سرچینې: په فاریاب کې خلک د طالبانو له ویرې له کورونو نه وځي
سیمهییزو سرچینو د فاریاب ولایت له دولتاباد ولسوالۍ نه رپوټ ورکړی چې د طالبانو د امنیه قوماندانۍ پر ضد د وروستیو اعتراضونو له امله، خلک له سختې وېرې سره مخ دي او له کورونو نه وځي.
سیمهییزو سرچینو د فاریاب ولایت له دولتاباد ولسوالۍ نه رپوټ ورکړی چې د طالبانو د امنیه قوماندانۍ پر ضد د وروستیو اعتراضونو له امله، خلک له سختې وېرې سره مخ دي او له کورونو نه وځي.
د رپوټونو له مخې، طالبانو له مظاهرو وروسته لسګونه کسان نیولي او د نیول شویو کسانو برخلیک لا هم ناڅرګند دی.
ډېری دوکانونه د چهارشنبې په ورځ تړلي پاتې شوي دي او خلکو د بازار پر لور تګ ته زړه نه دی ښه کړی.
اعتراضونه د اختر په دویمه ورځ هله پیل شول، چې یو شمېر ځوانانو له طالبانو سره فزیکي نښته وکړه.
طالبانو یو شمېر کسان ونیول، چې وروسته خلکو د طالبانو د امنیه قوماندانۍ خلاف اعتراض وکړ او د پخواني مرستیال ولسمشر مارشال عبدالرشید دوستم په پلوي یې غږ پورته کړ.
سرچینو تایید کړې چې طالبان اوس هم د مظاهرهچیانو د پېژندلو لپاره کور په کور تلاشي کوي او د خلکو ترمنځ د پراخې وېرې فضا خپره شوې ده.
د اعتراض پر مهال خلکو د «زنده باد دوستم» شعارونه ورکول.
