څلورو سرچینو، چې یوه یې د طالبانو غړی او درې نورې یې د بدخشان د واخان ولسوالۍ اسماعیلي اوسېدونکي دي، افغانستان انټرنشنل ته ویلي چې د طالبانو ځواکونه په دې ولسوالۍ کې د اسماعیلي مذهب پیروان په زور اړ کوي چې د دوو پوځي کنډکونو لپاره د سون توکي برابر کړي.
د طالبانو د وسلهوالو مخالفو جبهو د فعالیتونو له پراخېدو سره اوس طالبان په خپلو ادارو کې د «نفوذیانو» او یا هم د دوی په اصطلاح «منفورو» کسانو پسې ګرځي. طالبانو پرون په هلمند کې دوه طالب جنګیالي د «نفوذیانو» په نوم نیولي او نن بیا په بلخ کې د «منفورو» کسانو پسې ګرځېدلي.
د پاکستان د بهرنیو چارو وزیر اسحاق ډار وایي، لندن ته یې د خپل سفر پر مهال د افغانستان له خاورې د ترهګریزو ګواښونو په اړه د اسلاماباد اندېښنې له برېتانوي لوړپوړو چارواکو سره شریکې کړې دي.
د ایران د پارلمان د ملي امنیت او بهرني سیاست کمېسیون مشر ابراهیم عزیزي وايي، د امریکا لپاره یوازینۍ پاتې لار دا ده چې د تهران ټول شرطونه ومني او خپلو ژمنو ته بشپړ درناوی وکړي.
د جرمني فدرالي محکمې د یوه افغان سړي د عمري بند سزا تایید کړې ده چې د ۲۰۲۵ کال د اپرېل په ۱۷مه یې په برلین کې خپله ۳۷ کلنه مېرمن په چاقو وژلې وه.
د غور د سپورټي ادارې مسوولین وايي، د دغه ولایت د غر ختونکو فدراسیون پنځو لوبغاړو په بامیان کې د غرختونکو ملي لوبډلې په تمریناتي کمپ کې له ګډون وروسته د غر ختونکو ملي لوبډلې غړیتوب ترلاسه کړ.
د پاکستان د بهرنیو چارو وزارت ویاند ویلي، که طالبان د خپلو ګټو پر ځای د هند په خدمت کې فعالیت وکړي او له افغان خاورې د پاکستان د بېثباته کولو لپاره کار واخیستل شي، اسلاماباد به طالبان د هند یوه «نیابتي ډله» وبولي.
د افغانستان رسنیو ملاتړ سازمان د طالبانو د استخباراتو له لوري په کابل کې د موبيګروپ اړوند د «لاپېس» رسنیز مرکز د فعالیتونو د بندولو پر پرېکړې ژوره اندېښنه څرګنده کړې. دغه سازمان له طالبانو غوښتي چې پر خپلې دغې پرېکړې بیا کتنه وکړي او د هغه د بېرته فعالېدو زمینه برابره کړي.
د لوګر ولایت لپاره د طالبانو د امنیه قومندانۍ مسوولین وايي، د دغه ولایت په مرکز کې د یوې ټرافیکي پېښې له امله ۳ کسان مړه او ۳ نور ټپيان شوي دي. ویل کېږي په دغو کسانو ښځې او ماشومان شامل دي او ټول د یوې کورنۍ غړي وو.
د کډوالۍ نړیوال سازمان (اې او ایم) وایي چې د کونړ ولایت په نورګل ولسوالۍ کې یې له زلزلهځپلو ټولنو سره په ګډه د ۹۸ اغېزمنو کورنیو د کورونو د بیا رغونې لپاره د مرستې بهیر پیل کړی دی.
د طالبانو له پېښو سره د مبارزې چمتووالي ادارې رييس د ملګرو ملتونو د پرمختیايي پروګرام له رييس سره کتنه کې له مرستندویانو غوښتي، چې د خپلو پروژو اداري لګښتونه راکم کړي، څو په وینا یې ډېره ګټه خلکو ته ورسېږي. هغه د پروژو د طرحې برخه کې هم له دې ادارې سره پر مشوره کولو ټينګار وکړ.
