په بدخشان ولایت کې د طالبانو د امنیې قوماندانۍ ویاند احسان الله کامګار ویلي، چې په دغه ولایت کې د یوې ټرافیکي پېښې له امله د یوې ښځې او یوه ماشوم په ګډون ۳ کسه مړه او څلور نور ټپيان شوي دي.
په کابل کې د غلاوو له زیاتېدوسره هم مهاله، د طالبانو د کابل امنیه قومانداني وایي چې په شپږمه امنیتي حوزه کې یې ۹ کسان نیولي چې د سرو زرو، موټرسایکلونو او نورو توکو په غلا تورن دي.
د اسراییل د صدراعظم بنیامین نتنیاهو دفتر د دوشنبې په ورځ وویل، چې د لبنان د ایران پلوه وسله والې ډلې په بې وسلې کولو کې د بیروت له حکومت سره مرستې ته چمتو دی، خو یادې وسله والې ډلې د لبنان حکومت د بې وسلې کولو پلان رد کړی دی.
د طالبانو د احصایې او معلوماتو ادارې ویلي، چې په روانې اګسټ میاشت کې ۲زره او ۳۳۷ بهرنیو وګړو له بېلابېلو لارو، بندرونو او د کابل هوایي ډګر څخه افغانستان ته تګ راتګ کړی دی. د خبرپاڼې له مخې؛ یاده موده کې ۱۳۰۵ وګړي افغانستان ته تللي، چې ۶۷ښځې هم پهکې شاملې دي.
اسراییلي ځواکونو د غزې پر ناصر روغتون په برید کې لږ تر لږه ۱۵ کسان وژلي، چې په دې کې څلور خبریالان هم شامل دي. په وژل شویو څلورو خبریالانو کې یو تن د رویټرز قراردادي خبریال حسام المصري هم شامل دی.
د طالبانو د حج او اوقافو وزارت وايي، په ټول هېواد کې د زړو قران کریمونو، سیپارو او دیني کتابونو د راټولولو او ورته د مناسبو ځایونو د جوړلو چارې پیل شوې دی. دا کار د طالبانو د مشر د ځانګړي هدایت له مخې کیږي.
په شمالي وزیرستان کې ځايي سرچینې وايي، برید تېره شپه د برڅي خېل کلي اړوند سیمه کې شوی چې له کبله یې یو دوه کلن ماشوم او یوه مېرمنه وژل شوې ده.
ځایي سرچینو افغانستان انټرنشنل ته خبر ورکړی، چې تېره ورځ د نورستان ولایت د کامدېش ولسوالۍ په کمو درې سیمه کې د ځمکې په سر د دوو کورنیو ترمنځ د وسلهوالې نښتې له کبله دوه کسان وژل شوي دي.
د پاکستان «ده نیوز» ورځپاڼې لیکلي، چې د طالبانو د پرلهپسې فشارونو او ملاحظاتو له امله د اګسټ په ۲۵مه او ۲۶مه اسلاماباد کې د افغان سیاستوالو کېدونکې ناسته ځنډېدلې ده. د دغه ناستې تابیا د سوېلي اسیا د سټراټېژیکو وړتیاوو موسسې له لوري نیول شوې وه.
د روسیې د ولسي جرګې مشر (دوما) ویچسلاو ولودین وایي، چې هغه به په روانه اونۍ کې له خپلو چینايي سیالانو سره پر روسیې د بندیزونو، فشار او بهرنيو لاسوهنو په اړه خبرې وکړي. هغه دارنګه ویلي، په دغه سفر کې به پر سوداګرۍ، اقتصادي اړیکو او بشري همکاریو هم خبرې وشي.
د طالبانو د اطلاعاتو او فرهنګ وزیر خیرالله خیرخواه اعلان کړی، چې د دغې ډلې «جهادي ارشیف» جوړوي. نوموړي په جوزجان ولایت کې د طالبانو له والي سره د لیدنې پر مهال ویلي، د جهادي موزیمونو ترڅنګ یو جهادي ارشیف هم جوړوي، چې د جهادي مبارزو تاریخي اسناد پهکې ساتل کېږي.
په اسلاماباد کې مېشت یو شمېر افغانان چې تازه یې د پاکستان ویزې رد شوې دي وايي، له کوم لامل پرته له اوږد انتظار وروسته یې ویزې رد شوې دي. د دغه افغانانو په خبره؛ ډېری رد شوې ویزې روغتیایي او سیاحتي وې.
د ملګرو ملتونو د استوګنې ادارې (UN-Habitat) دوشنبه (د وږي ۳مه) پر اېکس پاڼه لیکلي، د هرات ښار لویدیځ خوا ته په چټکۍ سره پراخېږي چې دغې چارې د ښار اصلي څېره اړولې او د خدماتو رسول یې ګران کړي دي.
پاکستانۍ رسنۍ ده نېشن خبر ورکړی، چې د افغانستان او پاکستان ترمنځ ټرانزیټي سوداګرۍ د پخوا پرتله ډېره وده کړې ده. د افغانستان د ترانزیټ ارزښت په جولای میاشت کې څه باندې سل مېلیونه ډالرو ته رسېدلی، په داسې حال کې چې په جون کې څه باندې ۶۰مېلیونه ډالر و.
ایراني رسنیو خبر ورکړی، چې ایران سېشنبه په سویس کې له جرمني، فرانسې او برېتانیا سره د ایران پر اټومي موضوع خبرې کوي. د راپورونو له مخې؛ د دغه خبرو اجنډا د ایران اټومي تاسیسات او پر دغه هېواد د لګول شویو بندیزونو لرې کول دي.
د طالبانو د لوړو زدهکړو وزیر ندا محمد ندیم ویلي، چې اوسمهال د افغانستان په ډېری مرکزي پوهنتونونو کې د ماسټرۍ او دوکتورا لپاره فرصتونه برابر شوي او له همدې امله ډېره اړتیا نهشته چې بهرنیو هېوادونو ته سفرونه وشي.
د مئ میاشتي تر شخړو وروسته د هند او پاکستان لومړي وزیران د ملګرو ملتونو عمومي اسمبلۍ ۸۰مې غوندې ته وینا کوي. دغه غونډه به د راروانې سپټمبر میاشتې په وروستیو کې جوړه شي.
د ملګرو ملتونو د استوګنې اداره (UN-Habitat) وايي، چې دا مهال د افغان کډوالو لپاره د خوندي او مناسبې سرپناه نشتوالی د دوی د بیامېشتېدنې بهیر پر وړاندې لوی خنډ دی.
د طالبانو د امربالمعروف او شکایتونو اورېدو وزیر خالد حنفي نورستان ته د خپل سفر پر مهال دیني عالمانو ته په وینا کې ویلي، چې د امربالمعروف قانون پلي کېدو لپاره دې د هېچا پروا نهکوي. هغه زیاته کړې، که ټوله نړۍ او افغانان «کنځلې» کوي بیا هم دا قانون پلی کړئ.
دغه سیالۍ چې په فرانسه کې د بېلابیلو ورزشي رشتو د لوبغاړو ترمنځ ترسره شوې، زکي وطن دوست او مرتضی احمدي پهکې د افغانستان په استازولۍ او د ښځو د ملاتړ په موخه ګډون کړی دی.
د هندوستان په شمالي ایالت اترپردېش کې د زیارت کوونکو موټر د ټکر له امله ۸ کسان مړه او ۴۳ نور ټپيان شوي دي. په ټپيانو کې د درېیو زیارت کوونکو روغتيايي حالت نازک ښودل شوی دی.