یو لوړپوړي امریکايي چارواکي فاکسنیوز ته ویلي، چې د امریکا د مرکزي قوماندانۍ (سنتکام) ځواکونه په تهران کې د حکومت ضد روان اعتراضونه له نږدې څاري. د هغه په وینا؛ امریکا به د ایران په بېلابېلو ښارونو کې د جمعې لمونځ او د حکومت غبرګون هم په دقت سره وڅاري.
دغه امریکايي چارواکي زیاته کړې، چې د تهران د اعتراضونو له امله د امریکا په پوځي جوړښت کې د منځني ختیځ په سیمه کې کوم بدلون نهدی راغلی. هغه وویل، که څه هم د اېف–۱۵اي جنګي الوتکې منځني ختیځ ته استول شوې؛ خو دا د ځواکونو د عادي ځای پر ځای کولو برخه ده او د ځواکونو زیاتوالی نه بلل کېږي.
نوموړي همدارنګه وویل، دا مهال په منځني ختیځ کې د امریکا هېڅ الوتکوړونکې جنګي بېړۍ نهشته او د «یواېساېس فورډ» الوتکوړونکې بېړۍ د کارابین په سمندر کې ځای پر ځای ده.
دغه څرګندونې په داسې حال کې شوې، چې په ایران کې د ولسي اعتراضونو له پراخېدو سره سم، د خلکو د غږ ډب کولو لپاره انټرنېټ او نور مخابراتي خدمتونه پرې شوي دي.
