د طالبانو ویاند: د امارت پر ضد د تبلیغاتو مخنیوي لپاره مولانا فضل الرحمان کابل ته بلل شوی

نوموړي نن په خپله اېکس پاڼه کې ویډیوي پېغام خپورولو سره بهر ته د ډبرو سکرو د صادراتو په اړه معلومات ورکړي دي.

اخوندزاده عبدالسلام جواد په دغه ویډیوي پېغام کې دا نه ده روښانه کړې چې په کومه اندازه سکاره دغه هر هیواد ته صادر شوي دي.

او نه هم ددغو عوایدو پروسې روڼتیا په اړه کوم معلومات ورکړي دي.

له دې وړاندې د افغانستان د پخواني ولسمشر محمد اشرف غني لومړي مرستیال امر الله صالح په ټوېټر پاڼه کې ادعا کړې وه، چې داسې اسناد یې موندلي چې له مخې یې د سمنګانو د سکرو له عوایدو ۲۵ میلیونه ‌‌‌‌‌‌ډالر غلا شوي.

ښاغلی صالح زیاتوي، چې په دې برخه کې د طالبانو پلټونکې ‌‌‌‌‌‌ډلې تر دې مهاله د غلا او درغلیو څوارلس پېښې څېړلې، چې په هغو کې د طالبانو د کانونونو وزیر شهاب الدین دلاور ښکېل دی.

ښاغلي صالح ادعا کړې، چې د سکرو د کان ټول عواید د بانکي سیستم پر ځای د حوالو له لارې لېږل کېږي، چې د همدغو حوالو له لارې د سکرو د عوایدو یوه برخه دوبۍ ته د شهاب الدین دلاور د زوی بانکي حساب ته لېږدول شوې ده.

طالبان تل کوښښ کوي چې د خپلو چارواکو د فساد دوسیو په اړه خاموشه پاتې شي او په اړه یې رسنیو ته معلومات نه ورکوي.

دوی تل په دې هڅه کې وي چې د خپلو چارواکو د فساد دوسیې پټې وساتي.

ان یو شمېر کارپوهانو له ګاونډیو هېوادونو سره د کانونونو په تېره بیا د ‌‌‌‌‌‌ډبرو د سکرو د تړونونو پر سر نېوکې کړې وې او دا یې ویلي وو چې ګواکې دغه تړونونه ‌‌‌‌‌قانوني بڼه نه لري او د افغانستان کانونه ‌‌‌‌‌‌په ‌‌‌‌‌‌ډېره ارزانه بیه لیلامیږي.

د طالبانو د اعلامیې له مخې، رشید مرادوف زیاته کړه، د افغانستان او ترکمنستان ترمنځ د سوداګرۍ د پراختیا لپاره باید دواړه لوري یوه منظمه تګلاره جوړه کړي.

ښاغلی مرادوف او ور سره پلاوی پرون ناڅاپه د هرات تورغونډۍ بند ته ورسېد او هلته یې د افغانستان او ترکمنستان ترمنځ د پټلۍ چارې هم له نږدې ولیدې.

د نوموړي لیدو ته له کابل د طالبانو د بهرنیو چارو، د سوداګرۍ او صنعت، د کانونو او پټرولیم وزیران هم ورغلل.

طآلبان وايي، د دې ډلې چارواکو له ترکمن پلاوي سره لیدنه کې د ټاپي پروژې پر مهموالي هم بحث وکړ او ویي ویل، چې دا هیواد د یادې پروژې د تطبیق لپاره چمتو دی او پر ژر پیلیدو یې ټینګار وکړ.

د طالبانو د بهرنیو چارو سرپرست امیر خان متقي په دې کتنه کې د دواړو هیوادونو ترمنځ د سوداګریزو اړیکو پر زیاتیدو ټینګار وکړ او همداراز یې وویل، چې واک ته د طالبانو له رسیدو وروسته د ټاپي پروژه له لسیزو ځنډ وروسته د دواړو لوریو په ګډو هڅو سره به عملاً پیل شي.

نوموړي ډاډ ورکړ چې د افغانستان په خاوره کې د ټاپي نل‌ليکې د کيندنې د پیل لپاره ټولې چارې بشپړې شوي دي.

دا په داسې حال کې ده، چې هرات ولایت ته د طالبانو د کابینې یو شمیر وزیرانو په سفر او یوې ولسي غونډه کې په خبرو کې وویل، چې د ټاپي پروژې تطبیق به د هیواد د اقتصادي ودې ترڅنګ زرګونو کسانو ته د کار زمینه برابره کړي.

د کانونو او پټرولیم وزیر شهاب الدین دلاور هم یو ځل بیا ټینګار وکړ، چې د طالبانو حکومت ددې پروژې تطبیق ته بشپړ چمتوالی لري.

د ترکمنستان، افغانستان، پاکستان او هندوستان ترمنځ د ټاپي پروژې فکر شاوخوا ۲۵ کاله مخکې رامنځته شو، خو دغه پروژه د ځینو تخنیکي، سیاسي او امنیتي ستونزو له امله تراوسه تطبیق نه شوه.

دغه پروژه چې د جمهوریت په وخت هم پرانېستل شوې او ټاکل شوې وه چې کارونه یې په څلورو کلونو کې بشپړ شي خو بیا هم د همدې ستونزو له امله یې چارې پیل نه شوې.

جنرال مبین په طالبانو کې د پاکستان له سختو نیوکګرو دی او کله کله مخامخ یا څنګزن پر مولانا فضل رحمان هم انتقادونه کوي.

