د امریکا د بهرنیو چارو وزیر مارکو روبیو ویلي چې هغه نړیوال امنیتي ځواک چې د اوربند له هوکړې وروسته به په غزه کې ځای پر ځای شي، باید د هغو هېوادونو له غړو جوړ وي چې اسراییل پرې «باور» ولري.
روبیو د جمعې په ورځ اسراییل ت هد سفر پر مهال ویلي، چې د غزې د راتلونکي حکومت جوړښت لا هم د اسراییل او د هغه د شریکو هېوادونو ترمنځ د بحث موضوع ده، خو ټینګار یې وکړ چې په دې کې «حماس» ځای نه لري.
د هغه په وینا، د فلسطین د خپلواکې ادارې احتمالي رول هم تر اوسه روښانه شوی نه دی او لا پرې خبرې روانې دي.
مارکو روبیو زیاته کړې چې واشنګټن د غزې د جګړې د پای ته رسېدو لپاره د داسې امنیتي چوکاټ ملاتړ کوي چې هم د اسراییل امنیت خوندي کړي او هم د سیمهییز ثبات لامل شي.
