د طالبانو تر کنټرول لاندې ملي ټلوېزیون په بادغیس کې د یادې ډلې د ځایي چارواکو په حواله راپور ورکړی، چې د دغه ولایت په بالامرغاب ولسوالۍ کې د سېلابونو له امله پنځه کسه مړه شوي دي. د دوی په وینا؛ په قربانیانو کې درې ماشومان او دوه مېرمنې شاملې دي.
د طالبانو د کډوالو او بېرته راستنېدونکو چارو وزارت د پنجشنبې په ورځ (د غویي ۳مه) خبر ورکړی، چې په روانه اونۍ کې ۳۳۴ افغان کډوال چې د پاکستان په زندانونو کې بندیان وو؛ له زندانه تر خوشې کېدو وروسته بېرته افغانستان ته ستانه شوي دي.
د افغانستان لپاره د ملګرو ملتونو اماني صندوق ویلي، چې د اوبو کمښت لاهم د دغه هېواد یو له اصلي ننګونو څخه ده او یوازې د ګډ اقدام له لارې دغه ستونزه حل کېدای شي.
د طالبانو تر واک لاندې د صنعت او سوداګرۍ وزارت خبر ورکړی، چې اذربایجان ته د دغه ډلې تللي پلاوي د هغه هېواد د ترانسپورټ وزارت له معین سره په لیدنه کې د ټرانزیټ اسانتیاوو، د افغاني بار وړونکو موټرو د تګراتګ او د نفتي توکو د لېږد پر همکاریو خبرې کړې دي.
د سویلي وزیرستان واڼه، برمل، تنای، اعظم ورسک او کلوټای سیمو کې له تېرو دوو میاشتو راهیسې مخابراتي او انټرنېټي خدمتونه پرې شوي دي. ځايي اوسېدونکي وايي، د دغه خدمتونو د نشتوالي له امله د دوی ورځنی ژوند، کاروبار او د ماشومانو زدهکړې اغېزمنې شوې دي.
د طالبانو د صنعت او سوداګرۍ وزارت خبر ورکړی، چې د افغانستان صادرات او واردات د رېل پټلۍ له څلورو لارو څخه تر ۳۹ سلنه زیات شوي. یاد وزارت زیاته کړې، چې په ۱۴۰۴کال کې تر شپږ مېلیونه او ۱۰۰زره مټریک ټنو زیات صادرات او واردات شوي دي.
په افغانستان کې د روسیې د سوداګرۍ مرکز مشر رستم خبیبولین ویلي، چې طالبان غواړي له روسیې سره د څو نویو قراردادونو په لاسلیکولو له دغه هېواده د تېلو محصولات وپېري. د هغه په وینا؛ نوي قراردادونه به په مئ میاشت کې د روسیې-اسلامي نړۍوال اقتصادي فورم کې لاسلیک شي.
د خیبرپښتونخوا د سوات قومي جرګې د امنیتي وضعیت خرابېدو له امله حکومت ته یوه میاشت وخت ورکړی. یادې جرکې خبرداری ورکړی، که وضعیت ښه نهشي نو پراخ لاریونونه به وکړي. ځایي مشران وايي، په سوات کې وسلهوالې ډلې یو وار بیا فعاله شوې او دولت د امنیت په ټینګښت کې پاتې راغلی.
د طالبانو تر واک لاندې د کډوالو ستونزو ته د رسېدنې عالي کمېسیون د خپرو شویو شمېرو له مخې؛ په تېرو دوو ورځو کې نږدې ۱۰زره او ۸۷۸ کډوال له ایران او پاکستان نه افغانستان ته ستانه شوي دي.
د بېځایه شویو نړۍوال سازمان وايي، د افغان کډوالو د جبرې ستنېدو په اړه د اروپا او طالبانو خبرې او راپورونه له نږدې څاري. یاد سازمان له اروپا غوښتي، چې له طالبانو سره د خبرو او د افغانانو د جبري ستنولو پر ځای د کډوالو لپاره د خونديتوب لارې چارې پیاوړې کړي.
