په پاکستان کې د افغانستان پخوانی سفیر محمد عمر داودزی وايي، د «سیستم بیا بسته بندي» تر نوم لاندې د نظام د بدلون هڅې د افغانستان لپاره ګټورې نه دي او ټینګار کوي چې د بهرني لاسوهنې له لارې سیاسي بدلونونه باید رد شي.
محمد عمر داودزي په خپل ایکس پیغام کې ویلي چې په وروستیو ورځو کې یو نوې سیاسي اصطلاح “د سیستم بیا بسته بندي” کارول کېږي، چې د ده په وینا هدف یې د موجوده نظام د بڼې بدلول دي.
هغه لیکلي چې د “رژیم بدلون” تجربه بریالۍ نه ده پاتې شوې او اوس ځینې لوري د نظام د “بیا جوړښت” یا له سره بسته بندۍ خبرې کوي، چې د ده په باور باید د وخت له اړتیاوو سره سم وي. داودزی ادعا کړې چې دا ډول بحثونه په ځینو هېوادونو کې لکه وینزویلا کې هم مطرح شوي او په ایران کې هم د پرمختګ ادعاوې پرې کېږي.
نوموړی زیاتوي چې دا اصطلاح د “رژیم بدلون” ځای ناستې شوې ده او ځینې سیاسي څېړونکي یې د پخوانیو طرحو بدله بڼه بولي. هغه وايي چې ځینې اوازې دا هم دي چې دا مفهوم په اسلاماباد کې د یوې هوکړې له لارې د نوي سیاسي چوکاټ په توګه مطرح کېږي.
داودزی په خپل پیغام کې دا هم ویلي چې پهپاکستانکې ځینې حلقې له دې اصطلاح څخه په ګټې اخیستنې سره دافغانستانپه اړه هم ورته بحثونه کوي او د موجوده سیاسي نظام د اغېزمنتیا پوښتنې راپورته کوي.
هغه د دې پوښتنې تر څنګ چې “د اغېزمنتیا معیار څه دی؟” زیاته کړې چې که هر ډول بدلون د بهرني لاسوهنې له لارې ترسره شي، نو دا د هېواد په ګټه نه دی.
داودزي په پای کې ټینګار کړی چې د بهرنیو مداخلې له لارې د سیاسي نظامونو بدلول د ده په اند “رد” دي او د سیمې د ثبات لپاره ګټور نه ګڼل کېږي.
