د امریکا او ایران ترمنځ د وروستیو اوونیو تاوتریخوالي د تېلو نړۍوال بازار اغېزمن کړی و؛ خو د دوشنبې ورځې په پیل کې معاملاتو او خبرو اترو ته د هیلو له امله د تېلو نړۍوالې بیې په څرګند ډول راټیټې شوې.
د افغانستان د پخواني پوځ یو افسر افغانستان انټرنشنل ته ویلي، چې د طالبانو لهخوا د پخوانیو پوځیانو ثبتول یې اندېښنې زیاتې کړې دي. نوموړي زیاته کړې، چې ژوند یې له وړاندې له ګواښ سره مخ و او اوس یې کورنۍ ته هم د ګواښ اندېښنه زیاته شوې ده.
په پاکستان کې د افغان کډوالو د بېرته ستنېدو روان بهیر د هغه ښځینه افغان محصلانو اندېښنې زیاتې کړې، چې په دغه هېواد کې پر لوړو زدهکړو بوختې دي. دوی وايي، که د زدهکړو له بشپړېدو وړاندې افغانستان ته د ستنېدو لپاره اړې شي؛ نو د څو کلونو زحمت به یې په اوبو لاهو شي.
رویټرز خبري اژانس راپور ورکړی، اتن ته څېرمه د پراخې اورلګېدنې د مهارولو پرمهال د اور وژنې دوه چورلکې له یو بل سره ټکر شوې چې له امله یې یو یونانی او یو د ډنمارکی وګړی مړه شوي دي. دوه نور کسان چې یو یې یونانی او بل برتانوی وګړی دی؛ له پېښې روغ وتلي دي.
د نورستان د وروستیو سېلابونو له کبله د ویجاړونکې غمیزې ۱۵ ورځې وروسته، د طالبانو یو پلاوی د غمرازۍ په موخه دغه ولایت ته تللی. د فاتحې او غمشریکۍ په مراسمو کې د پلاوي د غړو د خندا ویډیوګانو د نورستان قومي مشرانو او ځايي خلکو غبرګونونه راپارولي دي.
د کابل د درېیمو مکروریانو اړوند د عمر ګلستان ښارګوټي اوسېدونکي وایي، له سختو ستونزو سره مخ دي. د دوی په وینا؛ طالبانو وړاندې دغه ښارګوټی دولتي ملکیت اعلان کړی و او اوس له هغه کسانو څخه چې خپل کورونه او جایدادونه یې په شخصي پیسو اخیستي، د کرایې غوښتنه کوي.
د غزې د روغتیا وزارت چارواکو ویلي، چې د یکشنبې په ورځ د اسراییل په هوايي بریدونو کې لږترلږه ۱۵ کسان وژل شوي دي. دغه بریدونه داسې مهال شوي، چې د امریکا ولسمشر ډونالډ ټرمپ ویلي وو د تېر کال د اوربند تړون د عملي کېدو لپاره هڅې ګړندۍ شوې دي.
په هرات کې سرچینې وايي، چې د طالبانو د امر بالمعروف محتسبانو په تېرو دوو ورځو کې د هرات له دولتي روغتون او لیلامۍ بازار څخه پنځه ښځې نیولې دي. دا په داسې حال کې ده، چې په دې وروستیو کې د هغه ښځو د نیولو راپورونه هم خپاره شوي چې حجاب یې مراعت کړی و.
په بدخشان، کندهار، بادغیس او نورو ولایتونو کې د مخالفو وسلهوالو جبهو د بریدونو له پراخېدو وروسته طالبانو د نورو جنګیالیو د جذب بهیر پیل کړی. دغې ډلې ویلي، تازه یې د بدخشان او کندهار په ګډون په ۷ ولایتونو کې نږدې ۵۵۰ تازه دمي جنګیالي جذب کړي دي.
د روغتیا نړیوال سازمان (ډبلیو ایچ او) او د ملګرو ملتونو د ماشومانو ملاتړ صندوق (یونیسف) استازو په افغانستان کې د میندو او ماشومانو ترمنځ د خوارځواکۍ د زیاتېدو په اړه اندېښنه څرګنده کړې او د کورنیو د لا زیات ملاتړ غوښتنه یې کړې ده.
