د طالبانو د ترانسپورټ او هوايي چلند وزارت ویلي، د تېر یوه کال په ترڅ کې د هېواد په مرکز او ولایتونو کې د باروړونکو ترمینلونو او ځمکني ترانسپورټي خدمتونو له لارې ۴۶ میلیونه او ۵۹۲ زره ټنه سوداګریزو توکو انتقالات شوي دي.
سرچینو افغانستان انټرنشنل ته وویل، چې د پنجشېر د ولایتي شورا پخوانی رییس عبدالکریم عباسي د طالبانو په زندان کې د دوو کلونو او پنځو میاشتو بند وروسته خوشې شوی دی. طالبانو نوموړی د ۱۴۰۲ کال د کب په نهمه نېټه په کابل کې «له مقاومت جبهې سره د همکارۍ» په تور نیولی و.
د طالبانو د معیار او کیفیت ادارې ویلي، د لوېدیځ زون د روزنک بندر له لارې وارد شوي ۵۴ ټنه کاشي چې له کورنیو معیارونو سره یې سمون نه درلود، تر ارزونې او ازموینو وروسته یې هېواد ته د ننوتلو مخه نیولي او بېرته یې ایران ته ورګورځولي دي.
د طالبانو د کورنیو چارو وزارت ویلي، د پکتیا د مرکز ګردېز ـ زرمت پر لویه لار یې د ۵۰ میله وسلو د قاچاق مخه نیولې ده. طالبان وايي، یادې وسلې له پکتیا څخه غزني ته قاچاق کېدي.
سياېناېن د خپلو سرچینو په حواله راپور ورکړی، سره له دې چې بېلابېل ډرون بریدونه شوي او د امریکا او ایران ترمنځ کومه هوکړه نهده شوې؛ خو بیا هم هره ورځ د عمان سواحلو ته نږدې د هرمز تنګي له سوېلي لارې له درېیو تر پنځه مېلیون بېرله تېل لېږدول کېږي.
د ملګرو ملتونو د بشري چارو د همغږۍ دفتر (اوچا) ویلي، چې په افغانستان کې لاهم مېلیونونه خلک د لوږې له ګواښ سره مخ دي. د یادې ادارې په وینا؛ په ۲۰۲۶کال کې د نړۍوالې ټولنې د بشري مرستو بنسټونه پلان لري، چې په افغانستان کې ۱۱.۹ مېلیونه کسانو ته خوراکي مرستې ورسوي.
د ښځو د ازادۍ شبکې د طالبانو د واکمنۍ پنځمې کلیزې په مناسبت ویلي، چې د افغان ښځو لپاره ازادي، زدهکړې، کار، برابري او انساني کرامت سیاسي غوښتنې نه؛ بلکې د هر انسان بنسټیز حق دی. دوی زیاته کړې، چې افغان ښځې له پنځو کلونو راهیسې په سیستماتیک ډول له یادو غوښتنو محرومې دي.
د نیمروز په دښتو کې قرباني شوي کس په خپل وروستي ویډیويي پیغام کې ویلي، چې له ډېرې تندې د ژوندي پاتې کېدو تمه نهلري. د حیاتالله په نوم دغه ځوان په خپل پیغام کې وایي: «دعا کوه مورجانې مرمه، تمه نهلرم چې بچ به شم، ټول ماته خپل حق وبښئ».
د ایران د بهرنیو چارو وزارت ویاند اسماعیل بقایي د دوشنبې په ورځ (د زمري ۱۲مه) په یوې خبري غونډه کې ویلي، چې له امریکا سره هیڅ ډول خبرې نهلري؛ بلکې له عمان سره «د هرمز تنګي له لارې د خوندي تګراتګ» په اړه خبرې اترې روانې دي.
له خوست نه سیمهییزې سرچینې وایي، چې د دغه ولایت د سپېرې ولسوالۍ او د پکتیکا د ګیان ولسوالۍ د دوو قومونو ترمنځ د «ډیوه» غره پر سر شخړه له څو ورځو راهیسې روانه ده او نن پنځمې ورځې ته غځېدلې ده.
