د پاکستان پخوانی بندي لومړی وزیر عمران خان وايي، د فډرالي تحقیقاتي ادارې له لوري د څلورو نورو مسایلو ترڅنګ د افغانستان او بهرنۍ تګلارې په تړاو د څرګندونو له امله پوښتل شوی دی. دی وايي، د یادې ادارې کارکوونکو ورته ویلي چې ولې هرکله د افغانستان او بهرنۍ تګلارې په اړه خبرې کوې؟
نوموړي په خپل اېکس کې لیکلي، چې د دغه هېواد د فډرالي تحقیقاتي ادارې له لوري د افغانستان او بهرنۍ تګلارې په ګډون د پنځو مسایلو (د دولت ضد، د عاصم قانون، له یحیی خان سره د عاصم منیر د تشبیه کولو او په زندان کې د رواني شکنجې) په تړاو د کړو څرګندونو له امله پوښتل شوی دی.
عمران خان وايي، د افغانستان او بهرنۍ تګلارې په تړاو د یادې ادارې د مامورینو پوښتنې ته په ځواب کې ویلي، د ده په مشرۍ د تحریک انصاف د حکومت پر مهال سره له دې چې په هغه وخت کې په افغانستان کې د اشرف غني په مشرۍ د پاکستان ضد حکومت حاکم و، خو بیا هم د خبرو له لارې قبایلي سیمې امن او له اوږدې مودې وروسته د دواړو خواو ترمنځ د ثبات فضا حاکمه شوه.
خان زیاتوي: «هغه مهال د ای،اېس،ای پالیسي هم همدا وه، خو کله چې عاصم منیر د پوځ مشر شو، نو د پاکستان دوست افغان حکومت ته یې ګواښونه وکړل او قصداً یې حالات خراب کړل.»
عمران خان زیاتوي: «عاصم منیر له دې سربېره له درېیو نسلونو راهیسې دلته اوسېدونکي افغان کډوال هم په زوره وشړل، هلته یې د بې پيلوټه الوتکو په وسیله بریدونه وکړل، د دواړو هېوادونو اړیکې یې خرابې کړې او د خېبرپښتونخوا او قبایلي سیمو امن یې لهمنځه یووړ.»
د نوموړي په وینا، تر هغو چې د سیمې څلور اړخونه یعنې افغان حکومت، افغان ولس، د پاکستان حکومت او د خېبرپښتونخوا خلک سره جرګه نهشي، نو امن به را نهشي او زیاتوي: «تاریخ ثابته کړې چې د پوځي عملیاتو له لارې امن نهرامنځته کېږي.»
عمران خان د «دولت ضد» څرګندونو په اړه په ځواب کې ویلي، د هېواد د پخواني لومړي وزیر په توګه یې حق دی چې د خپل ولس لپاره غږ پورته کړي، د «عاصم قانون» په اړه یې ویلي، په هېواد کې هره بربادي د «عاصم قانون» تر سیوري لاندې روانه ده، له یحیی خان سره د عاصم منیر د تشبیه کولو په تړاو یې ویلي، یحیی خان د خپلې واکمنۍ د ساتنې لپاره هېواد ووېشه، نن عاصم منیر هم هماغه کار کوي او په زندان کې د شکنجې په تړاو د څرګندونو په اړه یې ویلي، د نورو بندیانو خلاف له هېڅ ډول اسانتیاوو برخمن نهدی او همداراز د زندان د اصولو خلاف ورسره چلند کېږي.
عمران خان د دوشنبې په شپه (د تلې ۷مه) په خپله اېکس پاڼه د دغو څرګندونو په پای کې ځان ته د «ناحقه» بندي خطاب هم کړی دی.
هغه په خپلو خبرو کې همداراز یادونه وکړه، د امیر امیري خوشې کېدل چې د بندیانو په چارو کې د ولسمشر ټرمپ د ځانګړي استازي د سفر په پایله کې ترسره شو، د یوې ځانګړې اجنډا برخه وه.
د هغه په وینا، د واشنګټن او طالبانو ترمنځ وروستۍ اړیکې یوازې پر موضوعاتو لکه د یرغمل شویو امریکایانو او پر نورو بندیانو متمرکز دي.
سمپل زیاته کړه: «امریکایي چارواکو څو ځله څرګنده کړې چې له طالبانو سره د اړیکو څرنګوالی به یوازې هغه وخت معلوم شي، چې د یرغمل شویو امریکایانو موضوع بشپړه حل او فصل شي.» هغه ټینګار وکړ، لا هم څرګنده نه ده چې راتلونکي کې به امریکا له طالبانو سره د تعامل کومه بڼه غوره کړي.
د اروپایي ټولنې دغه پخواني استازي طالبان د هغو هېوادونو او ډلو په کتار کې یاد کړل، چې د «یرغمل نیولو» په تګلاره کې شهرت لري. نوموړي د روسیې، شمالي کوریا، ایران او وینزویلا یادونه وکړه او ویې ویل: «امریکا له داسې هېوادونو او ډلو سره چې د یرغمل نیولو له لارې فشار راوړي، د نږدې اړیکو تمه نه لري.»
د راپورونو له مخې، لږ تر لږه درې امریکایي وګړي لا هم د طالبانو په بند کې دي. دواړو لوریو تراوسه د دغو بندیانو په اړه کوم څرګند او رسمي معلومات نه دي وړاندې کړي.
نوموړي له افغانستان انټرنشنل-پښتو سره په خبرو کې ویلي: «د اسلام اباد غونډې ګډونوال ملي ارزښتونو ته ژمن نه دي، بلکې هره کړنه یې د شخصي او خپلو سیاسي ګټو پورې تړلې ده.»
د نوموړي په وینا، افغانان هېڅکله پر داسې خلکو باور نه کوي، ځکه پاکستان د تاریخ په اوږدو کې د افغانستان د کمزوري کولو هڅې کړي؛ خو اوس هم فرصت لري چې له دې کاره لاس واخلي.
د ننګرهار ولایتي شورا پخوانی مشر په دې باور دی، چې پاکستان اوس په افغانستان کې خپل نفوذ او باور له لاسه ورکړی دی.
احمد علي وایي: «پاکستان ته وړاندیز کوم چې د مسلمانۍ په نوم، ګاونډیتوب ته د درناوي او انساني کرامت په اساس دې د افغانستان د بربادۍ پر ځای ښه ګاونډیتوب او همکاري پیل کړي.»
د هغه په خبره، دا چاره د دواړو هېوادونو په ګټه ده او که اسلام اباد داسې ونکړي؛ نو حتمي ده چې د افغانستان د اور په لمبوبه دوی هم سوځي.
هم مهاله په اسلام اباد کې د افغان سیاستوالو، مدني ټولنو، خبریالانو او د مخکېني حکومت د کابینې غړو ترمنځ ناسته کې د افغانستان په باب خبرې شوي.
یاده ناسته د یوې نادولتي موسسې له لوري جوړه شوې او تنظیموونکو یې ویلي، چې دا ناسته د طالبانو ضد نه ده، بلکې د افغانستان د پرمختګ، ننګونو او ستونزو په تړاو په کې بحثونه کېږي. دا غونډه د یو شمېر نورو افغانانو له لوري هم غندل شوې او نیوکې یې کړي، چې همدې سیاستوالو پخوا د افغانستان د بدمرغیو لامل اسلام اباد باله؛ خو نن خپله هلته سره راټول شوي دي.