د بښنې نړۍوال سازمان: د پاکستاني پوځ بند کې د بلوڅ فعالانو روغتیایي حالت د اندېښنې وړ دی

د پیښې په تړاو د پولیسو جراح ډاکټر ډان ته وویل، « درې جسدونه سېول روغتون ته لیږدول شوي او ۲۱ کسان په چاودنه کې ټپیان شوي دي». په ټپیانو کې څلور پولیس هم شامل دي.

د بلوچستان د روغتیا ریاست ویاند ډاکټر وسیم بیګ هم د مرګونو تایید وکړ او ویې ویل، « ټپیان د سېول روغتون بیړنۍ څانګې ته لېږدول شوي دي».

د بلوچستان د حکومت ویاند شاهد رند ویلي، چې چاودنه د پولیسو ګاډي ته نږدې شوې او د چاودنې ډول لا هم مشخص نه دی.

پر ټولنیزو رسنیو خپرو شویو ویډیوګانو کې ښودل کیږي چې خلک د چاودنې ځای ته راغونډیږي او یو سوځېدلی موټرسایکل د پولیسو له ګاډي سره پروت دی.

تر اوسه کومې ډلې د دې چاودنې مسوولیت پرغاړه نه دی اخیستی، خو په بلوچستان کې د ډېری پېښو مسوولیت بلوڅ بېلتون غوښتونکي پرغاړه اخلي.

د پاکستان ولسمشر اصف علي زرداري او د کورنیو چارو وزیر محسن نقوي دا پېښه غندلې ده.

یادو سرچینو وویل چې دغه کسان د تورخم د کډوالو په مرکز کې له ټولو قانوني پړاوونو تېرولو وروسته پر تورخم اوښتي دي.

دغه کسان د پاکستان حکومت له خوا د «غیر قانوني بهرنیانو» پر ضد روانو عملیاتو کې نیول شوي دي.

په ورته وخت کې د خیبر پښتونخوا حکومت د اېستل کېدونکو افغان کډوالو لپاره دوه لنډمهالي کمپونه جوړوي.

دغه کمپونه د پېښور په جمعه خان کالونۍ او د خیبر ولسوالۍ په لنډي کوتل ګلاب لوبغالي کې جوړېږي.

د خیبر پښتونخوا حکومت وايي، چې دا ګام د «غیر قانوني مېشتو بهرنیانو» د ایستلو لپاره اخېستل شوی دی.

د خیبر مرستیال کمېشنر ارشاد خان افغانستان انټرنشنل- پښتو ته تایید کړې چې په لنډي کوتل کې د جوړېدونکي کمپ کار پیل شوی چې په یو وخت کې به ۱۵۰۰ کسانو ته د اوسېدو ځای ولري.

نوموړي زیاته کړې چې دا کمپ به د اپرېل له لومړۍ نېټې څخه په رسمي توګه فعال شي.

دغه سازمان وايي، له ۲۰۲۳ کال راهیسې له ۸۴۰ زرو ډیر افغان کډوال اړ ایستل شوي چې له دغه هېواد نه ووځي.

د بښنې نړیوال سازمان ویلي، چې پاکستاني چارواکي هڅه کوي، چې د اسلام اباد او راولپنډۍ ښارونو څخه افغان کډوال په زور وباسي.

له اسلام اباد او راولپنډۍ څخه په اېستل کېدونکو افغانانو کې هغه افغانان هم شامل دي، چې په پاکستان کې د استوګنې قانوني اسناد لري.

د بښنې سازمان ویلي، چې یاد کسان افغانستان ته د ستنولو له ګواښ سره مخ دي.

د بښنې نړیوال سازمان ویلي، پاکستان له افغانانو سره سخت او ظالمانه چلند کوي او د ګڼو افغانانو ژوند له ګواښ سره مخ کوي.

یاد سازمان ویلي، چې پاکستان له نړیوالو اصولو سرغړونه کوي.

دغه نړیوال سازمان پر پاکستان غږ کړی، چې د افغان کډوالو له ځورونې او غیر قانوني ستنولو لاس واخلي.

پاکستان د ۲۰۲۵ کال له پیل راهیسې یوځل بیا پر افغان کډوالو فشارونه زیات کړي څو له دغه هېواده ووځي.

