د څو ولایتونو اوسیدونکو افغانستان انټرنشنل ته وویل، چې طالبانو په زور او ګواښ سره خلک د پاکستان پر ضد لاریونونو ته اړ کړي. د دوی په وینا، طالبانو دوکانداران، سوالګر، سوداګر، ځوانان او عام خلک اړ کړي چې د پاکستان پر ضد لاریونونو کې برخه واخلي.
نن که تاسې یوې هتۍ ته ورغلي یاست، ښايي هغه توکي چې تل به مو ارزانه رانیول، اوس یې بیې لوړې شوې وي. ډېری کسان باور لري چې بیې یوازې د افغانستان او پاکستان د ستونزو له امله لوړېږي، خو دا یوازې نیمه کیسه ده؛ ځکه په ایران او منځني ختیځ کې کړکېچ د نړۍ په اقتصاد منفي اغېز کړی.
د ډیورنډ کرښې په اوږدو کې د پرتو ولایتونو ځینو قومي مشرانو او پخوانیو نظامیانو افغانستان انټرنشنل - پښتو ته وویل چې طالبانو د پاکستان پرضد جګړه او لاریونونو کې له د دوی ملاتړ ترلاسه کړی دی. دوی زیاتوي، چې په خوست او پکتیکا کې ځینې پخواني نظامیان د پاکستان پرضد جګړه کې برخه لري.
په روزګان کې د طالبانو امنیې قوماندانۍ ټولو هټۍوالو ته خبرداری ورکړی، چې د اختر په شپو او ورځو کې د پلاستیکي وسلو او پټاکیو راوړل، ساتل او پلور منع دی. طالبانو ویلي، چې له سرغړونکو سره به سخت قانوني چلند وشي.
د هرات په اسلامکلا بندر کې د طالبانو کمیسار سید حصرت الله زعیم اغا وایي، چې په ایران کې وروستيو کړکېچونو د اسلامکلا له بندر نه د تګراتګ پر کچې هیڅ اغېز نهدی کړی او د هرات له اسلامکلا بندر له لارې د ټرانزیټي موټرو تګراتګ په عادي توګه دوام لري.
په امریکا کې د افغانانو د کډوالۍ ملاتړ سازمان «افغان اېواک» د قطر په السلیله پنډغالي کې د مېشتو شاوخوا ۱۱۰۰ افغان متحدینو د وضعیت په اړه اندېښنه څرګنده کړې. دغه سازمان وایي، په دغه پنډغالي کې بند پاتې ډېری کسان ښځې او ماشومان دي.
د افغانستان کرېکټ بورډ غوراوي کمېټې د سریلانکا پر وړاندې د شل اوریزو او یو ورځنیو لوبو لپاره د لوبغاړو نوملړ اعلان کړ. ابراهیم ځدراڼ د شل اوریزو سیالیو لوبډلمشر ټاکل شوی او حشمت الله شهیدي به د یو ورځنیو لوبو مشري په غاړه ولري.
د طالبانو ویاند ذبیحالله مجاهد وایي، چې د خواف–هرات د اوسپنې پټلۍ له لارې له ایران نه د توکو واردات او سوداګریزه راکړه ورکړه په عادي ډول دوام لري او تراوسه پهکې هېڅ ډول ځنډ نهدی راغلی.
د افغانستان د رسنیو ملاتړ سازمان (امسو) په غزني کې د «خوشحال» راډيو د نشراتو د درېدو په اړه اندېښنه ښودلې او ټينګار یې کړی، چې «رسنۍ باید د شایعاتو پر بنسټ تر فشار» لاندې رانهوستل شي.
د پښتونخوا ملي عوامي ګوند مشر او د پاکستان د پارلمان غړي خوشحال خان کاکړ د افغانستان او پاکستان ترمنځ د وروستیو کړکېچونو په اړه ویلي، پاکستان ته د ترهګرۍ د راتګ یو مهم لامل دا دی چې د دغه هېواد حکومت شاوخوا پنځوس کاله د افغانستان په چارو کې لاسوهنه کړې ده.
