ټرمپ له «اېنبيسي» سره مرکه کې ویلي، چې ایران لا هم له ۲۱ تر ۲۲ سلنې پورې خپل توغندي ساتلي دي. هغه وویل، چې د ایران مشران د جګړې د پایته رسولو لپاره له امریکا سره هوکړې ته نهدي رسېدلي، ځکه چې هغوی «قوي» او «مغرور» دي، خو «هغوی له هوکړې پرته بله لاره نهلري او دا به وخت ونیسي».
يوراکټيو چې د اروپايي ټولنې پر تګلارو تمرکز لرونکې اروپايي رسنۍ ده، بروکسل ته د طالبانو د بلنې په اړه نيوکه کړې او د دې ټولنې غړو ته يې ورياده کړې،چې د طالبانو د پوهنې وزير حبيبالله اغا په ۲۰۲۳کال کې د نجونو د زده کړو د مخنيوي او بشري حقونو سرغړونو له امله بنديزونو سره مخ شوی و.
د پاکستان په کراچۍ ښار کې د پاخه عمر یو کس، چې په یوه ویډیویي پیغام کې یې ویلي، خپله ښځه یې وژلې ځکه چې هغې ورسره له کوروالي کولو څخه انکار کړی وو. محکمې پولیسو ته امر کړی، چې دغه کس په توقیف کې وساتي.
د پاکستان د مهم اقتصادي ښار کراچۍ د ټرافیک پولیسو ويلي، د ۲۰۲۵ کال پرتله د ۲۰۲۶ کال په لومړیو پنځو میاشتو کې په ټرافیکي پېښو کې د خلکو د مړينې کچه راټيټه شوې، خو بيا هم د یادو پېښو له امله سلګونه کسان مړه شوي دي.
د خوړو نړیوال پروګرام (WFP) وایي، چې په منځني ختیځ کې روان کړکېچ او د سونتوکو د بیو لوړېدو افغانستان ته د بشري مرستو د رسولو موده له لسو ورځو څخه تر ۷۵ ورځو پورې غځولې او د لېږد لګښتونه یې هم تر پنځه برابره لوړ کړي دي.
د پاکستان تر ولکې لاندې د کشمیر حکومت ولسي ګډه کاري کمېټه یوه ناقانونه ډله اعلان کړې او د سیمې د ترهګرۍ پرضد قانون په لومړي جدول کې یې شامله کړې ده.
پاکستان د هند هغه څرګندونې، چې ګواکې د ګلګت بلتستان د ټاکنو په اړه «سخت احتجاج» شوی، رد کړې. هند له دې وړاندې د پاکستان تر ولکې لاندې ګلګت بلتستان کې هم ټاکنې ناقانونه بللې وې.
د روسیې ولسمشر ولادیمیر پوتین د اوکراین د ولسمشر ولادیمیر زیلېنسکي هغه وړاندیز رد کړی، چې د دواړو هېوادونو ترمنځ د جګړې د پای ته رسولو لپاره یې د مخامخ خبرو اترو غوښتنه کړې وه.
د افغانستان او هند د کرېکټ ملي لوبډلو ترمنځ خورا په زړه پورې او یوازنۍ ټېسټ لوبه سبا (شنبه د غبرګولي ۱۶مه) په نوي چندیګړ کې پیلېږي. د افغانستان کرېکټ بورډ اعلان کړی، چې افغان اتلان د دغې تاریخي او پنځه ورځنۍ لوبې لپاره بشپړ چمتووالی لري.
د امریکا یوې فدرالي محکمې د دغه هېواد د کډوالۍ او تابعیت ادارې هغه پرېکړه لغوه کړې، چې له مخې یې د افغانانو او نورو پناه غوښتونکو د دوسیو څېړنه تر نامعلوم وخت پورې ځنډولې وه. افغان اېواک بنسټ دا اقدام د افغان پناه غوښتونکو لپاره یو «بریالی» ګام وباله.
