د طالبانو د کډوالو او بېرته راستنېدونکو چارو وزارت خبر ورکړی، چې د پاکستان له بېلابېلو زندانونو شاوخوا ۱۱۹ تنه افغانان (د غوایي په ۲۲مه) تر خوشې کېدو وروسته افغانستان ته ستانه شول.
د طالبانو تر واک لاندې باختر اژانس خبر ورکړی، چې تېره ورځ له ایران او پاکستان نه ۴۹۳ کورنۍ بېرته افغانستان ته راستنې شوې دي.
د طالبانو تر واک لاندې باختر اژانس خبر ورکړی، چې د بلخ ولايت په مرکز مزارشریف ښار کې د افغانستان او ازبکستان ترمنځ ګډه سوداګریزه خونه پرانیستل شوه.
په پنجشیر ولایت کې د طالبانو د اطلاعاتو او کلتور ریاست چارواکي وایي، چې د دغه ولایت د عنابې ولسوالۍ په بازار کې یې یو شمېر کتاب پلورنځي پلټلي دي. وايي، دوی هغه کتابونه لټول چې د دغې ډلې د حکومت له لوري پرې بندیز لګول شوی.
ابوظبي ته د ډونالډ ټرمپ د سفر په درشل کې، د امریکا د بهرنیو چارو وزارت ویلي، چې پر متحده عربي اماراتو یې د ۱.۴ میلیارد ډالرو په ارزښت پوځي تجهیزاتو او الوتکو د خرڅلاو اجازه یې صادره کړې ده.
د طالبانو د ټولګټو چارو وزارت خبر ورکړی، چې په تېرو دوو اوونيو کې د اوسپنې پټلۍ له لارې ۱۵۳۵۳۳ مټریک ټنه نفتي او غیرنفتي انتقالات شوي دي.
د اندونیزیا پوځ د دغه هیواد په لوېدیځ کې د مهماتو په یوه زوړ ډېپو کې د چاودنې له امله د څلورو عسکرو په ګډون د لږ تر لږه ۱۳ کسانو د وژل کېدو پخلی کړی دی.
د طالبانو تر واک لاندې باختر اژانس خبر ورکړی، چې د دغې ډلې د تخنیکي او مسلکي زدهکړو ادارې مشر غلام حیدر شهامت د کازان ۱۶م پړاو ناسته کې د ګډون لپاره روسیې ته تللی.
د برېتانیا محکمه د سیف الرحمان احمدزي په نوم یو افغان قاچاق کوونکی چې په جنسي تېري او له پناه غوښتونکو په باج اخیستنې تورن دی، بلجیم ته لېږدوي. د ډېلي مېل ورځپاڼې د راپور له مخې، هغه چې په لس کلن بند محکوم شوی؛ خپله د بند موده به په بلجیم کې تېره کړي.
د اسټرالیا د روغتیا وزارت پخوانۍ وزیره سوزان لي د دغه هیواد د اپوزیسیون لېبرال ګوند د لومړۍ ښځینه مشرې په توګه وټاکل شوه. اغلې لي د اسټرالیا د لیبرال ګوند د مشرتابه ټاکنې د خپل سیال انګس ټیلر په وړاندې د ۲۹ او ۲۵ رایو ترمنځ د ۴ رایو په توپیر سره ګټلې دي.
د سوريې دولتي رسنيو راپور ورکړی، چې د دې هېواد د انتقالي حکومت ولسمشر احمد الشرع د عرب ليګ په غونډه کې ګډون نه کوي.
د پاکستان او هند ترمنځ له اوربند وروسته د هند کرېکټ بورډ د کرېکټ تجارتي سیالیو ای پي اېل د بیا پیل اعلان وکړ.
په داسې حال کې چې د پاکستان په ګډون په درېیمو هېوادونو کې د متحدهایالتونو زرګونه افغان همکاران دغه هېواد ته د تګ په تمه دي، امریکا په دې وروستیو کې ۵۹ «سپینپوستو افریقایانو» ته د «نژادي تبعیض د قربانیانو په توګه» پناه ورکړې ده.
د کاناډا لومړي وزیر مارک کارني د برېتانيا له لومړي وزير کېير سټارمر سره په ټلیفوني خبرو کې هوکړه وکړه، چې دواړه هېوادونه به سوداګریزې او دفاعي اړیکې سره پیاوړې کوي.
د روسیې د بهرنیو چارو وزیر سرګي لاوروف له خپل ترکي سیال سره د هغو مسایلو په اړه مشورې کړې دي، چې د اوکراین سره د مستقیمو خبرو اترو پورې تړاو لري. ټاکل شوې ده، چې دغه خبرې اترې (د غويي په ۲۵مه) ترسره شي.
د موبي ګروپ او طلوع نیوز بنسټګر سعد محسني وایي، چې اقتصادي پرځېدل، بشري ناورینونه او د ټولګډونه حکومتولۍ نشتوالی د افغانستان اساسي ننګونې دي. د نوموړي په وینا، له دې ستونزو سره-سره افغانستان هغومره هم غېرفعال نه دی، لکه څنګه چې ډېری خلک یې په اړه فکر کوي.
په داسې حال کې چې په هېواد کې هوا ورځ تر بلې په ګرمېدو ده او ډېری کډوال سرپناه نهلري، د طالبانو د ویاند مرستیال حمدالله فطرت وايي، د راستنېدونکو افغان کډوالو د استوګنې لپاره د ۳۵ ښارګوټو د جوړېدو طرحه جوړه شوې او ۲۵ ولایتونو کې به تطبیق شي.
اېفبیای خپلو ځواکونو ته لارښوونه کړې، چې د مهاجرتي قوانینو پر تطبیق باندې ډېر وخت ولګوي.
د امریکا ولسمشر ډونالډ ټرمپ د قطر دولت لهخوا د ډالۍ په توګه د یوې ګرانبیه الوتکې د منلو په تړاو نیوکې او اخلاقي اندېښنې رد کړې او په وینا یې، له دې «لویې مهربانې» ډالۍ نه انکار «لېونتوب» دی.
په دې اوونۍ کې به د ټولو سترګې د خلیج سیمې ته وي، ځکه چې د امریکا ولسمشر ډونالډ ټرمپ خپل لومړی رسمي بهرنی سفر پیلوي. اوس پوښتنه دا ده، چې د سعودي عربستان، قطر او متحده عربي اماراتو پلازمېنو ته د ډونالډ ټرمپ له سفر څخه به څه ترلاسه شي.؟
د دیني عالم مولوي بشیراحمد حنفي د کورنۍ یوه غړي افغانستان انټرنشنل - پښټو ته منلې، چې نوموړی له مصر نه تر راستنېدو یوه ورځ وروسته د طالبانو استخباراتو نیولی. د حنفي د کورنۍ غړي د نوم د نه ښودلو په شرط وویل، هغه له ۸ ورځو راهیسې د هلمند د مرکز په لښکرګاه زندان کې دی.