د ملګرو ملتونو سرمنشي انتونیو ګوترېش د ټرمپ «د سولې نړۍوال بورډ» ته په اشارې ویلي، چې د ملګرو ملتونو امنیت شورا د ټولو غړو هېوادونو استازیتوب د سولې او امنیت په مسایلو کې د عمل کولو ځانګړی واک لري.
د پاکستان حکومت اپوزېسیون او د سیاسي ګوندونو ګډ خوځښت اعلان کړی، چې د راتلونکې فبرورۍ میاشتې پر ۸مه به دې هېواد کې ټول کاروبارونه بند وي. د شهباز شریف حکومت پر وړاندې د اپوزېسیون مشر محمود خان اڅکزی وایي، پر دې ورځ به ټول پاکستان بند وي او هر ډول چارې به په ټپه ولاړې وي.
د برېتانیا په نونیتون ښار کې پر یوې ۱۲ کلنۍ نجلۍ پر جنسي تېري د تورنو دوو افغانانو د محاکمې بهیر ځنډېدلی دی. ټاکل شوې وه، چې دغه قضیه د دوشنبې په ورځ (د جنورۍ ۲۶مه د سلواغې ۶مه) د واروېک شاهي محکمې (Warwick Crown Court) کې وڅېړل شي.
د افغانستان د خبریالانو مرکز د طالبانو د اطلاعات او کلتور وزارت لهخوا د رسنیو ملاتړو یو شمېر بنسټونو د جوازونو لغوه کولو ته سخت غبرګون ښودلی او وايي، د طالبانو یاد اقدام غیر قانوني دی.
د پاکستان پخواني استازي اصف دراني افغانستان انټرنشنل-پښتو ته وویل، چې که طالبانو ته څوک پیسې ور کوي، په پیسو هرڅه کولای شي او ادعا یې وکړه چې افغان چارواکو وړاندې هم پیسې اخېستې. خو له امریکا د پاکستان د میلیاردونو ډالرو اخېستو په تړاو یې وویل چې اسلام اباد «خدمات» وړاندې کول.
په نورستان کې د طالبانو رسنیز دفتر خبر ورکړی، چې په وانټ ولسوالۍ کې د دوی ځايي ولسوال او امنیتي مسوولینو د ښځو پر شاقه یا درنو کارونو بندیز لګولی دی. په همدې تړاو خبرپاڼه کې راغلي، که هره ښځه له پېټۍ یا کجاوې سره ولیدل شوه، نو ور ماتوي به یې.
افغان اېواک ډلې ویلي، چې د نړۍوالو سیمهییزو کارکوونکو ډلې سره یې په ګډه د «نړۍوال اتحاد» په نوم یو نوی نړۍوال اېتلاف جوړ کړی او موخه یې د هغو ژمنو پوره کول دي، چې متحدو هېوادونو له خپلو افغان همکارانو سره کړې وې.
د نورستان واما ولسوالۍ اړوند د کوردر درې په کوز کلي کې د واورې ښوېدنې له امله ۴ کسان ژوبل شوي او ۲ نور لا هم تر واورو لاندې دي. ځايي مسوولین وايي، دغه تر واورو لاندې کسان ښايي مړه شوي وي.
د طالبانو تر واک لاندې افغانستان برېښنا شرکت وايي، چې هڅې کوي د برېښنا پایه ژر تر ژره جوړه کړي او دویم سرکټ هم ونښلوي. د سلواغې میاشتې پر دویمه نېټه، د واورې ورښت له امله د شمالي سالنګ کې د پلخمري - کابل ۲۲۰ کیلوولټ برېښنا لیږد مزي یوه پایه چپه شوې او برېښنا پرې ده.
په هرات ښار کې یوازې په تېره یوه اونۍ کې لږ تر لږه اووه کسان وژل شوي دي. وروستۍ دوه پېښې د شنبې او یکشنبې په ورځو کې وشوې، چې دوه تنه پکې ووژل شول. د یوه په اړه محلي سرچینو افغانستان انټرنشنل ته وویل چې د طالبانو استخباراتو ته یې کار کاوه او بل، طالبانو وویل چې غل و.
