په جاکارتا کې د طالبانو د سفارت سرپرست مولوي سعدالله بلوچ د کویټ شاهي دولت له سفیر سره د دوهاړخیزو اړیکو او سیمهییزو همکاریو په اړه کتلي دي. په خبرو کې په کویټ کې د طالبانو د سفارت د بیا پرانیستلو په تړاو هم خبرې شوې دي.
د دُرې غږ د فیضاباد د محکمې په انګړ کې واورېدل شو. هوا ګرمه وه او د خاورې، خولو او وېرې بوی پکې خپور و. ماشومانو او نورو خلکو چې د سزا د لیدلو لپاره راټول شوي وو، په حیرانتیا او خاموشۍ سره صحنې ته کتل.
د رويټرز د راپور له مخې، هرمز تنګي ته نږدې د چین اړوند د تېلو او کیمیاوي توکو یوه کښتۍ د برید ښکار شوې او اور پرې لګېدلی. چینایي رسنۍ «کایسین» ویلي، دا لومړی ځل دی چې یوه چینایي بېړۍ په دې سیمه کې هدف ګرځي.
په ننګرهار کې د طالبانو د کرنې ریاست اړوند شمېر ې ښيي چې سږ کال د دغه ولایت په ۲۲ ولسوالیو کې پر شاوخوا ۲۰۲۱ جریبه ځمکه شفتالو کرل شوي دي. د شمېرو له مخې، تمه کېږي د شفتالو ټولیز حاصل نږدې ۱۱ زره او ۳۲۰ مټریک ټنو ته ورسېږي، چې د تېر کال په پرتله یو څه زیاتوالی ښيي.
د ایران او افغانستان د ګډې سوداګرۍ خونې مشر محمود سیادت وایي، د پاکستان او افغانستان د سوداګریزو لار له تړل کېدو وروسته ایران یو ځانګړی فرصت درلود چې د افغانستان د ټرانزیټ اصلي مسیر شي، خو د ده په وینا، له دې فرصته سمه ګټه نه ده اخېستل شوې.
د هسپانیا پولیسو ویلي چې کینري ټاپوګانو ته نږدې یې له یوې بېړۍ څخه ۳۰ ټنه کوکایین نیولي او د بېړۍ ۲۳ کسیزه عمله یې هم زنداني کړې ده. چارواکو د دې نشهيي توکو ارزښت له ۸۱۲ میلیونه یورو زیات اټکل کړی.
د چین یوې پوځي محکمې په یوه کمساري پرېکړه کې د دغه هېواد دوه پخواني دفاع وزیران، وي فینګهه او لي شانګفو، د درغلیو او بډې اخیستنې په تور په دوه کاله تعلیقي اعدام محکوم کړي دي.
د طالبانو د کابل امنیه قومانداني وایي، د کابل ښار د پنځمې امنیتي حوزې ځواکونو د غلو یوه ۲۳ کسیزه ډله نیولې، چې د ښار له بېلابېلو سیمو یې د خلکو موټرسایکلونه غلا کول. یاد کسان له ۱۸ غلا شویو موټرسایکلونو سره یوځای نیول شوي دي.
د کرملین ماڼۍ وایي، چې د مې پر ۹مه د نازي ځواکونو پر وړاندې د «بري ورځې» د مراسمو لپاره د ولسمشر ولادیمیر پوتین امنیت تر پخوا سخت شوی، ځکه مسکو د اوکراین له بریدونو اندېښنه لري.
په پاکستان کې د طالبانو سفیر، محمد سردار احمد شکیب، د یو پلاوي په مشرۍ د شیخ محمد ادریس د وژل کېدو له امله د غمشریکۍ په موخه په چارسده کې د هغه کور ته ورغلی دی.
د اتریش په لېنڅ ښار کې د یوه رسټورانټ مخې ته په ډزو کې درې کسان وژل شوي دي. ځینو رسنیو راپور ورکړی چې په پېښه کې یوه سړي دوه ښځې وژلې دي او وروسته یې ځان هم وژلی، خو چارواکو دا معلومات لا نه دي تایید کړي.