د ایران د دفاع وزارت سرپرست مجید ابنالرضا د ترکیې د دفاع وزیر یاشار ګولر سره په ټیلیفوني خبرو کې ویلي، چې ایران د سیمې د ثبات د بېرته ټینګښت په موخه د اوربند هوکړه منلې ده.
د بشري حقونو څار بنسټ د طالبانو د بیا واکمنېدو پنځمې کلیزې په مناسبت په خپور کړي راپور کې ویلي، چې طالبانو واک ته له رسېدو راهیسې د پراخو محدودیتونو په لګولو سره د افغانانو او په ځانګړي ډول د ښځو او نجونو بنسټیز حقونه تر پښو لاندې کړي دي.
د طالبانو تر واک لاندې د کډوالو ستونزو ته د رسېدنې کمېسیون راپور ورکړی، چې له پاکستان او ایران نه یوازې د یکشنبې په ورځ له بېلابېلو لارو ۴۴۴ کډوالې کورنۍ چې ټولټال شمېر یې ۲زره او ۲۵۹ کسان کېږي؛ افغانستان ته ستنې شوې دي.
د غور ولایت د لعل او سرجنګل ولسوالۍ یو اوسېدونکي افغانستان انټرنشنل ته په لېږلي غږیز پیغام کې ویلي، د طالبانو محتسبان هر سهار کور په کور ګرځي او هغه کسان نیسي چې جومات ته د لمانځه لپاره نهوي تللي.
د امریکا ولسمشر ډونالډ ټرمپ د ایران پر وړاندې د پلان شوي برید د ځنډېدو په اړه ویلي، چې خبرې اترې به د دوشنبې له ماسپښین وروسته پیل شي. هغه ویلي، داسې یو برید یې تر غور لاندې و چې له دویمې نړۍوالې جګړې راهیسې تر ټولو لوی پوځي برید و.
د خیبر پښتونخوا د پېښور ښار په دین بهار کالونۍ سیمه کې د ناپېژاندو وسلهوالو په ډزو کې دوه کسان وژل شوي او څلور نور ټپیان دي. د پولیسو په وینا؛ پېښه د فقیراباد پولیسو تاڼې اړوند شوې ده.
په نورستان کې د طالبانو رسنیز دفتر یو ځل بیا د دغه ولایت په منډول ولسوالۍ کې د سېلابونو راوتو خبر ورکړی. یاد دفتر ویلي، چې د سېلابونو تازه څپې ګڼ کورونه، سلګونه جریبه ځمکه او عامه تاسیسات زیانمن کړي دي.
د خیبر پښتونخوا د بنو ولسوالۍ په جانيخېلو بازار کې تېر ماښام د ډرون برید له امله دوه کسان وژل شوي او ۱۱ نور ټپیان دي. پولیس وايي، ټپیان د درملنې لپاره سملاسي د بنو مرکزي روغتون ته لېږدول شوي دي.
د طالبانو د کرنې، اوبو لګولو او مالدارۍ وزارت مرستیال صدراعظم عثماني د مالدووا د کرنې او خوړو صنعت وزارت په رسمي بلنه د یوه پلاوي په مشرۍ په پنځه ورځني سفر دغه هېواد ته ولاړ.
د خېبرپښتونخوا د اطلاعاتو وزير شفيع جان ويلي، د پاکستان تحريک انصاف ګوند له زندانه د خپل بنسټګر عمران خان د خلاصون لپاره ټولې قانوني او اساسي لارې کارولې دي؛ خو انصاف ونه شو نو اوس به ګوند د ولس په ملاتړ د خپلې سولهييزې سياسي مبارزې بل پړاو پیل کړي.
د امریکا او ایران ترمنځ د وروستیو اوونیو تاوتریخوالي د تېلو نړۍوال بازار اغېزمن کړی و؛ خو د دوشنبې ورځې په پیل کې معاملاتو او خبرو اترو ته د هیلو له امله د تېلو نړۍوالې بیې په څرګند ډول راټیټې شوې.