د سرو زرو نړۍواله شورا وايي، چې په هند کې د ۲۰۲۵کال په اوږدو کې د سرو زرو مصرف د ۶۰۰ او ۷۰۰ټنو ترمنځ اټکل شوی دی. دغه وړاندوینه په داسې حال کې شوې، چې د سرو زرو بېسارې لوړې بیې د بازار تقاضا کمه کړې ده.
د طالبانو د کرنې او مالدارۍ وزارت مرستیال مولوي صدراعظم عثماني په کابل کې د اندونیزیا له شارژدافیر نندا ایوالیست سره لیدلي دي. په دغه لیدنه کې دواړو خواوو د افغانستان او اندونیزیا ترمنځ د کرنیزو، بڼوالۍ او مالدارۍ محصولاتو د صادراتو په برخه کې د همکاریو پر پراخېدو خبرې وکړې.
په کونړ کې د طالبانو د کانونو او پټرولیم ریاست خبر ورکړی، چې نږدې «۱۲سوه کیلو ګرامه» ګران بیه ډبرې یې په «۱۶۲ مېلیونه افغانیو» پلورلې دي. یاده ډله وایي، دغه ګران بیه ډبرې یې د ازادې بولۍ له لارې پلورلې دي، چې لسګونه سوداګرو په کې ګډون کړی و.
په خېبرپښتونخوا کې سرچینو افغانستان انټرنشنل-پښتو ته ویلي، چې پاکستاني پوځ د بنو ولسوالۍ په نور سیمه کې د نامعلومې مودې لپاره ګرځبندیز لګولی دی. د سرچینو په وینا؛ دغه پرېکړه وسلهوالو ډلو پر وړاندې د پراخو عملیاتو د ترسره کولو په موخه شوې ده.
خوست ولایت ته د اروپايي ټولنې شارژادافیرې ویرونیکا بوسکوویچ بوهار د خپل سفر پر مهال د طالبانو والي عبدالقیوم روحاني ته ډاډ ورکړی، چې په روغتیايي او نورو برخو کې به خپلو مرستو ته دوام ورکړي.
په داسې حال کې چې افغان نجونې او ښځې په بشپړ ډول له خپلو بنسټیزو حقونو محرومې شوې دي؛ د طالبانو د امربالمعروف، نهې عن المنکر او شکایتونو اورېدو وزارت ادعا کړې، چې په پکتیا کې د ۱۶کلنې دښمنۍ ختمېدو په بدل کې د یوې نجلۍ د ودولو مخنیوی شوی.
د امریکا ولسمشر ډونالډ ټرمپ ویلي، چې د فلسطیني دولت د جوړېدو لپاره د کاناډا وروستی ملاتړ به د دواړو هېوادونو ترمنځ د سوداګرۍ تړون ته رسېدل ستونزمن کړي.
د بېځایه شویو نړۍوال سازمان خبرداری ورکړی، چې د امریکا ولسمشر ډونالډ ترمپ له لوري له یاد هېواد څخه د یو شمېر افغان کډوالو د اېستلو په تړاو پرېکړه د دغو افغانانو د «مرګ په مانا» ده. دغه سازمان زیاته کړې، چې دغو افغانانو د ترهګرۍ پر وړاندې له امریکا سره مرسته کړې.
د ایران د بهرنیو چارو وزیر عباس عراقچي له فایننشل ټایمز سره په یوې مرکه کې ویلي، چې د تهران او واشنګټن ترمنځ د مذاکراتو لاره «ډېره تنګه» شوې او متحدهایالات باید د دغه مذاکراتو تر بیا پیلېدو مخکې د «غرامت» پر ورکړې هوکړه وکړي.
د ایران د بهرنیو چارو وزارت د دغه هېواد د انرژۍ پر سکټورونو د امریکا متحدهایالتونو نوي بندیزونه په کلکه غندلي دي. د ایران د بهرنیو چارو وزارت ویاند اسماعیل بقايي وايي، دغه بندیزونه ناقانونه او ظالمانه دي او د ایران له خلکو سره د امریکا دښمني ښیي.
