د برېتانیا بهرنیو چارو مشترکالمنافع او پراختیا ادارې ویلي، سراج الدین حقاني او جلالالدین حقاني لا هم د دوی د بندیزونو په نوملړ کې دي. دوی زیاته کړې، چې پر یادو کسانو د سفر او د شتمنیو د کنګل بندیزونه دوام لري. دوی په دې اړه معلومات هم تازه کړي دي.
د ملګرو ملتونو د خوړو نړیوال پروګرام (ډبلیواېفپي) وايي، اروپايي ټولنې په افغانستان کې د اقلیمي بدلونونو پر وړاندې د مقاومت پیاوړتیا او د خوړو د سیمهییزو سیستمونو د ملاتړ لپاره ۱۵ میلیونه یورو مرسته کړې ده.
د اوکراین د شخصي پوست او کوریر شرکت «نووا پُشتا» وايي، د روسیې په بریدونو کې د پلازمېنې کییف ته څېرمه او د اوکراین په شمال کې د سومي ښار د دغه شرکت د توکو د وېش مرکزونه ویجاړ شوي دي.
د پاکستان د بلوچستان ایالت د دوکي ولسوالۍ په یوه سکرو کان کې د زهرجن ګاز د خپرېدو له امله د دوو افغان وګړو په ګډون درې کانکیندونکي مړه شوي دي.
پخوانۍ امریکايي ډېپلوماټه لورل میلر او د نړیوال بحران ډلې پخواني شنونکي ګریم سمیت د «امریکا وروسته افغانستان» په نوم د «فارن افرز» مجلې په پوډکاسټ کې ټینګار کړی چې د افغانستان د جګړې هېرېدو، په دې هېواد کې د امریکا د دوو لسیزو د حضور د پرېکړو او تېروتنو ارزونه ستونزمنه کړې ده.
د نیپال پوځ د هېواد په شمال کې د یو برېښناکوټ پروژې په تونل کې د بند پاتې شاوخوا ۱۰۰ کسانو د ژغورنې عملیات پيل کړي دي. دغه کسان د راسووا ولسوالۍ د اپر تریشولي د برېښناکوټ پروژې په تونل کې د سختو سېلابونو له امله بند پاتې دي.
په پاکستان کې د افغان کډوالو د بېرته ستنېدو له بهیر سره هممهاله، د خیبر پښتونخوا په پېښور او نورو سیمو کې د افغانانو د بانکي حسابونو، کاروبارونو او شتمنیو په اړه د احتمالي اقداماتو اندېښنې زیاتې شوې دي.
د بحران نړیواله ډله وايي، په منځني ختیځ کې د جګړې پراخېدل د پاکستان امنیتي او ډیپلوماتیکې ستونزې زیاتوي او د بلوڅو وسلهوالو د فعالیتونو له ډېرېدو سره ښايي له افغانستان سره د پاکستان د ترینګلتیا او د نوې وسلهوالې نښتې خطر هم لوړ شي.
د طالبانو د کانونو او پټرولیم وزارت وايي، د کانونو د سروې ریاست دوه مسلکي ټیمونه یې د هېواد سویلي او لوېدیځو سیمو ته استولي، څو د جیولوجیکي نقشو د جوړولو چارې پیل کړي او د افغانستان د معدني زیرمو د ظرفیتونو د کره پېژندنې او غوره مدیریت لپاره لازم علمي معلومات راټول کړي.
سرچینو ویلي، طالبانو د عملیاتو پر مهال د «شمس خرابات او بابه» په ګډون ۴ سیمه ییز مخالف قومندانان وژلي دي. دغه عملیات د پنجشنبې په شپه د بغلان په نهرین او خوست ولسوالیو کې تر سره شوي دي.