په اسلام اباد کې د طالبانو سفیر سردار احمد شکیب پرون مولانا فضل رحمان ته د کابل د سفر بلنلیک وسپاره.

جنرال مبین په خپل اېکس دغه بلنلیک ته په غبرګون کې لیکلي: « د کرایې له پوځ سره یې د پروژی د تطبیق خبرې کړې، خو الله به یې ټول پلانونه شنډ کړي. افغانستان اسلامي امارت ورته بیداره ده.»

دغه طالب جنجالي څیرې په خپل اېکس کې د مولانا فضل الرحمان ته د کابل سفر له بلنې وروسته درې ټویټونه کړي دي.

په یوه ټویټ کې یې لیکلي « د کرایې پوځ مشر چې امریکا ته تللی و بیرته نا اومیده راغی امریکایانو چغه کړ، واښه یې ورته وانه چول نو اوس یې بله حربه را مخکې کړه، په اوس وخت د دغو خلکو راتګ افغانستان ته ګټه نه بلکې زیان رسوي دا سفر هم استخباراتی سفر ده »

مولانا فضل الرحمان چې د طالبانو په معنوي پلار هم مشهور دی، له څو لسیزو راهسې یې په افغانستان کې د طالبانو جګړه روا بللې او د دغې ډلې سیاسي ملاتړی دی.

د طالبانو د بیا ځلي واکمنۍ کې دا لومړی ځل دی چې مولانا فضل الرحمان ته یې افغانستان ته د سفر بلنه ورکړې ده او هغه هم داسې وخت کې چې د پاکستان او افغانستان اړیکې چندانې ښې نه ښکاري.

د پاکستان حکومت پر طالبانو نیوکې کوي او وایي، د دوی په واکمنېدو سره په دغه هیواد کې د پاکستاني طالبانو بریدونه څو برابره زیات شوي دي.

پاکستان له دغو بریدونو وروسته له طالبانو غوښتي چې د پاکستاني طالبانو مشران دوی ته وسپاري.

هغه څه چې طالبان یې تل ردوي او له پاکستانه یې غوښتي چې دوی دې د تورونو پرځای د خپلې خاورې امنیت وساتي.

د افغانستان د تېر جمهوري نظام د ملي امنیت رییس رحمت الله نبیل پرون په خپله اېکس پاڼه کې افغانستان ته د مولانا فضل الرحمان د بلنې په غبرګون کې لیکلي دي چې اوس مولانا فضل الرحمان غواړي د پاکستان له استخباراتي ادارو څخه په دې نامه پیسې ترلاسه کړي چې افغان طالب مشرانو ته رشوت ورکولو سره هغوی قانع کړي چې یا د ټي ټي پي مشران پاکستان ته وسپاري او یا هم دغه ډله خبرو اترو ته چمتو کړي.

نبیل زیاتوي « ملا له جومات نه پیسې غلا کوي، خو وايي چې دا د خدای دي »

رحمت الله نبیل په خپل ټویټ کې دا نه ده په ډاکه کړې چې دغه میلیونونه ډالره مولانا فضل الرحمان ته په تېر جمهوري نظام کې کوم واکمن ورکړي وو.

تېره ورځ د پاکستان جمعیت علما اسلام رسنیز دفتر په خپله اېکس پاڼه کې لیکلي و، په اسلام اباد کې د طالبانو سفیر سردار احمد شکیب د مولانا فضل الرحمان کور ته ورغلی او هغه ته یې افغانستان د سفر بلنه ورکړې ده.

دواړو په دغه لیدنه کې د سیمې او د افغانستان او پاکستان پر اړیکو خبرې کړې دي.

دوی ویلي چې د افغانستان او پاکستان ښې اړیکې په سیمه کې د امنیت ضامن دي.

څیړونکي په دې باور دي چې پاکستان استخباراتي ادارې په افغانستان کې د ځیني سیاسي او مذهبي ګوندونو مشران پر خپلو سیاسي موخو سربېره د پېغام وړونکي په توکه کاروي.

مولانا فضل الرحمان او ډله یې د پاکستان نظامي ادارو سره نژدې اړیکې لري.

تر اوسه د مولانا فضل الرحمان رسنیز خپرپاڼه کې نه ده روښانه کړې چې دغه سفر په کومه نېټه کېدونکی دی.

د اسټرالیا بهرنیو چارو وزارت لخوا په خپره شوې خبرپاڼه کې ویل شوي چې نړۍ د ۱۱۴ میلیون څخه د زیاتو بې ځایه شویو کډوالو له لوی ناورین سره مخ ده، اسټرالیا هڅه کوي چې د بیا مېشتیدنې په نړیوالو هڅو کې مخکښ رول ولوبوي.

د خبرپاڼې له مخې، دغه هیواد د پناه غوښتنې مشورتي پینل رامینځته کړی چې هڅه کوي د اسټرالیا د اوسیدو د پروګرامونو په اړه غوښتونکو ته مشورې ورکړي.

تر دې وړاندې یوې اسټرالیايي رسنۍ راپور ورکړی و، چې دغه هېواد د افغانانو د بشري ویزې څه باندې ۵۰ زره غوښتنلیکونه رد کړي او ۱۴۴ زره غوښتنلیکونه پاتې دي.

دغې شبکې لیکلي چې له هغه راهیسې چې طالبان د ۱۴۰۰ لمریز کال د زمري په ۲۴ مه واک ته ورسېدل، شاوخوا ۲۰۸ زره افغانانو د دغې ډلې له ګواښ څخه د خلاصون لپاره د اسټرالیا ویزې غوښتې دي.