په میانمار کې د واکمنې پوځي ډلې هوايي برید په راخاین ایالت کې یو لوی دولتي روغتون په نښه کړی، چې له امله یې لږترلږه ۳۰ کسان وژل شوي او تر ۷۰ ډېر ټپیان دي. د وژل شویو کسانو په ډله کې ناروغان هم شامل دي.
امریکایي سناتور لېنډسي ګراهام ویلي، چې د مادورو د واکمنۍ پای ته رسېدو او له ظلم څخه د وېنزویلا د خلکو د خلاصون وخت رارسېدلی دی. هغه زیاته کړه، چې وېنزویلا له اوږدې مودې راهیسې د یوه «ډیکټاتور حکومت» په څېر د امریکا په زیان کار کړی دی.
د یوناما چارسمبالې جورجیوت ګانیون په خپل درې میاشتني راپور کې چې د ملګرو ملتونو امنیت شورا ته یې لېږلی لیکلي، چې دغه سازمان په افغانستان کې د روان کال د اګست له لومړۍ نېټې د اکټوبر تر ۳۱مې پورې ۲زره او ۷۳۷ امنیتي پېښې ثبت کړې دي.
د طالبانو تر واک لاندې د کډوالو ستونزو ته د رسېدنې عالي کمېسیون (د لېندۍ ۲۰مه) خبر ورکړی، پرون چهارشنبه له ایران او پاکستان نه ۴۲۱ کورنۍ چې ټولټال ۲۲۹۹ کسان کېږي؛ په جبري توګه افغانستان ته ستنې کړای شوې دي.
په مراکش کې د فاس ښار دوه څلور پوړیزې ودانۍ د سېشنبې په شپه ونړېدې، چې له امله یې ۲۲ کسان مړه او ۱۶ نور ټپیان شول. مراکشي چارواکو ویلي، چې یوه ودانۍ خالي وه؛ خو په بلې هغې کې د ماشوم د زېږون (عقیقې) دودیز مراسم روان وو او اته کورنۍ پهکې مېشتې وې.
د ملګرو ملتونو د امنیت شورا په ناسته کې د سرمنشي ځانګړې مرستیالې استازې جورجیوت ګانیون او د بېړنیو مرستو همغږي کوونکي ټام فلچر په ټينګار سره وویل، چې په ۲۰۲۶کال کې به د افغانستان نږدې نیمایي وګړي بشردوستانه مرستو ته جدي اړتیا ولري.
د طالبانو د لوړو زدهکړو وزیر ندا محمد ندیم تهران ته د خپل سفر په ترڅ د مېشتو افغانانو او استادانو سره د لیدنې پر مهال په افغانستان کې د امنیت پر ټینګښت ټینګار کړی او ویلي یې دي، چې دوی د ایراني چارواکو سره د ډیپلوماسۍ له لارې د کډوالو ستونزې څاري.
د طالبانو د کډوالو او بېرته راستنېدونکو چارو وزارت خبر ورکړی، په روانه اونۍ کې ۲۲۸ افغان کډوال چې د عراق او پاکستان په زندانونو کې بندیان وو؛ له زندانه تر خوشې کېدو وروسته بېرته افغانستان ته ستانه شوي دي.
له اسلاماباد نه خپرېدونکې اېکسپرېس ټرېبیون ورځپاڼې راپور ورکړی، په پاکستان کې هغه کډوال له نوي کړاو سره مخ دي چې د امریکا د بیا مېشتېدنې قضیې لري. یادې رسنۍ ته پاکستاني چارواکو ویلي، که امریکا د دغه کسانو د پناه غوښتنې قضیې نه مني؛ نو دوی یې هم نور خپل هېواد کې نهشي ساتلی.
د خیبرپښتونخوا په شمالي وزیرستان، بنو او باجوړ ولسوالۍ کې په څلورو جلا پېښو کې ۷ کسان وژل شوي دي. ځایي چارواکو خبر ورکړی، چې د شمالي وزیرستان په اسوري سیمه کې د یوې هاوان مرمۍ د چاودنې له امله د یوې مدرسې دوه زدهکوونکي وژل شوي دي.
د طالبانو د صنعت او سوداګرۍ وزارت ویلي، چې د ۱۴۰۴کال په تېرو ۷میاشتو کې د ایران او افغانستان ترمنځ د سوداګریزې راکړې ورکړې کچه یو مېلیارد او ۹۲۱مېلیون ډالرو ته رسېدلې ده. دغه وزارت ایران له خپلو مهمو سوداګریزو شریکانو ګڼي.
