د حماس له خوا یرغمل شوی کس تر ازادېدو وروسته اسراییل ته ورسېد
د اسراییل پوځ تایید کړه، چې یرغمل شوی اسراییلي - امریکايي ادان الکساندر دوی ته سپارل شوی او اوس دغه هېواد ته رسېدلی دی.
د اسراییل پوځ تایید کړه، چې یرغمل شوی اسراییلي - امریکايي ادان الکساندر دوی ته سپارل شوی او اوس دغه هېواد ته رسېدلی دی.
حماس د دوشنبې په ورځ (د غویي ۲۲مه) په یوې بیانیه کې د الکساندر ازادېدو ته په اشارې سره د امریکا له ولسمشر ډونالډ ټرمپ څخه وغوښتل، څو په غزه کې د جګړو د پای ته رسولو په برخه کې خپلو هڅو ته دوام ورکړي.
په عین وخت کې، د اسراییل د لومړي وزیر بنیامین نتنیاهو دفتر په یوې بیانیه کې اعلان وکړ، چې دغه هېواد یوازې د الکساندر لپاره د "خوندي تېرېدو" د برابرولو موافقه کړې او د اسراییلي ځواکونو عملیات به په غزه کې د لا سختېدو په هدف دوام ومومي.
د الکساندر کورنۍ بیا د ټرمپ، نتنیاهو او د ټرمپ له ځانګړي استازي استیو ویتکاف څخه مننه وکړه او زیاته یې کړه، چې ټاکل شوې ده الکساندر په قطر کې د امریکا له ولسمشر سره وګوري.