د امریکا د مرکزي استخباراتو ادارې (سياېای) پخوانۍ مامورې سارا اډمز ادعا کړې چې د کابل هوايي ډګر د «ابي ګېټ» برید عامل عبدالرحمن لوګری د طالبانو له بنده خوشې شوی و او د هغه د خوشې کولو مسوول طالب قوماندانان یې له مخکې پېژندلي دي.
د طالبانو د کور او ښار جوړولو وزارت وايي، د هبتالله اخوندزاده په ۵ بېلابېلو حکمونو سره په ۵ ولایتونو کې نږدې ۲۴ زره جریبه ځمکه کې د راستنېدونکو کډوالو د دایمي مېشتېدنې او ښارګوټو جوړولو لپاره ځانګړې شوه. دغه ځمکې په ننګرهار، هلمند، نیمروز، فراه او غور ولایتونو کې ځانګړې شوي دی.
د طالبانو د ریاستالوزراء اداري مرستیال عبدالسلام حنفي وايي، په تېرو پنځو کلونو کې له ۸ میلیونو ډېر افغانان له ګاونډیو هېوادونو افغانستان ته ستانه شوي او له همدې امله باید مرستندویه بنسټونه د راستنېدونکو افغانانو په برخه کې خپل مسوولیت ادا کړي.
د امریکا د بهرنیو چارو وزیر مارکو روبیو وايي، پنځه کاله وړاندې په کابل کې د یوه «اسلامي ترهګر» په برید کې وژل شوي ۱۳ امریکايي سرتېري به هېڅکله هېر نه کړي او بیا به اجازه ورنه کړي چې د امریکا له پوځيانو سره ورته «ستر خیانت» وشي.
د طالبانو تر واک لاندې له پېښو سره د مبارزې امادګۍ ادارې او د هنډیکپ انټرنشنل موسسې ترمنځ د څه باندې ۹۵۵ زره ډالرو په ارزښت یو تفاهملیک لاسلیک شو. د هوکړه لیک له مخې به په هرات کې د بشري مرستو د ذخیره کولو لپاره ګودامونه جوړ شي او ګاونډیو ولایتونو ته به د مرستو لېږد اسانه شي.
د بوسنیايي صربانو پخوانی پوځي قوماندان ملادېچ چې د سربرېنیڅا د نسلوژنې او نورو جنګي جرمونو له امله په عمري بند محکوم شوی و، د پنجشنبې په ورځ د ملګرو ملتونو په توقیف کې ومړ. د هغه وکیل دراګان اېوېتیچ د ملادېچ مړینه تایید کړې، خو لامل یې نه دی څرګند کړی.
د ملګرو ملتونو سرمنشي انتونیو ګوترېش هیله ښودلې چې د امریکا متحده ایالات به ډېر ژر د دغه سازمان د بودجې لپاره خپله ونډه ورکړي. د راپورونو له مخې، د ډونالډ ټرمپ ادارې د امریکا کانګرس ته خبر ورکړی چې غواړي د ملګرو ملتونو د منظمې بودجې لپاره ۷۲۵ میلیونه ډالر تادیه کړي.
د ناروې شاهي ماڼۍ د پنجشنبې په ورځ خبر ورکړی چې د دغه هېواد د پاچا هالانډ روغتیايي وضعیت خورا خراب شوی دی. په ورته مهال د ناروې سلګونه اوسېدونکي د روغتون مخې ته ورټول شوي دي.
د جمعیت اسلامي ګوند یو مشر عطا محمد نور وايي، چې په کور دننه او بهر کې هېڅ ډول بانکي حساب نه لري. عطا محمد نور په یوه یادښت کې پر خپلې جنګسالارۍ ویاړ کړی او وايي، ځانمرګي بریدګر معصوم او پاک ګڼل کیږي او دوی ته د بیګانه او کولابي نومونه کاریږي.
د جرمني د برانډنبورګ ایالت په ګوزن-نیو څیتاو کې د یوه ښوونځي په انګړ کې د تاوتریخوالي په پېښه کې یوه نجلۍ او یو سړی وژل شوي او یو شکمن کس په لنډمهالي ډول نیول شوی دی.