د طالبانو د اطلاعاتو او کلتور وزارت په بغلان کې د شاوخوا دوه زرو کلونو تاریخي مخینې لرونکې یوه سکه تر موندلو او قانوني مراحلو تر بشپړېدلو وروسته په رسمي توګه د بغلان د اطلاعاتو او کلتور ریاست سیمهییز موزیم ته د ساتنې په موخه وسپارل شوه. ویل کېږي دغه سکه یوه ماشوم موندلې وه.
فایننشل ټایمز د ایراني ډیپلوماټانو له قوله راپور ورکړی چې تهران او عمان په هُرمز تنګي کې د کښتۍ چلونې د مدیریت په اړه یوې نوې هوکړې ته د رسېدو وروستیو پړاوونو ته نږدې شوي دي. د ورځپاڼې په وینا، منځګړي دا هوکړه د امریکا او ایران ترمنځ د جګړې د لا پراخېدو د مخنیوي لپاره مهمه بولي.
د پاکستان د کورنیو چارو پخواني وزیر افتاب احمد خان شېرپاو په یوه ورځ کې په پېښور او سوات کې چاودنو ته په غبرګون کې ویلي، یوازې غندنې او بیانونه د «ترهګرۍ» د لهمنځه وړلو لپاره بسنه نهکوي. د یکشنبې په ورځ د پېښور او سوات په پېښو کې ۱۵ کسان وژل شوي او ۲۶ نور ټپیان شوي دي.
د پاکستان د امنیت او شخړو د مطالعاتو انسټېټیوټ (پی ای سي ایس ایس) ویلي، د تېرې جولای میاشتې پر مهال د پاکستان د امنیتي ځواکونو مرګژوبله د ۲۰۲۳ کال راهیسې تر ټولو لوړې کچې ته رسېدلې ده.
اسوشیټډ پرېس په یوه راپور کې ویلي چې د امریکا ولسمشر ډونالډ ټرمپ له لوري د ایران پر ضد د پوځي بریدونو د درولو پرلهپسې اعلانونه د امریکا او ایران ترمنځ د پنځه میاشتني کړکېچ یوه مهمه ځانګړنه ګرځېدلې ده.
د افغانستان د کرېکټ پیژندل شوي ستوري راشد خان له ايرلېنډ سره د افغان لوبډلې د سیاليو په تړاو ويلي: «ملي لوبې داسې يو څه دي چې له هر څه ډېر لومړیتوب لري». نوموړي دغه څرګندونې د ۱۰۰ باليز ليګ پرېښودو او د ملي لوبډلې سره د یو ځای کېدو لپاره ايرلېنډ ته د راونېدو پر مهال کړې دي.
د اسټرالیا په کوینزلنډ ایالت کې د افغانانو ټولنې د «د خلکو پیاوړتیا، د کوینزلنډ پیاوړتیا» په نندارتون کې د ګډون سربېره د افغانستان ځانګړی فرهنګي غرفه جوړه کړې وه او د لسګونو نورو بنسټونو، ټولنو او فرهنګي ډلو ترڅنګ یې د افغان کلتور او دودونو بېلابېل اړخونه نندارې ته وړاندې کړل.
ځینو سرچینو افغانستان انټرنشنل ته ویلي چې د طالبانو د عدلیې وزارت د کابل په لوېدیځ کې د «امید سبز» په نوم ښارګوټي اوسېدونکو ته د زمري تر ۱۵مې، د پنجشنبې ورځې پورې، وخت ورکړی چې خپل کورونه تخلیه کړي.
د تېر جمهوري نظام د ملي دفاع وزارت سرپرست شاه محمود میاخېل د طالبانو «شرطه» او «سپین کمیسي» (د امربالمعروف او نهې عنالمنکر محتسبین) «مرده شویان» وبلل. میاخېل زیاته کړه، د دوی مشر نهښکاري، «خو د اسلام، انسانیت او افغانیت پر ضد فرمانونه صادروي» او ورسره یې اسلام «بدنام» کړی دی.
اروپايي ټولنې اعلان کړی چې د روانې اوونۍ د سېشنبې په ورځ به د هسپانیا د سیوټا سیمې د وروستي کډوالۍ کړکېچ د ارزونې لپاره بېړنۍ غونډه جوړه کړي.
د بادغیس لپاره د طالبانو د امنیه قومندانۍ مسوولین وايي، د دغه ولایت په مرکز کې د یوې ټرافیکي پېښې له امله دوه کسان مړه شوي دي. د دوی په وینا، دغه پېښه نن له غرمې مخکې د قلعهنو ښار د څلورمې امنیتي حوزې اړوند سیمه کې رامنځته شوې وه.