د ملګرو ملتونو د کډوالۍ ادارې د شمېرو له مخې، د ۲۰۲۵ کال له پیل راهیسې له ۱۸زره ډیر افغانان له اسلام اباد او راولپنډۍ څخه افغانستان ته ستانه شوي؛ د افغان کډوالو پر کورونو چاپې وهل شوې، له ۱۰۰۰ تنو ډیر په خپلسري ډول بنديان شوي او د پاکستان په نورو ایالتونو کې د کار کولو اجازه هم نه ورکول کیږي.

د پاکستان د لومړي وزیر شهباز شریف لوړپوړي سلاکار د چهارشنبې په شپه، د وري میاشتې شپږمه، له پاکستاني ټلویزیون اې ار وای نیوز سره په یوه مرکه کې وویل: «د مارچ ۳۱مه کومه اسماني صحیفه نه ده چې مخکې یا شاته به نه شي.»

هغه کابل ته د افغانستان لپاره د پاکستان د ځانګړي استازي صادق خان سفر ته په اشارې سره وویل، «د پاکستان حکومت کولای شي له افغان (طالبانو) سره د صادق خان د خبرو اترو د معلوماتو پر بنسټ د افغان کډوالو د ایستلو په اړه پرېکړه بدله کړي.»

هغه د کوم چارواکي نوم وانخیست او ویې ویل، چې په دې اړه بیانونه خپاره شوي دي، خو په هغه څه به تصمیم نیول کیږي چې د پاکستان په ګټه وي.

وروسته له هغه چې له طالبانو سره د اسلام اباد اړیکې ترینګلې شوې، پاکستان پریکړه وکړه چې د مارچ له ۳۱مې وروسته سلګونه زره افغان کډوال، چې په کې بې اسناده کډوال او د اې سي سي کارت لرونکي شامل دي، له خپل هیواده وباسي.

پاکستان وویل چې دا پریکړه یې وروسته له هغه وکړه، چې افغان وګړو په پاکستان کې په ترهګریزو بریدونو کې برخه واخیسته.

د دې ورځپاڼې په وینا، اسلام‌اباد په کابل کې یو «دوښمن رژیم» نه‌شي زغملای.

نوموړې ورځپاڼې د چهارشنبې په ورځ (د وري ۶مه) په وچه کې د افغانستان موقعیت او سوداګريز ټرانزیټ ته په اشارې ټینګار کړی، چې پاکستاني چارواکي باید په سوداګریزو اړیکو کې همکاري د ټي‌ټي‌پي پر وړاندې په مبارزه کې د طالبانو همکارۍ پورې محدوده کړي.

ډان تېره اوونۍ کابل ته د پاکستاني استازي محمد صادق سفر ته په اشارې د اړیکو په ښه‌والي کې لوی خنډ، په افغانستان کې د ټي‌ټي‌پي او بلوڅ بېلون‌غوښتونکو په ګډون د پاکستان ضد وسله‌والو پر وړاندې د طالبانو نه‌اقدام بللی دی.

یادې ورځپاڼې په خپله سرمقاله کې زیاته کړې: «د افغانستان په خاوره کې د پاکستان ضد وسله‌والو ډلو د فعالیتونو سربېره، سرحدي شخړو هم د دواړو خواوو اړیکې سختې ترینګلې کړې چې له امله یې د تورخم دروازه نږدې یوه میاشت تړل شوې وه.»

د دغې ورځپاڼې د مقالې پر بنسټ، امنیت د پاکستان لپاره لومړیتوب دی په‌ داسې حال کې چې سوداګري د طالبانو لپاره خورا حیاتي ده.

ډان ورځپاڼې ټینګار کړی چې اسلام‌اباد باید په راتلونکو مذاکراتو کې پر طالبانو فشار راوړي، څو د افغانستان په خاوره کې د پاکستان ضد وسله‌والو حضور د دواړو خواوو د سوداګریزو اړیکو پر وړاندې یو لوی خنډ دی.

د پاکستان ډان ورځپاڼه د افغانستان په خاوره کې د پاکستان ضد وسله‌والو د حضور په تړاو دا څرګندونې داسې مهال کوي چې ظاهراً په دې وروستیو کې د اسلام‌اباد او طالبانو تر منځ اړیکې تر بل هر وخت ډېرې پیکه شوې دي.

د یادونې ده، چې طالبانو تل په افغانستان کې د پاکستان ضد وسله‌والو حضور رد کړی او د دغه هېواد وروستي کړکېچونه یې د اسلام‌اباد خپل مسوولیت بللی دی.