په کابل کې یو شمېر هغه ځوانان او کسان چې غواړي له افغانستانه قطر ته دندو لپاره ولاړ شي؛ افغانستان انټرنشنل ته ویلي، طالبان د «کارګرو د نوملیکنې» تر عنوان لاندې له هر کس ۲۰۰ افغانۍ اخلي او دا بهیر یې د شخصي عوایدو یوه سرچینه ګرځولې ده.
د حماس تر واک لاندې د غزې حکومت رسنیز دفتر او روغتیايي چارواکو ویلي، چې یوازې پرون (چهارشنبه) لږترلږه ۷۱ فلسطینیان د اسراییلي ځواکونو لهخوا د بشري مرستو ترلاسهکولو په هڅه کې وژل شوي دي.
چین د خپلو اقتصادي او ستراتیژیکو موخو په چوکاټ کې پر افغانستان د خپل نفوذ پراخولو هڅې زیاتې کړې دي. د دغه هېواد یو له مهمو موخو څخه افغانستان ته د چين-پاکستان ستر اقتصادي دهليز (CPEC) غځونه ده؛ خو پر وړاندې یې امنیتي ننګوونې یوه لویه اندېښنه ده.
د چین ساحل ساتونکو اعلان وکړ، چې د سکاربورو ساحل ته نږدې یې په اوبو کې ګزمې کړې دي. د چینایي چارواکو په وینا؛ دغه اقدام د چین د سمندري حاکمیت، حقونو او ګټو د «کلکې» دفاع په موخه شوی دی.
د امریکا د متحدهایالتونو مشرانو جرګې پرون له هغه پرېکړهلیک سره مخالفت وکړ، چې اسراییل ته د وسلو د خرڅلاو بندېدو غوښتنه یې کوله. دا طرحه د ډېموکراټانو سناتور برني سانډرز لهخوا وړاندیز شوې وه.
د امریکا ولسمشر ډونالډ ټرمپ اعلان وکړ، چې هېواد یې له سوېلي کوریا سره یو نوي سوداګریز تړون ته رسېدلی دی. د دغه تړون له مخې؛ امریکا به له سوېلي کوریا نه پر وارد شویو توکو ۱۵ سلنه تعرفه ولګوي، چې دا تعرفه پخوا ۲۵ سلنه وه.
د طالبانو تر واک لاندې افغانستان څخه د ګاونډیانو د امنیتي اندېښنو په لړ کې تاجکستان هم پر خپله پوله د احتمالي ترهګریزو بریدونو د مخنېوي لپاره امنیتي تدابیر پیاوړي کړي دي.
د پاکستان په پنجاب ایالت کې د سختو بارانونو او سېلابونو له امله د ماشومانو په ګډون شپږ کسان مړه شوي دي. په حسن عبدال سیمه کې یو موټر چې لس کسان یې لېږدول په سېلاب کې ډوب شوی، چې له امله یې د څلورو ښځو جسدونه موندل شوي؛ خو د یو څلور کلن ماشوم لټون لا هم روان دی.
د سپینې ماڼۍ یوه چارواکي ويلي، د امریکا ولسمشر ډونالډ ټرمپ په دې باور دی چې د فلسطین دولت په رسمیت پېژندل حماس ډلې ته د انعام ورکولو په معنا ده او ټرمپ نه غواړي داسې اقدام وکړي.
د جرمني مشهوره د ورزشي توکو شرکت اډیډاس اعلان کړی، چې ښایي د خپلو محصولاتو بیې په متحده ایالاتو کې لوړې کړي. دا اعلان وروسته له هغه شوی، چې د ولسمشر ډونالډ ټرمپ له خوا وضع شوې نوې ګمرکي تعرفې د شرکت لګښتونه په میلیونونو یورو زیات کړل.
د امریکا ولسمشر ډونالډ ټرمپ یو ځل بیا ژمنه وکړه، له هغو افغانانو سره چې په افغانستان کې یې د امریکا له حکومت او پوځ سره کار کړی او اوس په امریکا کې د اقامت په لټه کې دي مرسته کوي.