د فرانسې حکومت په وروستیو لاریونونو کې د تاوتریخوالي او د هټیو تر لوټلو وروسته په څو ښارونو کې د شپې لهخوا ګرځبندیز لګولی دی. د فرانسې لومړي وزیر سیباستین لوکارنو د تاوتریخوالي د بیا تکرار د مخنیوي لپاره په ځانګړو سیمو کې د تګراتګ محدودیتونو غوښتنه کړې ده.
په هرات کې د طالبانو والي نوراحمد اسلام جار د ترکیې او ترکمنستان له جنرال قونسلانو سره په لیدنه کې د یوه افغان ـ ترک معیاري روغتون او د تورغونډۍ په پوله د یوه ګډ افغان ـ ترکمن روغتون جوړولو په اړه خبرې کړې دي.
د پېښور عالي محکمه سېشنبه (د تلې ۲۸مه) په خیبر پښتونخوا کې د بېړنې حالت او د والي واکمنۍ پر وړاندې د څو عریضو اورېدنه کوي. تحریک انصاف ګوند له محکمې غوښتي، چې د خپلې عریضې د تعدیل اجازه ورکړي؛ څو د پارلمان، ملي اسمبلۍ او سنا لهخوا د حکومت د اقدام ملاتړ پرېکړه هم وننګوي.
د طالبانو د کورنیو چارو وزارت د نشهيي توکو پر وړاندې د مبارزې مرستیال عبدالرحمان منیر د نشهيي توکو د تولید او قاچاق په تړاو د پاکستان وروستۍ ادعاوې بېبنسټه بللې او په دې اړه یې د خپلواکې او بېپرې څېړنې غوښتنه کړې ده.
د ملګرو ملتونو پراختیايي پروګرام (UNDP) وايي، د «ابادۍ» پروګرام په مالي ملاتړ او د لمریزې برېښنا په برابرولو سره یې په کندوز ولایت کې ۷۰ ښځو ته د عاید ترلاسه کولو زمینه برابره کړې ده.
په نړۍوالو چارو کې د قطر د دولت وزیرې مریم بنت علي المسند ویلي، چې هېواد یې د افغانستان، غزې، سوډان، لبنان، سومالیا او سوریې سره د بشري مرستو، ډيپلوماسۍ، منځګړېتوب، د بیارغونې تمویل او بېځایه شویو ملکي وګړو ته د مرستې په رسولو کې ونډه اخیستې ده.
د پاکستان د پولیو د بېړنیو عملیاتو ملي مرکز (NEOC) اعلان کړی، چې د سند ایالت په کراچۍ ښار کې د ګوزڼ د یوې نوې پېښې له ثبتېدو سره په دغه هېواد کې د روان ۲۰۲۶کال د ګوزڼ د مثبتو پېښو شمېر اوو ته رسېدلی دی.
په کونړ کې د طالبانو د کانونو او پټرولیم رییس محمدشیرین حقاني وایي، چې په دغه ولایت کې یې د ازادې بولۍ له لارې د ۱۵۰ مېلیونه، ۶ لکه او ۹زره افغانیو په ارزښت ۸۰۰ کیلو ګرامه د بیروج ډبرې پلورلې دي.
هندي رسنیو راپور ورکړی، چې د بالیووډ ستوري ټایګر شروف پر موټر د ډزو په تړاو درې کسان د راجستان ایالت په کوټا ښار کې نیول شوي دي. د راپورونو له مخې، نیول شوي کسان په اورګاډي کې د تېښتې په حال کې وو چې پولیسو د کوټا اورګاډي په تمځي کې ونیول.
د ملګرو ملتونو د خوړو نړۍوال پروګرام (WFP) وايي، د نړۍوالو بیو لوړوالي، د سیمې ناڅرګند وضعیت، د سوداګرۍ خنډونو او د تېلو د بیو زیاتوالي په افغانستان کې د کورنیو پر اقتصادي وضعیت او د پېرلو پر ځواک فشار زیات کړی دی.
په کابل کې د خېرخانې مېنې اوسېدونکي وايي، چې د وروستیو ناامنیو په پلمه د کور په کور تالاشۍ، خپلسرو نیونو، شکنجې او د خلکو ځورونې سخت اندېښمن کړي دي. دوی زیاتوي، چې پخواني جهادي قوماندانان تر نورو ډېر له ځورونې او کړاو سره مخ دي.
