په ترکیه کې د پاکستان او طالبانو د پلاویو ترمنځ له خبرو سره هممهاله، پاکستاني رسنیو راپور ورکړی چې د دغه هېواد امنیتي ځواکونو د خیبر پښتونخوا په کرک سیمه کې د دا.عـ.ش خـ.ـراسان ډلې یو مهم قوماندان وژلی دی.
پاکستاني ورځپاڼې «ډان» په خپل راپور کې ویلي چې وژل شوی کس «نثار حکیم» نومېږي او د داعش خراسان ډلې له مهمو قوماندانانو څخه و.
راپور زیاتوي چې پولیسو د استخباراتي معلوماتو له ترلاسه کولو وروسته د کرک ولسوالۍ په «امبري» کلي کې د نثار حکیم پر پټنځای برید وکړ.
پولیس وایي، د برید پر مهال د وسلهوالو او پولیسو ترمنځ جګړه وشوه چې شاوخوا څلور ساعته یې دوام وکړ.
پولیسو زیاته کړې چې د نښتې پر مهال نثار حکیم وژل شوی او د پاکستاني پولیسو څلور افسران ټپيان شوي دي.
ځینې سرچینې وايي چې نثار حکیم د پاکستان جمعیت علمای اسلام ګوند پر مشر مولانا فضل الرحمن د ناکامې ترورېستي حملې اصلي طراح ګڼل کېده.
