په هانګکانګ کې د اورلګېدنې له امله ۳۶ کسان مړه او سلګونه نور تري تم دي
د هانګکانګ د وانګ فوک کورټ سیمې په لوړو استوګنیزو ودانیو کې د پراخې اورلګېدنې له امله ۳۶ کسان مړه او ۲۷۹ نور تري تم دي. د شمالي تای پو ولسوالۍ کې د یادې اورلګېدنې له پیل څخه کابو لس ساعته تېرېږي؛ خو لاهم د اورلګېدنې اصلي لامل لا نهدی روښانه شوی.
د وانګ فوک کورټ دغه لوړې ودانۍ شاوخوا ۲زره اپارتمانونه لري، چې د پراخې اورلګېدنې له امله یې د ژغورنې عملیات ستونزمن کړي وو. ځایي چارواکي وایي، چې په ۳۶ مړو شویو کسانو کې اور وژونکي هم شامل دي.