د کندز مرکز ځینو اوسیدونکو افغانستان انټرنشنل ته وویل، چې طالبانو د ۱۴۰۴ کال د صفايي په نامه له ۲۰ زرو څخه تر ۳۰ زرو افغانۍ اخلي. دوی زیاتوي، چې طالبانو ځینې کورونه د پیسو نه ورکولو له امله مهراو لاک کړي دي. ښاریان وايي، چې دوی یو خصوصي شرکت ته هره میاشت ۱۰۰ افغانۍ ورکوي.
د رومانیا د ملي دفاع وزیر رادو میروتا د ټرمپ له څرګندونو سره هممهاله د دوشنبې په ورځ له هغو رومانیايي سرتېرو سره وکتل چې په افغانستان او عراق کې ټپیان او معلول شوي دي.
د طالبانو رییس الوزرا د بحرين د نويو ځوانانو اسيايي سياليو او د سعودي عربستان د اسلامي هېوادونو د پيوستون سياليو څخه مډال ګټونکي افغان ورزشکاران د ځانګړې غونډې پر مهال په ډالیو وستایل. په دې ډالیو کې موټر او موټرسایکلونه شامل وو.
د طالبانو په ولکه کې د افغانستان برېښنا شرکت وایي چې د متحده عربي اماراتو د «ایچ ایچ ایم» په نوم کمپنۍ په افغانستان کې د ۱۰۰۰ مېګاواټه ګازي برېښنا د تولید په برخه کې پانګونې ته لېوالتیا ښودلې ده.
د طالبانو د رياست الوزرا اداري مرستيال عبدالسلام حنفي فاریاب ولایت ته د سفر په لړ کې د یاد ولایت له یو شمېر تاجرانو او پانګوالو سره په کتنه کې غوښتنه کړې، چې افغان سوداګر دې په دې سړه هوا کې له را ستنو شویو افغانانو سره د خپل توان په کچه مرستې وکړي.
د مکسیکو په سالامانکا ښار کې د فوټبال په یوه لوبغالي کې د وسله والو ډزو لږ تر لږه ۱۱ کسان وژلي او ۱۲نور یې ټپیان کړي دي. د سیمهییزو چارواکو په وینا، قربانیان د فوټبال لوبې له پای ته رسېدو وروسته سره راټول شوي وو.
د طالبانو تر واک لاندې د ټولګټو وزارت وايي، چې د سالنګونو لارې په ګډون د کندهار ـ ارزګان، د غزني ولایت د ناور او جغتو ولسوالیو لارې او په غور کې یو شمېر نښلوونکي مسیرونه د واورې د ورېدو او شدید توپان له امله د ترافیکو پر مخ تړل شوي دي.
په پکتیا ولایت کې د طالبانو ځایي چارواکي وایي چې په دغه ولایت کې یې ۳۸ درملتونونه، واړه کلینیکونه او نور روغتیايي شخصي مراکز د قانوني کاري جوازونو د نه درلودو او له روغتیایي قوانینو څخه د سرغړونې له امله، تړلي دي.
په ننګرهار کې د طالبانو مرستیال والي مولوي غلام الرحمن حیدري په ختیځ کې د یو این ډي پي له مشر اناتولي بالینو سره په کتنه کې ویلي چې په ننګرهار کې د راستنو شویو کورنیو لپاره نمونوي ښارګوټی جوړوي. نوموړي له اناتولي بالینو څخه د دغه ښارګوټي په جوړېدو کې همکاري غوښتې ده.
د طالبانو تر واک لاندې د کابل د عامې روغتیا ریاست یوه چارواکي ویلی، چې ګوزڼ ناروغي لا هم په افغانستان کې شته. د پولیو د عملیاتي مرکز استازي ویلي، چې د پولیو واکسین کمپاین به د راتلونکې دوشنبې په ورځ پیل او تر پنجشنبې پورې به دوام ولري.
په قرغیزستان کې د طالبانو سفیر ملا عبدالشکور حقاني د دغه هېواد د بهرنیو چارو وزارت د څلورمې سیاسي څانګې له مشر ایبېک مالابېکوویچ سره کتلي. د طالبانو سفارت زیاتوي، په دې ناسته کې د دوه اړخیزو اړیکو، اقتصادي همکاریو او د سیمې د هېوادونو ترمنځ د تعامل پر لارو چارو خبرې شوې دي.