د خیبر پښتونخوا په خېبر ولسوالۍ د تکیې سیمې د نیکي خېلو، سلطان خېلو او نورو اپرېدي ټبرونو په ګډه جرګه کې د سیمې د وروستۍ ناامنۍ په تړاو پرېکړه کړې چې د واکسین په تطبیق کې به همکاري نه کوي اوښوونځي به تر امن راتلو پورې تړلي وي.
نیمروز کې د طالبانو د اطلاعاتو او کلتور ریاست د دغه ولایت په مرکز کې د ملا هبتالله د ۱۷م فرمان د تشریح او عملي کېدو په موخه یو ورځنی سیمینار جوړ کړی دی. ورته مهال د ملا هبت الله وروستیو فرمانونو، په ځانګړي ډول د ښځو او کورنیو چارو اړوند مقرراتو، پراخې نیوکې راپارولې دي.
دخیبر پښتونخوا ایالت چارسدې ولسوالۍ کې د پاکستان د فدرالي څېړنو ادارې، د نادرا د دفتر څلور کارکوونکي نیولي، چې پر هغوی افغان وګړو ته د پاکستاني پېژندپاڼو د ناقانونه توګه ورکولو تور لګېدلی دی.
د طالبانو د کرنې، اوبولګولو او مالدارۍ وزارت وایي، د تېرې یوې اونۍ په ترڅ کې یې د هېواد په بېلابېلو ولایتونو کې ګڼ کرنیز او د مالدارۍ اړوند فعالیتونه ترسره کړي دي.
د طالبانو امر بالمعروف وزارت وایي چې محتسبینو یې په یو شمېر ولایتونو کې د کورني تاوتریخوالي له پېښو څخه ۱۱ مېرمنې ژغورلې دي.
د افغانستان او هند د کرکټ ملي لوبډلو ترمنځ د یوازینۍ ټېسټ سیالۍ په لومړۍ ورځ هند د پچې په ګټلو سره لومړی د توپوهنې پرېکړه کړې، او تر ۲۱ اورونو پورې یې د یوې ویکټې په زیان ۸۴ منډې جوړې کړې دي.
پېښور عالي محکمې فدرالي څېړنو ادارې ته امر کړی چې د خیبر پښتونخوا د لوړو زدهکړو وزیر مینا خان اپریدي نوم له موقتي سفر بندیز لېست څخه وباسي او هغه ته د المان ته د سفر اجازه ورکړي.
د ملګرو ملتونو د ښځو ادارې په ملاتړ د لمریزې برېښنا په وسیله د شنو خونو پروژه په افغانستان کې کلیوالو ښځو ته د کرنې له لارې د عاید او د کورنیو د خوړو د خوندي کولو نوي فرصتونه برابروي.
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، چې تېره ورځ ۶۸۲ کډوالې کورنۍ چې ټول ۳زره او ۵۷۴ کسان کېږي، له ایران او پاکستان نه افغانستان ته جبري ستانه شوې دي.
د خیبرپښتونخوا خېبر ولسوالۍ د لنډي کوتل په تحصیل کې د خېبر تکیه سیمه کې د وسلهوالو کسانو د ډزو له امله د دوو کسانو د وژل کېدو وروسته سیمهییزو خلکو پراخ احتجاج کړی او تورخم لاره یې د هر ډول تګ راتګ لپاره تړلې ده.
متحده ایالاتو د پاکستان او چین هغه ګډ وړاندیز رد کړی چې غوښتل یې د بلوڅ ازادۍ غوښتونکې ډلې « بي ايل اې» او د «مجید بریګېډ» وسلهواله ډله د ملګرو ملتونو د ۱۲۶۷ د ترهګرۍ د بندیزونو په لېست کې شامله کړي.
یو فېسبوک کاروونکي فواد مومند ادعا کړې چې د ننګرهار کانال ریاست اړوند د پلان امریت د بست لپاره په اخیستل شوې ازموینه کې، سره له دې چې د ده په وینا ټولې پوښتنې یې سمې ځواب کړې وې، نه بریالی اعلان شو او نه هم د مرکې پړاو ته ور وبلل شو.
د افغانستان لپاره د روسیې د ولسمشر ځانګړي استازي ضمیر کابلوف ویلي، مسکو به د طالبانو تر واک لاندې افغانستان کې د شوروي دورې پوځي تجهیزات ترمیم او بېرته فعال کړي.
د طالبانو د سرحدي پولیسو پوځي مرستیال مولوي عبدالمنان حسان د بدخشان ولایت واخان ولسوالۍ ته د رسمي سفر پر مهال د سرحدي امنیتي پوستو او څارنیزو مرکزونو وضعیت ارزولی او د پامیر له اوسېدونکو سره یې لیدنې کړې دي.
د منځنۍ او سوېلي اسیا چارواکو د ازبکستان په تاشکند ښار کې د «ترمېز ډیالوګ» غونډه کې افغانستان د سیمهییزو سوداګریزو لارو او اتصال مهم مرکز وباله او ویې ویل چې د سیمې اقتصادي پرمختګ له افغانستان سره د اړیکو پراختیا پورې تړاو لري.
د ایران سپاه پاسداران ځواک ادعا کړې چې د امریکا د وروستیو پوځي عملیاتو په ځواب کې یې په کویټ او بحرین کې د امریکايي ځواکونو اډې او د استوګنې مرکزونه د توغندیو او بېپیلوټه الوتکو په بریدونو هدف ګرځولي دي.
د اوکراین د خرسون سیمې سیمهییزو چارواکو ویلي چې د روسیې په جلا جلا بریدونو کې لږ تر لږه پنځه کسان وژل شوي او اووه نور ټپیان دي.
د امريکا مرکزي قومندانۍ یا سنېټکام اعلان وکړ، چې ځواکونو یې د ايران څلور چاودېدونکي بېپيلوټه الوتکې چې د هرمز تنګي پر لور توغول شوې وې، په نښه او رانسکورې کړې دي.
د نجف په ښار کې د ایتالله محمد اسحاق فیاض مړینه د هغه شخصیت د ژوند د اوږدې لارې پای وو، چې د افغانستان له تر ټولو بېوزلو سیمو څخه پیل شوې وه او د شیعه نړۍ تر ټولو لوړو دیني او علمي مقامونو ته ورسېده.
ټرمپ له «اېنبيسي» سره مرکه کې ویلي، چې ایران لا هم له ۲۱ تر ۲۲ سلنې پورې خپل توغندي ساتلي دي. هغه وویل، چې د ایران مشران د جګړې د پایته رسولو لپاره له امریکا سره هوکړې ته نهدي رسېدلي، ځکه چې هغوی «قوي» او «مغرور» دي، خو «هغوی له هوکړې پرته بله لاره نهلري او دا به وخت ونیسي».
يوراکټيو چې د اروپايي ټولنې پر تګلارو تمرکز لرونکې اروپايي رسنۍ ده، بروکسل ته د طالبانو د بلنې په اړه نيوکه کړې او د دې ټولنې غړو ته يې ورياده کړې،چې د طالبانو د پوهنې وزير حبيبالله اغا په ۲۰۲۳کال کې د نجونو د زده کړو د مخنيوي او بشري حقونو سرغړونو له امله بنديزونو سره مخ شوی و.