سویلي کوریا د امریکا د ولسمشر ډونالډ ټرمپ د هغو هڅو ملاتړ کړی چې غواړي له شمالي کوریا سره خبرې بېرته پیل کړي. سویلي کوریا وايي، په دغو خبرو کې باید د شمالي کوریا د اټومي وسلو د له منځه وړلو په برخه کې د پام وړ پرمختګ وشي.
د قطر لومړی وزیر د پنجشنبې په ورځ تهران ته تللی او هڅه کوي د شپږ مياشتنۍ جګړې وروسته درېدلی ډيپلوماټيک بهیر بیا فعاله کړي. دا سفر په داسې وخت کې شوی چې د امریکا ولسمشر ډونالډ ټرمپ ویلي، واشنګټن اوس مهال له ایران سره خبرې نه کوي.
د پاکستان تر ادارې لاندې کشمیر کې له جون راهیسې روان اعتراضونه، د امنیتي ځواکونو د ځپنې او انټرنېټي بندیزونو سربېره، دوام لري. د «جمو او کشمیر د بشري حقونو څار» اداره وايي، په دغو اعتراضونو کې ۸۹ کسان وژل شوي دي.
د خیبر پښتونخوا پولیسو خبر ورکړی، چې د پېښور د ترهګرۍ ضد مبارزې ځواکونو د استخباراتي معلوماتو پر بنسټ په میراکچوري سیمه کې د عملیاتو په ترڅ کې، د یو افغان وګړي په ګډون څلور تنه د ترهګرۍ په تور وژلي.
د پاکستان امنیتي ځواکونو په خیبرپښتونخوا او بلوچستان کې د استخباراتي معلوماتو پر بنسټ په بېلابېلو عملیاتو کې د تحریک طالبان پاکستان (ټي ټي پي) په ګډون د ۱۱ وسلهوالو د وژلو ادعا کړې ده.
د امریکا د ډیموکراسۍ ملي بنسټ مشر ډېمن مکوېلسن وايي چې واک ته د طالبانو له بیا ستنېدو پنځه کاله وروسته هم د افغانانو د ازادۍ او ډیموکراسۍ لپاره هڅې دوام لري او طالبان له قدرت سره، نه شي کولای د افغانانو افکار، هیلې او د هغوی د هېواد لپاره تصور شوی راتلونکی کنټرول کړي.
د افغانستان د پخواني حکومت د دفاع وزارت دسرپرست وزیر شاه محمود میاخېل وايي، په کابل کې د ایران د سفیر او د شهزاده سرای له صرافانو سره وروستۍ لیدنه د افغانستان د غیررسمي مالي سیستم او د سیمې د اقتصادي اړیکو له پلوه جدي څېړنې ته اړتیا لري.
د افغانستان متحدې جبهې ادعا کړې چې ځواکونو یې د فاریاب او غور ولایتونو ترمنځ د لویې لارې په مربوطاتو کې د طالبانو پر یوې پوستې برید کړی چې په پایله کې یې د جبهې په وینا، دوه تنه وژل شوي او درې نور ټپیان شوي دي.
د ملګرو ملتونو د بشري حقونو دفتر ویلي چې د امریکا د ولسمشر ډونالډ ټرمپ د ادارې لهخوا د «فلسطین اېکشن» ډلې د ترهګرې ډلې په توګه نومول د بیان پر ازادۍ «غیرمتناسب او غیرضروري محدودیت» دی.
د هرات له مرکزي زندان څخه دوو ازاد شویو زندانیانو افغانستان انټرنشنل ته ویلي، چې ډېره ګڼهګوڼه، د خوړو په وېش کې ځنډ، اوبو او نورو اړینو وسایلو ته د لاسرسي سختۍ د دې زندان له مهمو ستونزو څخه دي.
د امریکا ولسمشر ډونالډ ټرمپ ویلي چې ایراني چارواکي له امریکا سره د خبرو او یوې هوکړې د ترلاسه کولو غوښتونکي دي او ادعا یې کړې چې هغوی د تړون لپاره «زارۍ کوي».