د جرمني نوي لومړي وزیر هند او پاکستان په سړو اعصابو خبرو ته وهڅول

حبیب الرحمان حکمتیار د چارشنبې په ورځ پر خپل اېکس ولیکل، چې « ملي، د مولۍ ارزښت نه لري، خو بګرام په ګرام پلوري».

حکمتیار وايي، چې « جهل او جهاد یې سره ګډ کړی او نه استقلال ارزښت لري او نه د ملت اراده».

د ملي مقاومت جبهې د سیاسي دفتر رییس عبدالله خنجاني تېره ورځ افغانستان انټرنشنل ته په یوه مرکه کې وویل، چې بګرام د تاجکانو په حوزه کې دی او امریکا باید ددې اډې ترلاسه کولو لپاره له طالبانو سره ونه غږیږي.

د حکمتیار زوی وايي، « فکر کوي، چې امریکا د پېرنې میز ته ناسته ده او ګوري چې څوک کم قیمت وايي».

د حکمتیار د زوی په وینا، دا ښيي چې له خپل هېوادوال سره په مخالفت کې د ارزښتونو پلورل او پر حاکمیت معامله ددوی له نظره څومره اسانه ده.

د حبیب الرحمان حکمتیار څرګندونې ظاهرا د ملي مقاومت جبهې د سیاسي دفتر د رییس په غبرګون کې دي. خنجاني ویلي، چې د ترهګرو موجودیت، بګرام اډې ته د امریکا بېرته ستنېدل ناشوني کوي.

نویل باروټ پر دواړو هېوادونو غږ کړی چې د ملکي وګړو ساتنه وکړي.

دا څرګندونې وروسته له هغې شوې چې هند د پاکستان پر خاوره هوایي بریدونه ترسره کړل.

د هند حکومت ادعا کوي چې دغه بریدونه د ترهګریزو ډلو پر ضد ترسره شوي، خو پاکستان دا بریدونه "بزدلانه حملې" بولي او وايي، چې په مناسب وخت او ځای کې به ورته مناسب ځواب ورکړي.

د فرانسې د بهرنیو چارو وزیر ویلي: «موږ د ترهګرۍ پر ضد د ځان د دفاع لپاره د هند غوښتنه درک کوو، خو موږ په ښکاره ډول له دواړو هېوادونو (هند او پاکستان) غواړو چې له زغم کار واخلي، د کړکېچ له پراخېدو ډډه وکړي او البته چې د ملکي وګړو ساتنه وکړي.»

د سیمې څارونکي او نړۍوال سیاستوال اندېښنه لري چې که دواړه اټومي ځواکونه له سیاسي حل پرته پوځي غبرګونونو ته دوام ورکړي، نو وضعیت کولی شي د پراخې جګړې بڼه غوره کړي، چې دا به نه یوازې د دواړو هېوادونو، بلکې د ټولې سیمې لپاره جدي پایلې ولري.

دغه څرګندونې وروسته له هغه شوې چې هند د "سندور عملیاتو" په نوم یو پراخ برید پیل کړ، چې د راپورونو له مخې، د پاکستان د پنجاب څلور او د پاکستان تر ولکې لاندې کشمیر پنځه سیمې یې په نښه کړې دي.

هند دا عملیات د مقبوضه کشمیر په پهلګام سیمه کې د یوه ترهګریز برید وروسته پیل کړي، چې پکې ۲۶ تنه وژل شوي وو.

خواجه اصف بلومبرګ خبري اژانس ته ویلي: "دا هر څه هند پيل کړي دي، که دوی تیار وي چې شاتګ وکړي، موږ غبرګون ښودلی نه پیل.»

هند تر اوسه په رسمي ډول د پاکستان دغو څرګندونو په اړه غبرګون نه دی ښودلی، خو د "سندور عملیاتو" موخه د ترهګرو ځالې له منځه وړل بلل شوې ده.

د پاکستان لومړی وزیر شهباز شریف وايي، هند د شپې په تیاره کې “بزدلانه” برید وکړ؛ خو پاکستاني ځواکونو یې په غبرګون کې غاښ ماتوونکی ځواب ورکړ.

نوموړی وايي، د هند هوايي ځواکو تېره شپه د پاکستان په شپږو ښارونو باندې برېدونه وکړل او په پایله کې یې د ښځو او ماشومانو په ګډون یو شمېر ملکي وګړي ووژل شول. «تېره شپه داسې نه وه، چې موږ خبر نه وو، هره لحظه موږ خبر وو، چې د دوی ناپاکه پلانونه څه دي. دوی تېره شپه د پاکستان په شپږو ځایونو او ښارونو باندې هندي الوتکو بریدونه وکړل.»

نوموړي د خپلې وینا پر مهال ادعا وکړل، چې تېره شپه یې د‌پاکستان پنځه جېټ الوتکی رانسکورې کړې دي.« د پاکستان ځواکونه په بشپړ ډول چمتو وو، زموږ الوتکې د پاکستان له حریم څخه نه دې وتلي او موږ د دوی پنځه الوتکې را نسکورې کړې. زموږ سره خدای پاک مل او تردې بل لوړ عزت به په څه کې وي.»

نوموړی وايي، د هند د برید پرمهال د هغوی د پنځو الوتکو په رانسکوریدو سره یې هند ته ځان د یو اټومي ځواک په توګه څرګند او خپل دوست هېوادونو ته یې وښودل چې په بد حالت کې ورسره مرسته کولی شي.

ښاغلي شریف د خپلو خبرو پرمهال د هند ادارې لاندې د کشمیر د پهلګام سیمې په برید کې د پاکستان لاس لرل رد وي او وايي، د یاد برید په اړه د هند ټول تورونه بې اساسه دي.

هغه زیاتوي: «د نړۍ له مختلفو هېوادونو سره مې خبرې وشوي. زه په ترکیه کې وم چې د پهلګام پېښه وشوه. له دې پېښې سره د پاکستان هیڅ تړاوو نشته او که څوک باور نه لري، نو موږ د یو نړیوال کمیسیون جوړولو له لارې د پېښې د پلټلو غوښتنه هم وکړل خو هند زموږ دا غوښتنه ونه منله؛ بلکې موږ داسې احساس درلود چې هغوی پر موږ برید کوي، خو موږ ۲۴ ساعتونه چمتو وو، چې که دوی برید وکړي او غاښ ماتوونکی ځواب ورکړو.»

نوموړی وايي، د هند له خوا پر پاکستان د تېرې شپې په برید کې یې بریا د مسلکیتوب یوالي او ښه پلان پایله وه.

له وروستیو هوايي بریدونو وروسته، په هند او پاکستان کې نږدې ۵۵۰ ټاکل شوې الوتنې لغوه شوې دي.

د الوتنو د تعقیب نړۍوالو خدمات Flightradar24 د معلوماتو له مخې، په پاکستان کې د ټولو ټاکل شوو تجارتي الوتنو ۱۶ سلنه او په هند کې ۳ سلنه لغوه شوې دي.

یاد راپور زیاتوي چې یوازې په پاکستان کې ۱۳۵ الوتنې او په هند کې ۴۱۷ الوتنې لغوه شوې دي.

د الوتنو د لغوه کېدو دا لړۍ د سیمه‌‌ییزې کشالې له امله پیل شوې، چې د سیمې پر هوايي تګ راتګ یې ژور اغېز کړی.