سرچینو افغانستان انټرنشنل ته ویلي، طالبانو د خپلو مخالفانو د ځپلو لپاره د بدخشان جرم ولسوالۍ ته له فیضاباد، بهارک او اشکاشم څخه ځواکونه استولي دي. د سرچینو په وینا، په بدخشان کې د طالبانو د والي مرستیال د ځايي نارضایتیو د کنټرول لپاره د جرم ولسوالۍ خستک کلي ته تللی.
د افغانستان د ملي امنیت پخواني سلاکار رنگین دادفر سپنتا د پاکستان د دفاع وزارت د پخوانۍ سلاکارې ماریا سلطان د وروستیو څرګندونو په غبرګون کې ویلي، چې د افغانانو اراده له اټومي وسلو هم پیاوړې ده. نوموړي ټینګار کړی چې پاکستان د بېلتونپالنې او ترهګرۍ له کړکېچونو سره مخ دی.
د طالبانو د عامې روغتیا وزیر، مولوي نور جلال جلالي د زنځیر امید موسسې له عمومي مشر انتوني دوتامپل او سره لیدلي او د یادې موسسې پر ستراتیژۍ، د مور او ماشوم د روغتیايي خدماتو، د بېړنیو نسایي او ولادي خدمتونو د ملاتړ او د روغتیايي کارکوونکو د ظرفیت لوړولو په تړاو یې خبرې کړې دي.
د پاکستان د بهرنیو چارو وزارت ویاند طاهر اندرابي وایي، اسلاماباد د قبایلي سیمو د مشرانو او د افغان قومي مشرانو ترمنځ د شویو دوو هوکړو او اوربند هرکلی کوي.
باخبره سرچینې وایي چې د طالبانو او ایران ترمنځ د یوه موبایل اپلیکیشن د جوړولو په برخه کې همکاري پیل شوې، چې هدف یې په افغانستان کې د انټرنېټ د کاروونکو څارنه بلل کېږي. دغه اپلیکیشن د سمارټ موبایلونو او انټرنېټي وسایلو معلومات د طالبانو د استخباراتي څار له سیسټمونو سره نښلوي.
د طالبانو د اطلاعاتو او کلتور وزارت ویلي، چې په تېر یوه کال یې ملي موزیم، ملي لابراتوار او د لوګر او ننګرهار ولایتونو سیمهییزو موزیمونو ته ۱۹۵۳ لرغوني اثار انتقال کړي دي.
وسلهوالو غلو د خیبر ولسوالۍ په جمرود سیمه کې ستنېدونکي افغان کډوال لوټ کړي او د وسلې په زور یې ترې سره زر او پیسې اخیستي دي.
د ازبکستان د سوداګرۍ او صنایعو خونې مشر دوران واحدوف ویلي، چې د ۲۰۲۶ کال د لومړیو څلورو میاشتو په ترڅ کې افغانستان ته د ازبکستان صادرات ۵۵۰ میلیونه امریکایي ډالرو ته رسېدلي. په اپریل میاشت کې ددې صاداراتو کچه ۱۶۰ میلیون ډالرو ته لوړه شوې ده.
د سویلي ولایتونو یو شمېر حاجیانو افغانستان انټرنشنل ته ویلي، چې طالبانو د حج فریضې اداکولو لپاره منظم ټرانسپورټ نه دی چمتو کړی او له حرم څخه ډیر لرې استوګنځایونه ورته نیول شوي دي.
په جرمني کې د افغان کډوالو د کار په اړه تازه شمېرې ښيي چې زرګونه افغانان اوس په بېلابېلو برخو کې کار کوي، خو لا هم د بېکارۍ او ټولنیزو مرستو اړتیا لوړه ده. د جرمني د کار ادارې په وینا، ۵۳ سلنه افغانان په ساده او مرستندویه چارو بوخت دي او ۴۲ سلنه یې مسلکي دندې کوي.