د خیبر پښتونخوا د اطلاعاتو وزیر شفیع جان ویلي، د پاکستان تحریک انصاف ګوند بنسټګر عمران خان له ۱۰۰۰ څخه زیاتې ورځې په زندان کې تېرې کړي او په وینا یې، پر هغه «ناحقه» دوسیې جوړې شوي او له ۷ میاشتو راهیسې په زندان کې په «انزوا» کې ساتل کېږي.
د ایران د رهبر مجتبی خامنهيي پوځي سلاکار محسن رضايي خبرداری ورکړی، که روانه جګړه دوام ومومي او پر ایران لګېدلې سمندري محاصره پای ته ونهرسېږي، تهران به د جګړې جغرافیه پراخه کړي.
فرانس ۲۴ د ډیپلوماتیکو سرچینو له قوله راپور ورکړی، چې امریکا د اټومي انرژۍ د نړیوالې ادارې د حکامو شورا د راتلونکې اونۍ غونډې ته د ایران پر ضد د یوه پرېکړهلیک د مسودې پر چمتو کولو بوخته ده.
د امریکا د خزانې وزیر سکاټ بېسنټ ویلي، چې د ایران اقتصاد د پاشل کېدو په حال کې دی او د دغه هېواد پوځي وړتیاوې هم په جدي توګه کمزورې شوې دي.
افغانستان کې د ملګرو ملتونو د ماشومانو د ملاتړ صندوق استازي تاجالدین اویواله د چاپیریال د نړیوالې ورځې په مناسبت ویلي، پر ماشومانو د اقلیم د بدلون ناوړه اغېزې خورا سختې دي. هغه ټینګار کړی، دغه اداره له شته ننګونو سره سره افغانستان کې د اوبو رسولو د سیسټمونو پر پیاوړتیا کار کوي.
د افغانستان لپاره د برېتانیا ځانګړي استازي ریچارډ لینډسي په جلاوطنۍ کې د افغانستان د ښځو د فوټبال ملي لوبډلې ته د هغوی د لومړۍ نړیوالې لوبې د ترسره کولو له امله مبارکي ویلې ده. لینډسي ټینګار کړی، چې ورزش ته باید ټول لاسرسی ولري او هېڅوک ترې محروم نهشي.
د ترکیې په ختیځ کې د یوې نښتې په پایله کې یو افغان شپون وژل شوی او په تړاو یې یو بل افغان نیول شوی دی. د ترکیې پولیسو تر اوسه د دغې پېښې د لامل او د دواړو لورو د هویت په اړه نور جزییات نهدي ورکړي، خو په تړاو یې د څېړنو له دوامه خبر ورکړی دی.
د ملګرو ملتونو پراختیایي پروګرام (یو این ډي پي) وایي، چې په افغانستان کې یوازې ۳۳ سلنه وګړي برېښنا ته لاسرسی لري او دا شمېره په کلیوالي سیمو کې تر ۲۰ سلنې هم ټیټه ده.
د طالبانو سرچینو افغانستان انټرنشنل ته تایید کړه، چې نن سهار د کابل د یوولسمې حوزې اړوند سیمه کې چاودنه شوې. د طالب سرچینو په وینا، په یاده چاودنه کې درې ملکي وګړي ټپیان شوي او د چاودیدونکو توکو انتقالونکی کس هم په ټپي حالت کې نیول شوی دی.
د امریکا د خزانې وزارت اعلان کړی چې د ایران سره د تړاو په تور یې پر یو شمېر اشخاصو، بنسټونو او بېړیو نوي بندیزونه لګولي دي. یاد وزارت د جمعې په ورځ، ویلي دغه بندیزونه د ترهګرۍ ضد اقداماتو د نوې ارزونې په چوکاټ کې وضع شوي دي.
د پاکستان «پي ای اې» هوايي شرکت اعلان کړی، چې راتلونکې میاشت بیا ځلي د اسلاماباد او بجینګ ترمنځ مستقیمې الوتنې پیلوي. یاد شرکت ویلي، چې دغه پرېکړه یې په چین کې د مېشتو پاکستاني محصلینو، سوداګرو او ګرځندویانو د غوښتنو په ځواب کې کړې ده.