دوه کاله وروسته له هغې چې اسټرالیا د افغانستان جګړې د قربانیانو د تاوان ورکړې پروګرام پیل کړ، افغان دعوه کوونکو ته هیڅ تاوان نهدی ورکړل شوی. اسټرالیایي رسنۍ سټرډې پېپر راپور ورکړی، چې تر ۱۰۰ ډېرې ادعاوې ثبت شوې؛ خو لسګونه یې په شرایطو برابرې نهدي ګڼل شوې او یا هم رد شوې دي.
د کابل یو اوسېدونکي افغانستان انټرنشنل ته په لېږلي پیغام کې ویلي، چې د طالبانو ښاروالۍ لومړی د کابل ښار په کلولهپشتې، څلورمه او شپږمه ناحیه کې د سړک جوړولو لپاره د خلکو کورونه ویجاړ کړي او له هغې وروسته د کورونو مالکانو د خپلو ملکیتونو په پاتې برخو کې هټۍ جوړې کړې وې.
د امریکا ولسمشر ډونالډ ټرمپ د ایران پرضد پوځي عملیاتو ته په اشارې ویلي، د دغه هېواد سمندري او هوايي ځواکونه لهمنځه تللي؛ خو د پوځي وړتیاوو نورې برخې لکه رادارونه او د هوايي دفاع سیستمونه یې ویجاړ شوي دي.
د اېټالیا د پراختیايي همکاریو ادارې په افغانستان کې د بشري مرستو پروژو پلي کولو لپاره ۴.۹ مېلیونه یورو ځانګړي کړي دي. دغه بودجه به د روغتیا، جنسیتي برابرۍ، کرنې او خوړو خوندیتوب په برخو کې ولګول شي.
د ازبکستان یوه پلاوي کابل ته د سفر پر مهال، د کابل نړۍوال هوايي ډګر ته څېرمه پر ۶۰ هکټاره ځمکه د یوه استوګنیز ښارګوټي د جوړولو وړاندیز کړی دی. دغه دولتي پلاوي په کابل کې د سوداګریزو او استوګنیزو ودانیو د جوړولو وړاندیزونه هم کړي دي.
د افغانستان د پارا پاور لفټینګ ملي اتل دین محمد وزیري په جاپان کې د ۲۰۲۶کال ناګویا پارا اسیایي سیالیو کې ښه وځلېده. د سیالۍ د درېیم وزن په کټګورۍ کې د افغانستان په استازیتوب وزیري د لسو لوبغاړو په منځ کې لسم مقام خپل کړ.
د سعودي عربستان په پلازمینه ریاض کې د امریکا سفارت خپلو وګړو ته خبرداری ورکړی چې په دغه هېواد کې پر هوايي ډګرونو د وروستیو توغندیزو او بېپیلوټه الوتکو بریدونو له امله د الوتنو د ځنډېدو او لغوه کېدو خطر شته.
د کینیا یوې محکمې د مذهبي ډلې مشر پاول مکینزي او ۳۰ نور کسان د ۱۹۰ ماشومانو او یوه بالغ کس د وژنې په تور مجرمان وپېژندل. څارنوالان وايي، مکینزي خپلو پیروانو ته امر کړی و چې د نړۍ تر پای مخکې جنت ته د تلو او له عیسی مسیح سره د لیدو په باور ځانونه او ماشومان وږي وساتي.
د جرمني له خوا د کډوالو، په ځانګړې توګه د افغان پناه غوښتونکو د اېستلو پروګرام د کډوالو د حقونو د فعالانو له مخالفت سره مخ شوی دی. ټاکل شوې چې د کډوالو د حقونو ملاتړې ډلې د شنبې په ورځ، د لړم په دویمه، د جرمني په اوو هوايي ډګرونو کې لاریونونه وکړي.
د قطر د لومړي وزیر مرستیال سعود بن عبدالرحمن ال ثاني ویلي، دوحه د وروستیو بریدونو سره هم له ایران سره په بېلابېلو کچو خپلې اړیکې ساتلې دي. نوموړي د خلیج د همکارۍ شورا له غړو او همداراز پاکستان او ترکیې سره د خبرو غوښتنه وکړه.