د طالبانو تر واک لاندې د کډوالو او راستنېدونکو چارو مسوولانو خبر ورکړی، چې پرون له ایران او پاکستان څخه ۳۹۰ افغان کورنۍ چې ټول ۲۰۹۶تنه کیږي د هېواد بېلابېلو لارو افغانستان ته جبري ستنې شوې دي.
د کډالو ستونزو ته د رسېدنې عالي کمېسیون د ورکړل شوو معلوماتو له مخې،له دغو کورنیو څخه ۳۳۲کورنۍ چې ۱۸۴۲تنه دي د ننګرهارد تورخم له لارې،۳۷ کورنۍ چې ۱۶۸تنه دي د کندهار د سپین بولدک له لارې، ۱۴ کورنۍ چې ۵۹تنه دي د هرات د اسلامکلا، او ۷ کورنۍ چې شمبر یې ۳۷تنه کیږي د نیمروز د ورېښمو پله، له لارې هېواد ته ستانه شوې دي.
سرچینې زیاتوي، یادې کورنۍ د راستنېدو پر مهال د اړوندو ادارو لهخوا ثبت او لومړنۍ مرستې ورسره ترسره شوې دي.
یاده دې وي چې، پرون د طالبانو حکومت ویلي، چې په ۲۰۲۵ کال کې د بهرنیو هېوادونو څخه شاوخوا دوه مېلیونه او اته سوه زره افغان کډوال بېرته هېواد ته راګرځېدلي، چې اکثر یې په بېلابېلو سیمو کې ځای پر ځای شوي، خدمات ورته وړاندې شوي او اوس ورته ښارګوټو کې د کورونو د وېش پلان عملي کېږي.