د طالبانو له پېښو سره د مبارزې چمتووالي ادارې رييس نورالدین ترابي د ژغورنې نړۍوالې کمېټې یا ایارسي له رييسې لیزا مارګاریت اوون او مل پلاوي سره په کتنه کې د ۸۳۹ زره ډالرو په ارزښت د ګډو همکاریو هوکړه لاسلیک کړه.
په وروستیو ورځو کې پاکستان په افغانستان کې د طالبانو پر پوځي مرکزونو د هوايي بریدونو یوه لړۍ پیل کړې ده. د موجودو معلوماتو لهمخې، دا بریدونه له پنځوسو څخه زیات هوايي عملیات رانغاړي او تر ډېره پوځي اډې، د وسلو زېرمې او د طالبانو اړوند روزنیز مرکزونه یې هدف ګرځولي دي.
د ملګرو ملتونو سرمنشي د وسلو د منع کولو او نه خپرېدو د پوهاوي نړۍوالې ورځې په مناسبت خبرداری ورکړی، چې په وروستیو لسیزو کې د اټومي وسلو د کارولو ګواښ لوړې کچې ته رسېدلی او د نړۍ امنیت له جدي ګواښ سره مخ دی.
د پاکستان د پارلماني چارو وزير ډاکټر طارق فضل چوهدري ويلي، چې د دغه هېواد اټومي وسلې يوازې د پاکستان د دفاع لپاره دي. د ده په خبره، پاکستان له سعودي سره دفاعي تړون لري او د همدې هوکړې لهمخې به اسلاماباد د حرمين شريفين د ساتنې لپاره له هېڅ ډول هڅې څخه ډډه ونهکړي.
د سره صلیب نړۍوالې کمېټې ویلي، چې د طالبانو او پاکستان ترمنځ د نښتو او طبي اړتیاوو ته په کتو یې په کندهار کې له میرویس او عینو مېنې له روغتونونو سره د یوې اندازې درملو مرسته کړې ده.
د ملګرو ملتونو د کډوالو ادارې ویلي، چې په منځني ختیځ کې د جګړو د شدت او د افغانستان او پاکستان ترمنځ د شخړې زیاتېدو له امله له ۳۳۰ زره څخه ډېر کسان په جبري ډول بېځایه شوي دي.
په هرات کې د ایران قونسل، علي رضا مرحمتي، وایي چې سره له دې چې په ایران کې کړکیچونه او جګړې روانې دي خو د ایران او افغانستان ترمنځ د تجارتي توکو ټرانزیټ لا هم روان دی.
د افغانستان د پخواني حکومت د بشري حقونو کمېسیون مشرې شهرزاد اکبر د افغانانو لپاره د برېتانیا د تعلیمي او کاري ویزو لنډمهالي بندول، د نجونو پر زده کړو د طالبانو د پنځه کلن بندیز په څېر بللي.
د مارچ پر۴مه نېټه د کام ایر هغه الوتنه چې ټاکل شوې وه د هند له نوي ډيلي څخه کابل ته د ماسپښین په ۱۴:۴۰ بجو ترسره شي، په ناڅاپي ډول لغوه شوه او اوس د مارچ تر ۶مې پورې ځنډول شوې او ګڼ مساپر داندرا ګاندي نړیوال هوايي ډګر په ټرانزېټ برخه کې پاتې دي.
کرکټ بورډ پیلیز توپ وهونکی ابراهیم ځدراڼ، چې مخکې د شل اوریزو سیالیومرستیال کپتان و، د راشد خان پر ځای د دغو سیالیو د کپټان په توګه ټاکلی. کرکټ بورډ د راشد خان د لرې کولو لامل نه دی په ګوته کړی، خو د کرکټ مبصران یې یو عامل په یوه غونډه کې د راشد خان د مېرمنې راڅرګندېدل ګڼي.
د طالبانو د عدلیې وزیر عبدالحکیم شرعي د سوداګرو او معاملاتو د لارښوونې د اتحادیو له مسوولانو سره په غونډه کې د لومړنیو خوراکي توکو د احتکار او د کورونو د کرايې د لوړېدو د مخنیوي پر اړتیا ټینګار کړی دی.