د امریکا د کانګرس یوشمېر استازو د ډونالډ ټرمپ د حکومت هغه طرحه غندلې، چې له مخې یې افغان کډوال کانګو ته لېږدوي. د کانګرس غړي خوان وارګاس دغه اقدام «وحشتناک او شرمونکی» وباله او ویې ویل، دا به له هغو کسانو سره چې د امریکا لپاره یې خپل ژوند له ګواښ سره مخ کړی؛ «غیرانساني» چلند وي.
د پاکستان په پلازمېنه اسلاماباد ښار کې پاکستاني پولیسو یوه افغان خبریاله د هغې خاوند او څلور کلن زوی سره یو ځای نیولې ده. دغه نیول شوې خبریاله تر دې وړاندې درې ځلې د پاکستان له بېلابېلو هوايي ډګرونو تنزانیا ته له سفر کولو ګرځول شوې ده.
د دودیزې غېږ نیونې نړۍوال فسټیوال نن پنجشنبه (د غویي ۳مه) د کابل په کوربهتوب پیلېږي. دغه سیالۍ د المپیک، بدني روزنې او سپورت عمومي ریاست په تالار کې ترسره کېږي، چې درې ورځې به دوام وکړي.
وروسته له هغو راپورونو چې ښيي په راتلونکو اونيو کې د طالبانو استازي بروکسل ته وبلل شي، د افغان ښځو يو ملاتړی بنسټ په پرانيستي ليک کې د اروپايي ټولنې له چارواکو وغوښتل چې له طالبانو سره له اړيکو ډډه وکړي او د افغانستان د بشري حقونو او د ښځو حقونو په اړه خپلو ژمنو ته ژمن پاتې شي.
د بشري حقونو څار بنسټ یوه تازه راپور کې وايي، پاکستان کې د افغان کډوالو د جبري اېستنې او د پولیسو د ناڅاپي چاپو کچه په بېسارې ډول لوړه شوې او له لومړنیو خدماتو محروم او همداراز په دوامداره وېره کې شپې او ورځې تېروي. دغه سازمان وايي، د پولیسو د چاپو له امله کورنۍ هم سره جلا شوي.
د طالبانو د کرنې، اوبو لګولو او مالدارۍ وزارت د کابل ښار په بادام باغ سیمه کې درې ورځنی کرنیز نندارتون پیل شوی دی. دا نندارتون د کرنیزو محصولاتو د بازارموندنې او د کوچیانو د اقتصادي ودې لپاره جوړ شوی دی.
په اسلاماباد کې د افغان کډوالو کيسې، ډېر وخت له پوليسو سره د مخامخ کېدو او د هغو ورځو او شپو څخه پيلېږي چې له وېرې او پټ ژوند سره تړلې دي. دا کيسې د ناڅاپي دروازې ټکولو، نيولو او د سلګونو ډالرو او کلدارو له ورکولو ډکې دي چې خلک يې د خلاصون لپاره ورکوي.
پښتونخوا کې د عوامي نشنل ګوند له پاکستان حکومت څخه غوښتی چې له افغانستان سره شته ستونزې د خبرو او له ډيپلوماټيکو لارو چارو حل کړي. دغه ګوند له ټولو ګاونډیو سره د برابرۍ پر بنسټ پر اړیکو له ټينګار سربېره په سمدستي توګه د افغانستان او پاکستان تر منځ د لارو د خلاصون غوښتنه کړې ده.
د پخواني ولسمشر اشرف غني د عامه اړیکو او ستراتیژیکو چارو سلاکار شاه زمان میوندي ویلي، د هېواد ستونزې پېچلې دي خو د حل لار یې روښانه ده. نوموړي ټینګار کړی چې پرته له مؤثرو ادارو، اقتصادي فرصتونو ثبات نهشي تامینېدای.
د نيويارک ټايمز ورځپاڼې د راپور له مخې، ایران سره د جګړې او د هرمز تنګي د تړل کېدو له امله د تېلو عرضه کمه شوې ده. له همدې امله د نړۍ ستر اقتصادي ځواکونه، لکه چين، جاپان، امريکا او اروپايي هېوادونه، د انرژۍ شته زېرمې په هره بيه اخلي.
ملګرو ملتونو ویلي، چې په ۲۰۲۵کال کې له ۸۴۰زره او ۸۲۶ څخه ډېرو کسانو په افغانستان کې د څښاک پاکو اوبو ته لاسرسی پیدا کړی دی.