د سیالیو د مهالوېش له مخې؛ د افغانستان د وزلوبې غوره لیګ ۷م پړاو سیالۍ نن پنجشنبه (د لېندۍ ۲۰مه) په کابل کې پیلېږي. د افغانستان د وزلوبې فدراسیون اعلان کړی، چې دغه سیالۍ به د بهرنیو چاپاندازانو او ۱۱ لوبډلو په ګډون په څلورو ګروپونو کې ترسره شي.
د بیان ازادۍ مرکز په نوم د افغان خبریالانو او رسنیو د ملاتړ یو سازمان چې د کاناډا په ټورنټو کې فعالیت کوي، د افغان خبریالانو د امنیت او ژوند په تړاو اندېښنه څرګنده کړې ده. دغه سازمان ویلي، افغان خبریالان له افغانستان سربېره په ترکیې، پاکستان او ایران کې له سختو ننګوونو سره مخ دي.
د افغانستان لپاره د اېټالیا سفارت د (لېندۍ ۱۹مه) د بشري حقونو نړۍوالې ورځې په تړاو یو پېغام کې ویلي، چې د افغانانو ملاتړ کوي او هڅې یې روانې کړې؛ څو افغانستان په نړۍواله ټولنه کې بیا ادغام کړي. دوی وایي، د دې کار لپاره مدني ټولنو، نادولتي موسسو او بنسټونو سره په تماس کې دي.
د امریکا د کورني امنیت وزارت اعلان کړی، چې په تېرو ۳۶۵ ورځو کې له دې هېواد څخه شاوخوا ۶۰۰زره ناقانونه کډوال اېستل شوي دي. د وزارت د معلوماتو له مخې، نږدې ۱،۹ میلیونه نور کډوال په خپله خوښه له امریکا وتلي دي، چې په ټولییز ډول یې شمېر له ۲،۵ میلیون کسانو څخه اوړي.
د خبریالانو د خوندیتوب کمېټه وایي، د ۲۰۲۵ کال پای ته رسېدو ته ۳ اوونۍ پاتې دي او تر دې مهاله په نړۍ کې د وژل شویو خبریالانو شمېر د ۲۰۲۴ کال د ریکارډ سره برابر شوی دی. دوی زیاته کړې، په غزه کې د اسراییل بریدونو او ایران او یمن کې د خبریالانو وژنې د وژل شویو خبریالانو شمېر لوړ کړی.
یو اوکرایني چارواکي ویلي، چې د اوکراین سمندري ډرونونو د چهارشنبې په ورځ د تېلو هغه ټانکر په نښه کړی، چې د روسیې د نفتو په قاچاقي سوداګرۍ کې ښکېل و. دغه ټانکر د اوکراین له ځانګړې اقتصادي سیمې تېرېده او د روسیې نووروسیسک بندر ته روان و.
د ملګرو ملتونو د عمومي غونډې مشره انالینا بربوک ویلي، چې نړۍ باید د بشري مرستو کارکوونکو او اړوندو سازمانونو لپاره هغه خوندیتوب، مالي امکانات او سیاسي ملاتړ برابر کړي چې دوی ورته اړتیا لري.
د ملګرو ملتونو د عمومي غونډې مشرې انالینا بربوک د ملګرو ملتونو د بشر دوستانه چارو له مرستیال سرمنشي ټام فلچر سره لیدلي او د افغان ښځو او نجونو د ناسم وضعیت په اړه یې خبرې اترې کړي. په لیدنه کې دغه ناسم وضعیت د ملګرو ملتونو د منشور خلاف عمل ګڼل شوی.
ازادۍ جبهې د بشري حقونو د نړۍوالې ورځې په مناسبت ویلي، د طالبانو تر واک لاندې افغانستان کې ټول بشري حقونه تر پښتو لاندې کېږي. دوی زیاته کړې، افغانستان په نړۍ کې یوازینی هېواد دی، چې ښځې پهکې له ټولنیز ژوند څخه اېستل شوې دي.
د افغانستان لپاره د اسټرالیا ځانګړې استازې د طالبانو د مخالفو ګوندونو او سیاسي جریانونو د یووالي او همغږۍ هرکلی کړی دی. اماندا مکګرېګور ویلي، چې د افغانستان سیاسي بهیرونه د بنسټیزو اصولو پر محور یو موټی شوي دي.