال په ترڅ کې د ایران پر اتومي تاسیساتو پراخ بریدونه څېړي.

په غزه کې جګړه له جنوري راهیسې د قطر او مصر په منځګړیتوب او د امریکا په ملاتړ د اوربند له مخې درول شوې ده او د دغه اوربند پر مهال د شاوخوا ۲۰۰۰ فلسطیني بندیانو په بدل کې د ۳۳ اسراییلي یرغمل شویو او ۵ تایلینډیانو تبادله شوې.

خو اسراییلي وزیرانو او چارواکو خبرداری ورکړی چې که د ۵۹یرغمل شویو کسانو د بیرته راګرځولو په اړه موافقه ونه شي ښايي بیا جګړه پیل کړي.

د اسراییل د پوځ د نوي قوماندان زمیر ټاکنه په داسې حال کې کیږي چې د اکټوبر په ۷مه د غزې په شاوخوا سیمو کې د حماس د برید په پایله کې د ۱۲ کسانو د وژل کېدو او ۲۵۱ یرغمل کېدو د رسمي پلټنو لړۍ پیل شوې ده څو د دغه برید ناکامۍ وڅیړل شي.

د اسراییل د پوځ پخواني قوماندان د جنوري په میاشت کې د غزې د اوربند د موافقې له لاسلیک وروسته اعلان وکړ چې هغه به خپله دنده پریږدي او د اکتوبر د ۷مې د برید پر وړاندې به د پوځ د نا منظم او غیر منظم غبرګون مسولیت ومني.

نوی قوماندان به د حنګي جرمونو په تړاو د ملګرو ملتونو په ګډون د نړیوالو ادارو هغو تورونو ته هم ځواب ووایي چې اسراییلي ځواکونو په غزه کې د بریدونو پرمهال کړي دي.